പാരസെറ്റമോൾ ഗുളികകൾ ജീവനെടുക്കുമ്പോൾ

രോഗം വിലകൊടുത്ത് വാങ്ങരുത്.

രോഗം ഒരു ഉല്പന്നമാണ്. കടകളില്‍ ചെന്ന് നാം അതു വാങ്ങണം. വാങ്ങിയാല്‍ മാത്രം പോരാ ഉപയോഗിക്കുകയും വേണം. അതല്ലാതെ രോഗം ഉണ്ടാക്കിയെടുക്കാന്‍ മറ്റു മാര്‍ഗ്ഗങ്ങള്‍ യാതൊന്നുമില്ല.രോഗം ഒരുല്പന്നമാണെന്നോ? നിങ്ങള്‍ അമ്പരന്നു ചോദിച്ചേക്കാം. അത് കടകളില്‍ നിന്നും വാങ്ങണമെന്നു പറയുമ്പോള്‍ ആരെങ്കിലും അത് ചെയ്യുമോ എന്നും ചോദിച്ചേക്കാം.

കൊക്കോകോള എന്നും പെപ്‌സികോള എന്നും നിങ്ങള്‍ വിളിക്കുന്നത് പിന്നെ എന്തിനെയാണ്? പെപ്‌സി എന്നതും കൊക്കൊകോള എന്നതും ബ്രാന്റ ് നാമങ്ങളാണ്. ജനറിക് നാമം ‘രോഗം’ എന്നതാണ്. അള്‍സറും അലര്‍ജിയും ലിവര്‍ സിറോസിസും മുതല്‍ കാന്‍സര്‍ വരെയായി പടര്‍ന്നു കിടക്കുന്ന രോഗം എന്നാണതിന്റെ യഥാര്‍ത്ഥ അര്‍ത്ഥം.

നിവിയ ബോഡി സ്‌പ്രേ, കോള്‍ഗേറ്റ് ടൂത്ത്‌പേസ്റ്റ്, പിയേഴ്‌സ് സോപ്പ്, ജോണ്‍സണ്‍സ് ബേബി പൗഡര്‍, ഹാര്‍ലിക്‌സ്, ബോണ്‍വിറ്റ എന്നൊക്കെ നിങ്ങള്‍ കടകളില്‍ നിന്നും വാങ്ങുന്ന സാധനങ്ങള്‍ ഉന്നത കമ്പനികളുടേത് എന്നും നല്ലതാണെന്നും നിങ്ങള്‍ കരുതുന്നു. നല്ലതാണെന്ന് കരുതുന്നതില്‍ വലിയ തെറ്റൊന്നുമില്ല. അവ നല്ലതു തന്നെയാണ്. പക്ഷെ അത് നല്ലതായിരിക്കുന്നത് അത് ഉണ്ടാക്കുന്നവര്‍ക്കാണ്. ഒരിക്കലും നിങ്ങള്‍ക്ക് നല്ലതു വരുത്തുന്നില്ല.

ജോണ്‍സന്‍ ആന്റ ് ജോണ്‍സന്‍ ബേബി ഉല്പന്നങ്ങള്‍ ഉണ്ടാക്കുന്നത് ‘കുഞ്ഞുങ്ങളെ ചെറുപ്പം മുതല്‍ തന്നെ രോഗികളാക്കാനാണ്.’ വമ്പന്‍ മരുന്നു കമ്പനികളിലൊന്നായ ജോണ്‍സന്‍ സ്വന്തം ഉല്പന്നങ്ങള്‍ വിറ്റ് കുഞ്ഞുങ്ങളെ ആദ്യം രോഗികളാക്കുന്നു. പിന്നീട് അവര്‍ക്കുള്ള മരുന്നുകള്‍ വില്‍ക്കുന്നു. ആ മരുന്നുകളുടെ സൈഡ് ഇഫെക്ടുകള്‍ കൂടുതല്‍ കടുത്ത പലപല രോഗങ്ങളായി ജീവിതകാലം മുഴുവനും ഒന്നാന്തരം ലാഭത്തിന്റെ ഇരയാക്കി കുഞ്ഞിനെ മാറ്റുന്നു.

