ബംഗളൂരു എഫ്സിക്കെതിരായുള്ള ആദ്യ മത്സരത്തില്‍ നിന്ന് മാറ്റം വരുത്താതെയാണ് കോച്ച്‌ ടീമിനെ പ്രഖ്യാപിച്ചത്.
സൂപ്പര്‍ സ്‌ട്രൈക്കര്‍ ദിമിത്രിയോസ് ഡയമന്റകോസ് പകരക്കാരുടെ ബഞ്ചില്‍ ഇടംപിടിച്ചിട്ടുണ്ട്.മുന്നേറ്റത്തില്‍ ക്വാമി പെപ്ര, ദൈസുകി സകായ്, അഡ്രിയാൻ ലൂണ എന്നിവരാണുള്ളത്.
മിഡ്ഫീല്‍ഡില്‍ മുഹമ്മദ് അയ്മനും ഡാനിഷ് ഫാറൂഖും. ഡിഫൻസീവ് മിഡ്ഫീല്‍ഡില്‍ ജീക്‌സണ്‍ സിങ്. ഇടതു-വലതു വിങ് ബാക്കുകളായി ഐബൻ ഡോഹ്‌ലിങ്ങും പ്രബീര്‍ദാസും. സെന്റര്‍മിഡ്ഫീല്‍ഡില്‍ വിദേശതാരം മിലോസ് ഡ്രിൻകിച്ചും പ്രീതം കോട്ടാലും. ഗോള്‍വലയ്ക്കു താഴെ സച്ചിൻ സുരേഷ് തന്നെ.
കരണ്‍ജിത്, സന്ദീപ് സിങ്, ഹോര്‍മിപാം റുയ്‌വ, വിബിൻ മോഹൻ, ഫ്രഡ്ഡി നിഹാല്‍ സുധീഷ്, അസ്ഹര്‍, ബിദ്യാസാഗര്‍, ദിമിത്രിയോസ് എന്നിവരാണ് പകരക്കാരുടെ ബഞ്ചിലുള്ളത്.പരിക്കില്‍ നിന്ന് മുക്തനാകാത്ത പ്രതിരോധ താരം മാര്‍ക്കോ ലസ്‌കോവിച്ച്‌, അന്താരാഷ്ട്ര മത്സരം കഴിഞ്ഞെത്തിയ രാഹുല്‍ കെ.പി, ബ്രൈസ് മിറാന്റ, നവോച്ച സിങ്, സൗരവ് മണ്ഡല്‍, ലാറ ശര്‍മ, യഹെൻബ മീഠെയ്, ഇഷാൻ പണ്ഡിത എന്നിവര്‍ ടീമില്‍ ഇടം പിടിച്ചില്ല.
ആദ്യ മത്സരത്തില്‍ ബംഗളൂരു എഫ്‌സിയെ ഒന്നിനെതിരെ രണ്ടു ഗോളിനാണ് ബ്ലാസ്റ്റേഴ്സ് കീഴ്‌പ്പെടുത്തിയിരുന്നത്. ഇന്നു കൂടി ജയിച്ചാല്‍ മോഹൻ ബഗാനൊപ്പം പോയിന്റ് പട്ടികയില്‍ ഒന്നാമതെത്താൻ ബ്ലാസ്റ്റേഴ്‌സിനാകും.
