വാഷിങ്ടണ്‍: യു.എസ്. കോസ്റ്റ്ഗാര്‍ഡിന്റെ കടലിലെ മയക്കുമരുന്ന് വേട്ടയുടെ ദൃശ്യങ്ങള്‍ പുറത്തുവിട്ട് യു.എസ്. നേവല്‍ ഇന്‍സ്റ്റിറ്റ്യൂട്ട്. 2019-ല്‍ പസഫിക് സമുദ്രത്തില്‍ നടന്ന ലഹരിവേട്ടയുടെ ത്രസിപ്പിക്കുന്ന ദൃശ്യങ്ങളാണ് നേവല്‍ ഇന്‍സ്റ്റിറ്റ്യൂട്ട് കഴിഞ്ഞദിവസം ട്വിറ്ററിലൂടെ പങ്കുവെച്ചത്.
#OTD in 2019, crew members from U.S. Coast Guard Cutter Munro chased down and boarded a narco-submarine in the Eastern Pacific, seizing 17,000 pounds of cocaine with an estimated value of $232 million. pic.twitter.com/pKoZU3EDk9
— U.S. Naval Institute (@NavalInstitute) June 18, 2023
മയക്കുമരുന്നുമായി കുതിക്കുന്ന ‘നാര്‍ക്കോ അന്തര്‍വാഹിനി’യെ യു.എസ്. കോസ്റ്റ്ഗാര്‍ഡ് പിന്തുടര്‍ന്ന് പിടിക്കുന്നതാണ് ദൃശ്യങ്ങളിലുള്ളത്. കോസ്റ്റ്ഗാര്‍ഡ് കപ്പലുകള്‍ നാര്‍ക്കോ അന്തര്‍വാഹിനിയെ അതിവേഗം പിന്തുടരുന്നതും പിന്നാലെ കോസ്റ്റ്ഗാര്‍ഡ് അംഗങ്ങള്‍ അന്തര്‍വാഹിനിക്ക് മുകളില്‍ ചാടിക്കയറുന്നതും വാതില്‍ തുറന്ന് ആളെ കീഴ്പ്പെടുത്തുന്നതും ദൃശ്യങ്ങളില്‍ കാണാം.
2019 ല്‍ നടന്ന ഈ ലഹരിവേട്ടയില്‍ 7711 കിലോയോളം കൊക്കെയ്ന്‍ ലഹരിമരുന്നാണ് കോസ്റ്റ്ഗാര്‍ഡ് പിടിച്ചെടുത്തത്. വിപണിയില്‍ ഏകദേശം 23.2 കോടി ഡോളര്‍ (1,901.02 കോടി രൂപ) വിലവരുന്നതാണിത്.
