കൊച്ചി: നെടുമ്പാശ്ശേരി എയര്‍പോര്‍ട്ടിലെ പ്രീമിയം ഷോപ്പിംഗ് കേന്ദ്രമായ ഡ്യൂട്ടി ഫ്രീ ഷോപ്പില്‍ യാത്രക്കാര്‍ക്കായി ഓണം സീസണില്‍ പ്രഖ്യാപിച്ച ഉത്സവ മെഗാ ഷോപ്പിംഗ് ബംപര്‍ സമ്മാനങ്ങള്‍ വിതരണം ചെയ്തു.
20 ലക്ഷം രൂപ വിലയുള്ള രണ്ട് മഹീന്ദ്ര എക്സ്‌‌യുവി കാറുകളാണ് സമ്മാനിച്ചത്.നോര്‍ത്ത് പറവൂര്‍ സ്വദേശി മഞ്ജു ഡേവീസ്, വടകര സ്വദേശി രഞ്ജീഷ് രയരോത്ത് എന്നിവരാണ് സമ്മാനര്‍ഹരായത്.
കഴിഞ്ഞ ഓഗസ്റ്റ് മുതല്‍ ഒക്ടോബര്‍ വരെയുള്ള മാസങ്ങളില്‍ ഡ്യൂട്ടിഫ്രീ ഷോപ്പില്‍ നിന്നു 5,000 രൂപയ്ക്ക് മുകളില്‍ സാധനങ്ങള്‍ വാങ്ങിയവരെയാണ് നറുക്കെടുപ്പില്‍ ഉള്‍പ്പെടുത്തിയിരുന്നത്.
സിയാല്‍ എംഡി എസ്. സുഹാസ് വാഹനത്തിന്‍റെ താക്കോല്‍ വിതരണം ചെയ്തു.
