സെർബിയക്കാരനായ വുകമനോവിച്ച് എങ്ങനെ കേരളത്തിന്റെ ആശാനായി ?

ബ്ലാസ്റ്റേഴ്സിന്റെ പത്താമത്തെ പരിശീലകനായിരുന്നു ഈ മുന്‍ സെര്‍ബിയന്‍ താരം.ബെല്‍ജിയം ക്ലബ്ബിന്റെ സഹപരിശീലകനായാണ് വുകമനോവിച്ച് കോച്ചിങ് കരിയര്‍ ആരംഭിച്ചത്.പിന്നീട് സ്ലൊവാക്യന്‍ സൂപ്പര്‍ ലീഗിലും പരിശീലകനായി.

 1977  ജൂൺ 19 ന് സെർബിയയിലെ ടിറ്റോവോയിലായിരുന്നു ജനനം.സെർബിയൻ ദേശീയ ടീമിലും 1994 മുതൽ 2011 വരെ വിവിധ യൂറോപ്യൻ ക്ലബ്ബുകൾക്കായും അദ്ദേഹം ബൂട്ട് കെട്ടി.കൂടുതലും മധ്യനിരയിൽ കളിച്ചിരുന്ന അദ്ദേഹം ഒരു മിഡ്ഫീൾഡ് ജനറലായും പേരെടുത്തിരുന്നു.

2013 ൽ സ്റ്റാൻഡേർഡ് ലീജ് എന്ന ക്ലബ്ബിനു വേണ്ടി ബെൽജിയൻ പ്രോ ലീഗിലാണ്  വുകമനോവിച്ച് തന്റെ പരിശീലന ജീവിതം ആരംഭിച്ചത്.ഈ സമയത്ത്, യോഗ്യതാ ഘട്ടങ്ങളിലെ എല്ലാ ഗെയിമുകളും വിജയിച്ചതിനു ശേഷം ക്ലബ് യൂറോപ്പ ലീഗിലേക്ക് സ്ഥാനക്കയറ്റം നേടുകയും ചെയ്തു.യൂറോപ്പ ലീഗിൽ സ്പാനിഷ് വമ്പൻമാരായ സെവിയ്യയ്‌ക്കെതിരെയായിരുന്നു ഹെഡ് കോച്ചെന്ന നിലയിലുള്ള അദ്ദേഹത്തിന്റെ ആദ്യ കളി.അദ്ദേഹത്തിന്റെ പരിശീലനത്തിന് കീഴിൽ, ലീഗിൽ പരമാവധി ലഭിക്കാവുന്ന  39 പോയിന്റുകളിൽ നിന്ന് 28 എണ്ണം സ്റ്റാൻഡേർഡ് ലീജ് നേടുകയും ചെയ്തു.2016 വരെ അദ്ദേഹം ക്ലബിൽ തുടർന്നു.