കൊച്ചി: മെട്രോ യാത്രക്കാര്‍ക്ക് സമ്മാനങ്ങള്‍ വിതരണം ചെയ്തുകൊണ്ട് കീര്‍ത്തി നിര്‍മലിന്റെ ക്രിസ്മസ് ആഘോഷം.
കീര്‍ത്തി നിര്‍മലിന്റെ മെട്രോ സാന്റാ ഡിസംബര്‍ 21,22,23 തിയ്യതികളിലായി വിവിധ മെട്രോ സ്റ്റേഷനുകളിലും മെട്രോകളിലും സഞ്ചരിച്ച്‌ യാത്രക്കാര്‍ക്ക് പ്രത്യക സമ്മാനങ്ങള്‍ കൈമാറി. നിര്‍മലിന്റെ 1 കിലോ മട്ടയരി പാക്കറ്റ്, ശര്‍ക്കര പൊടി പാക്കറ്റ്, കേക്ക് എന്നിവയാണ് 1500 ഓളം വരുന്ന യാത്രക്കാര്‍ക്ക് നല്‍കിയത്.
കീര്‍ത്തി നിര്‍മല്‍ ജീവനക്കാരും മറ്റു മെട്രോ പ്രതിനിധികളും പരിപാടിയില്‍ പങ്കെടുത്തു. യാത്രക്കാരെ അമ്ബരപ്പിച്ച്‌ കൊണ്ടായിരുന്നു സാന്റയുടെ മെട്രോയിലേക്കുളള കടന്നു വരവ്. മെട്രോ സാന്റാ നല്‍കിയ സമ്മാനത്തിൽ യാത്രക്കാരും ഹാപ്പി.
എല്ലാവര്‍ഷവും ക്രിസ്മസിനോടനുബന്ധിച്ച്‌ നിര്‍മല്‍ ഇതുപോലുള്ള വ്യത്യസ്തതരം പരിപാടികള്‍ നടത്തി വരാറുണ്ട്. കഴിഞ്ഞ വര്‍ഷം നിര്‍മലിന്റെ അരിച്ചാക്കുകള്‍ ഉപയോഗിച്ച്‌ 2304 സ്‌ക്വയര്‍ഫീറ്റ് വലുപ്പം വരുന്ന സാന്റയുടെ രൂപം നിര്‍മ്മിച്ചിരുന്നു. ഇത്തവണയും വ്യത്യസ്ത രീതിയില്‍ ക്രിസ്മസ് ആഘോഷിക്കുന്നതിന്റെ ഭാഗമായാണ് ഉപഭോക്താക്കള്‍ക്കിടയിലേക്ക് മെട്രോ സാന്റാ എത്തിയത്.