ജോണ്‍സന്‍ ആന്റ ് ജോണ്‍സന്‍  കാന്‍സര്‍ ആന്റ ് കാന്‍സര്‍.

ജോണ്‍സന്റെ ബേബി പൗഡര്‍ ഉപയോഗിച്ച് ഓവറി കാന്‍സര്‍ ബാധിച്ചത് തെളിയിച്ച ജാക്‌ലിന്‍ ഫോക്‌സിന് അമേരിക്കന്‍ കോടതി 750 മില്യണ്‍ ഡോളര്‍ നഷ്ടപരിഹാര മാണ് വിധിച്ചത്. മൂന്നു കേസുകളില്‍ വന്‍ നഷ്ടപരിഹാരം വിധിച്ചു കഴിഞ്ഞു. ആയിരത്തി ഇരുന്നൂറോളം കേസുകള്‍ വിധി കാത്ത് കിടക്കുകയാണ് അമേരിക്കയില്‍.

കുഞ്ഞിന്റെ മൃദുല മേനിക്ക് രോഗമുണ്ടാക്കാനുള്ള ജോണ്‍സന്‍സ് ബേബി ഓയില്‍ മണ്ണെണ്ണയാണെന്ന് എത്രപേര്‍ക്കറിയാം? ക്രൂഡ് ഓയിലില്‍ നിന്നുമുണ്ടാക്കുന്ന ലിക്വിഡ് പാരഫിനാണത്. അതുകൊണ്ട് തന്നെ ഒരു പ്രത്യേക മുന്നറിയിപ്പ് ഓരോ ബേബി ഓയില്‍ കുപ്പിയുടെയും പിന്നില്‍ അവര്‍ നല്‍കുന്നുണ്ട്.ഇങ്ങനെ പല പല ഉല്പന്നങ്ങളുടെയും പേരില്‍ അവര്‍ വില്‍ക്കുന്നത് രോഗങ്ങള്‍ തന്നെയാണെന്നുള്ളതിന് നിരവധി ഉദാഹരണങ്ങള്‍ നിരത്താന്‍ കഴിയും. മരുന്ന് എന്ന പേരില്‍ രോഗങ്ങളെ മാറ്റുന്നതിന് എന്ന പ്രലോഭനത്തോടെ അവര്‍ വില്‍ക്കുന്നത് കൂടുതല്‍ രോഗങ്ങളെയാണ്. മരുന്നിന്റെ പോസ്റ്റ്‌മോര്‍ട്ടം/ഓട്ടോപ്‌സി നടത്തുകയാണെങ്കില്‍ അതു തിരിച്ചറിയാനാകും. നിരവധി നിറങ്ങളിലും രൂപങ്ങളിലും അത്യാകര്‍ഷകമായിട്ടാണ് 1960 നുശേഷം മരുന്നുകള്‍ ഇറങ്ങുന്നത്. ‘ഡ്രഗ് പേഴ്‌സണാലിറ്റി’ കൂട്ടി മറ്റു കമ്പനികളുടേ തിനേക്കാള്‍ ചെലവുണ്ടാക്കുക യാണ് ലക്ഷ്യം. 70% മരുന്നുകളും OTC യായി വില്‍ക്കപ്പെടുന്ന രാജ്യങ്ങളില്‍ ഡ്രഗ് പേഴ്‌സണാലിറ്റി ഏറെ പ്രാധാന്യമുള്ളതാണ്. പക്ഷെ ഈ നിറങ്ങള്‍ കരളിന് കാന്‍സറുണ്ടാക്കുന്നവയാണ്. ഈ നിറങ്ങള്‍ മരുന്നാണെന്ന് ആരും പറയുന്നില്ല. പ്ലാസ്റ്റിക്കിന്റെ കോട്ടിങ്ങാണ് പല ഗുളികകള്‍ക്കും കാപ്‌സ്യൂളിനുമുള്ളത്. ഇത് ഏറെ അപകടകാരിയാണ്. ഫില്ലര്‍ മെറ്റീരിയലായി ക്ലേയാണ് മരുന്നുകളിലുള്ളത്. എക്‌സിപിയന്റുകളായി വേറെയും കെമിക്കലുകളും. ഓരോ മരുന്നും ഒരു രോഗത്തെ മാറ്റുന്നു; നാല്പതും അന്‍പതും രോഗങ്ങളുടെ വാതിലുകള്‍ തുറക്കുന്നു. ഫാര്‍മകോളജി ഗ്രന്ഥങ്ങള്‍ പരിശോധിച്ചാല്‍ മരുന്നുകള്‍ രോഗം ഉണ്ടാക്കുന്നതിനുള്ള ഉല്പന്നങ്ങള്‍ ആണെന്ന് വ്യക്തമായി മനസിലാക്കാനാകും.

