ദുബായ്: കഴിഞ്ഞ വർഷത്തെ ഏറ്റവും മികച്ച ക്രിക്കറ്റ് താരത്തിനുള്ള ഐസിസി പുരസ്കാരം ഓസ്ട്രേലിയൻ നായകൻ പാറ്റ് കമ്മിൻസിന്.
കമ്മിൻസിന്റെ നേതൃത്വത്തിലാണ് ഓസീസ് കഴിഞ്ഞ വർഷത്തെ ഏകദിന ലോകകപ്പും ടെസ്റ്റ് ചാമ്ബ്യൻഷിപ്പ് കിരീടവും സ്വന്തമാക്കിയത്.
ഇന്ത്യയില്‍ വെച്ച്‌ ഫൈനലില്‍ ഇന്ത്യയെ തകർത്താണ് കമ്മിൻസിന്റെ നേതൃത്വത്തില്‍ ഓസീസ് ഏകദിന ലോകകപ്പില്‍ മുത്തമിട്ടത്. ടെസ്റ്റ് ചാമ്ബ്യൻഷിപ്പ് ഫൈനലിലും ഇന്ത്യയെ തകർത്തായിരുന്നു ഓസീസിന്റെ കിരീടനേട്ടം. പന്ത് കൊണ്ടും ബാറ്റ് കൊണ്ടും ടീമിന് നിർണായക സംഭാവനകള്‍ നല്‍കാനും താരത്തിന് സാധിച്ചിരുന്നു.
കഴിഞ്ഞ വർഷം 24 മത്സരങ്ങളില്‍ നിന്നായി 422 റണ്‍സും 59 വിക്കറ്റുമാണ് കമ്മിൻസിന്റെ സമ്ബാദ്യം.
