ഇടുക്കി: ജാക്കി തെന്നിമാറിയുണ്ടായ അപകടത്തില്‍ വര്‍ക്ഷോപ് ഉടമയ്ക്ക് ദാരുണാന്ത്യം. അടിമാലി ഇരുട്ടുകാനം കമ്പിലൈന്‍ പേമരത്തില്‍ റോബിന്‍ സെബാസ്റ്റിയന്‍ (31) ആണ് മരിച്ചത്. വാഹനത്തിന്റെ തകരാര്‍ മാറ്റുന്നതിനിടെയാണ് അപകടം ഉണ്ടായത്. വ്യാഴാഴ്ച വൈകിട്ട് ആറിനാണ് സംഭവം.
കാറിന്റെ കേടുപാടുകള്‍ പരിഹരിക്കുന്നതിനായി ജാക്കി ഉപയോഗിച്ച് വാഹനം ഉയര്‍ത്തി തകരാര്‍ പരിഹരിക്കുന്നതിനിടെ ജാക്കി തെന്നിമാറി വാഹനം ദേഹത്തേക്ക് പതിക്കുകയായിരുന്നു. ഉടന്‍ തന്നെ റോബിനെ കോതമംഗലത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