 അമേരിക്കയില്‍ നിന്നുമുള്ള റിപ്പോർട്ട് പ്രകാരം ‍ റോഡപകടങ്ങളിൽ ഒരു വര്‍ഷം അവിടെ മരിക്കുന്നത് 44000 പേരാണ്. എന്നാല്‍ മരുന്നുകളുടെ ദോഷഫലങ്ങള്‍ കാരണം മരിക്കുന്നത് 98000 പേര്‍ വരെയാണ്. ഗുരുതരമായ തകരാറുകളാല്‍ ആശുപത്രിയിലാകുന്നത് 22 ലക്ഷം പേരാണ്. 30 വര്‍ഷങ്ങളായി മാറ്റമില്ലാതെ തുടരുകയാണ് ഈ ദുരവസ്ഥ എന്നു കൂടെ കേള്‍ക്കുമ്പോള്‍ ഞെട്ടിത്തരിക്കുകയല്ലാതെ മറ്റെന്താണു ചെയ്യാനാകുക?

ജേര്‍ണല്‍ ഓഫ് അമേരിക്കന്‍ മെഡിക്കല്‍ അസോസിയേഷന്‍  പ്രസിദ്ധീകരിച്ച ലേഖനത്തിലാണ് ആധുനിക വൈദ്യശാസ്ത്ര ചികിത്സ അത്യന്തം അപകട ചികിത്സയാണെന്ന് തെളിയിക്കുന്ന ഈ ആരോപണമുള്ളത്.

രോഗങ്ങളുടെ കാരണങ്ങള്‍ എന്താണെന്ന് പരിശോധിക്കാതെയും കണ്ടെത്താതെയുമുള്ള അശാസ്ത്രീയമായ ചികിത്സയാണ് ‘ബാഡ് ഫാര്‍മകള്‍’ നിയന്ത്രിക്കുന്ന അലോപ്പതി ചികിത്സയില്‍ നടന്നു വരുന്നത്.പ്രമേഹം, പ്രഷര്‍, കൊളസ്റ്ററോള്‍, ഹൃദ്രോഗം, തൈറോയ്ഡ്, ആര്‍ത്രൈറ്റിസ്, കാന്‍സര്‍ മുതല്‍ മൈഗ്രൈന്‍ വരെയുള്ള നിരവധി രോഗങ്ങള്‍ മാറാരോഗങ്ങളായി പ്രഖ്യാപിക്കപ്പെട്ടിരിക്കുന്നു. ജീവിതകാലം മുഴുവനും ഫാര്‍മസ്യൂട്ടിക്കലുകളുടെ അടിമകളായി കപ്പം കൊടുത്തു കഴിയണം എന്നര്‍ത്ഥം.

