പത്തനംതിട്ട: പന്തളത്ത് യാത്രക്കാരിയെ പീഡിപ്പിക്കാൻ ശ്രമിച്ച ഓട്ടോറിക്ഷ ഡ്രൈവര്‍ അറസ്റ്റില്‍.പന്തളം തെക്കേക്കര പെരുമ്ബുളിക്കല്‍ തട്ടയില്‍ അലീന കോട്ടേജില്‍ ബിനോയ് (46) ആണ് പിടിയിലായത്.
കഴിഞ്ഞ 26 ന് പുലര്‍ച്ചെ 4.15 ന് മൈനാപ്പള്ളി ജങ്ഷന് സമീപം എം.സി. റോഡു വക്കില്‍ ഓട്ടോ നിര്‍ത്തിയ ശേഷമാണ് ഇയാൾ പീഡിപ്പിക്കാൻ ശ്രമിച്ചത്. വണ്ടി ഒതുക്കി നിര്‍ത്തിയിറങ്ങിയ ഇയാൾ യുവതിയുടെ കയ്യില്‍ കയറിപ്പിടിച്ച ശേഷം ലൈംഗിക അതിക്രമത്തിന് മുതിരുകയായിരുന്നു.
യുവതിയുടെ പരാതിയിൽ പൊലീസ് ഇൻസ്പെക്ടര്‍ ടി.ഡി.പ്രജീഷിന്റെ നേതൃത്വത്തില്‍ കഴിഞ്ഞ ദിവസമാണ് ഇയാളെ പിടികൂടിയത്. അടൂര്‍ കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
