ആലപ്പുഴ:പട്ടാളത്തില്‍ ജോലി വാഗ്ദാനം ചെയ്ത് ലക്ഷങ്ങള്‍ തട്ടിയ യുവതി അറസ്റ്റിൽ.
ആലപ്പുഴ സനാതനപുരം പതിനഞ്ചില്‍ചിറ വീട്ടില്‍ ശ്രുതിമോളെ(24)യാണ് അറസ്റ്റ് ചെയ്തത്.
പട്ടാളത്തിലാണ് ജോലി എന്ന് പറഞ്ഞ് വിശ്വസിപ്പിച്ചാണ് പ്രതി പണം തട്ടിയെടുത്തത്. പകുതി പണം നാട്ടില്‍ വച്ചും ബാക്കി തുക ഡല്‍ഹിയിലേക്കും മറ്റ് സ്ഥലങ്ങളിലേക്കും വിളിച്ച്‌ വരുത്തിയതിന് ശേഷവുമാണ് കൈക്കലാക്കിയത്.
പിന്നീട് പണം നല്‍കിയ ആളുകള്‍ക്ക് ജോലി കിട്ടാതെ വന്നതോടെയാണ് സ്റ്റേഷനില്‍ പരാതി നല്‍കിയത്.ആലപ്പുഴ സൗത്ത് പോലീസാണ് പ്രതിയെ പിടികൂടിയത്.കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
