കണ്ണൂര്‍: ആലക്കോട് വന്‍ കഞ്ചാവ് വേട്ട. നാലു കിലോഗ്രാം കഞ്ചാവുമായി രണ്ടു യുവാക്കള്‍ പിടിയില്‍. ഇന്ന് പുലര്‍ച്ചെ 02:00 മണിയോടെ ആലക്കോട് പോലീസ് ഉം കണ്ണൂര്‍ റൂറല്‍ ജില്ലാ പോലീസ് മേധാവിയുടെ ലഹരി വിരുദ്ധ സ്‌ക്വാഡ് ഉം സംയുക്തമായി നടത്തിയ വാഹന പരിശോധനയില്‍ ആണ് ആലക്കോട് ഒറ്റത്തെ സ്വദേശികളായ പുത്തന്‍പുരയില്‍ അലക്‌സ് ഡോമിനിക് (23), ഊഴിക്കാട്ട് വിമലേഷ് സുനില്‍ (23) എന്നിവര്‍ പിടിയിലായത്.
മാസങ്ങളായി ലഹരി വിരുദ്ധ സ്‌ക്വാഡ് ന്റെ നിരീക്ഷണത്തില്‍ ഉള്ള പ്രതികളാണ് ഇന്ന് പിടിയിലായത്. പ്രതികളെ ആലക്കോട് എസ്.ഐ: പി. വിജേഷ്, സീനിയര്‍ സിവില്‍ പോലീസ് ഓഫീസര്‍മാരായ രാകേഷ്, ഗിരീഷ് കുമാര്‍, കോളിന്‍ ഫിലിപ്പ് എന്നിവരും ജില്ലാ പോലീസ് മേധാവിയുടെ ലഹരി വിരുദ്ധ സ്‌ക്വാഡ് അംഗങ്ങളും ഉള്‍പ്പെട്ട സംഘമാണ് പ്രതികളെ പിടികൂടിയത്.