പ്രമേഹത്തിന് അഞ്ചുകൊല്ലം മരുന്നു കഴിച്ചാല്‍ നിങ്ങള്‍ക്ക് മരുന്നു കമ്പനികള്‍ ഒരു സമ്മാനം തരും; കൂടിയ രക്തസമ്മര്‍ദ്ദം! അതിനുംമരുന്നു കഴിച്ചാല്‍ അഞ്ചു കൊല്ലങ്ങള്‍ കൊണ്ട് ഹൃദയവും വികസിച്ച് തകരാറിലാകും. അടുത്ത അഞ്ചു വര്‍ഷങ്ങള്‍ക്കുള്ളില്‍ നിങ്ങളെ മരുന്നുകള്‍ എത്തിക്കുന്നത് മില്യണ്‍ ഡോളര്‍ വിലയുള്ള കിഡ്‌നി രോഗിയായും കരള്‍ രോഗിയായിട്ടുമാണ്.

ഫാര്‍മസ്യൂട്ടിക്കല്‍ കമ്പനികള്‍ക്ക് ഓരോ വര്‍ഷവും വില്പന ഇരട്ടിയാക്കണം. ഓരോ രാജ്യത്തും പുതിയ പുതിയ ഡോക്ടര്‍മാര്‍ ഓരോ വര്‍ഷവും പ്രാക്ടീസിനിറങ്ങുന്നു. ഓരോ ഡോക്ടര്‍ക്കും ഓരോ ദിവസവും അന്‍പത് രോഗികളെ യെങ്കിലും പുതുതായി കണ്ടെത്താനും സപ്ലൈ ചെയ്യാനും ആരോഗ്യ വകുപ്പ് ചുമതലപ്പെട്ടിരിക്കുന്നു.

മദ്യം, പുകയില, മയക്കുമരുന്നുകള്‍, കോള, ടൂത്ത്‌പേസ്റ്റ്, സോപ്പ്, ജങ്ക്ഫുഡുകള്‍, കോസ്മറ്റിക്കുകള്‍, ബേബിഫുഡുകള്‍, മരുന്നുകള്‍, വാക്‌സിനുകള്‍ കീടനാശിനികള്‍, രാസവളങ്ങള്‍ തുടങ്ങിയവയുടെ വില്പനയിലൂടെ എന്നും പുതിയ രോഗികളെ ഉണ്ടാക്കി കൊണ്ടാണ് മെഡിക്കല്‍ എസ്റ്റാബ്ലിഷ്‌മെന്റ ് നിലനില്‍ക്കുന്നതും പുരോഗതി പ്രാപിക്കുന്നതും.

ആരോഗ്യകരമായ ജീവിതത്തിന്റെ ഏറ്റവും ഉദാത്തമായ മാതൃക കളായിരുന്നു കര്‍ഷകര്‍. അദ്ധ്വാനവും വിശ്രമവും ശുദ്ധവായുവും ശുദ്ധജലവും പുതുമയുള്ള ആഹാരവും ആനന്ദവും സംതൃപ്തിയുമുള്ള മനസും കര്‍ഷകരെ ആരോഗ്യമുള്ള ജീവിതത്തിന് സഹായിച്ചിരുന്നു.

എന്നാല്‍ കൃഷിയിലേയ്ക്ക് അധിനിവേശം നടത്തിയ വ്യവസായ വല്‍ക്കരണത്തിന്റെ ആര്‍ത്തി കര്‍ഷകനെയും രോഗിയാക്കി. രാസവളങ്ങളിലൂടെയാണ് കര്‍ഷകന്‍ പ്രലോഭിപ്പിക്കപ്പെട്ടതും ചതിക്കപ്പെട്ടതും. രാസവളങ്ങളിലൂടെ കരുത്തുപോയ മണ്ണും ബലം നഷ്ടപ്പെട്ട വിളവുകള്‍ക്കും കീടനാശിനികള്‍ ആവശ്യമായി വന്നു. അത്യുല്പാദക വിത്തുകള്‍ എത്തിയതോടെ അമിത വളര്‍ച്ചയുടെ കാന്‍സറായി മാറി നമ്മുടെ കാര്‍ഷിക രംഗവും വിളവുകളും !