കമലിൻ്റെ പുതിയ ചിത്രം ‘വിവേകാനന്ദൻ വൈറലാണ്’ തൊടുപുഴയിലും ദീപു കരുണാകരന്റെ ഇന്ദ്രജിത്ത് നായകനായ ചിത്രം തിരുവനന്തപുരത്തും ആരംഭിച്ചു

    പ്രശസ്ത സംവിധായകനായ കമൽ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രമാണ് ‘വിവേകാനന്ദൻ വൈറലാണ്.’ തൊടുപുഴക്കടുത്ത് മണക്കാട്, പെരിയാമ്പ്ര സെൻ്റ് ജോർജ് ഓർത്തഡോക്സ് സിറിയൻ ചർച്ചിൻ്റെ പാരിഷ് ഹാളിൽ വച്ച് ലളിതമായ ചടങ്ങോടെ ഇന്നലെ ഈ ചിത്രത്തിൻ്റെ ചിത്രീകരണം ആരംഭിച്ചു.

ചലച്ചിത്ര പ്രവർത്തകർ, അഭിനേതാക്കൾ എന്നിവരുടെ സാന്നിദ്ധ്യത്തിൽ സിബി മലയിലും കമലും ആദ്യ ഭദ്രദീപം തെളിയിച്ചാണ് തുടക്കം കുറിച്ചത്.
തുടർന്ന് ആഷിക്ക് അബു’ഷൈൻ ടോം ചാക്കോ, ശരൺ വേലായുwൻ, രഞ്ജൻ ഏബ്രഹാം എന്നിവരും മറ്റ് അഭിനേതാക്കളും ചേർന്ന് ഈ ചടങ്ങ് പൂർത്തീകരിച്ചു.

  ദീപു കരുണാകരൻ സംവിധാനം ചെയ്യുന്ന പുതിയ ചിത്രത്തിൽ ഇന്ദ്രജിത്ത് സുകുമാരനും അനശ്വര രാജനും നായകനും നായികയുമാകുന്നു. ചിത്രം ഇന്ന് തിരുവനന്തപുരത്തും ആരംഭിച്ചു. ബൈജു സന്തോഷ്, ബിജു പപ്പൻ. സീമ, ലയാ സിംസൺ, എന്നിവരും ഏതാനും പ്രമുഖ താരങ്ങളും പുതുമുഖങ്ങളും ഈ ചിത്രത്തിൽ അണിനിരക്കുന്നു. ജയറാം നായകനായ വിന്റെർ, ദിലീപിന്റെ ക്രേസി ഗോപാലൻ .പ്രഥി രാജ് നായകനായ തേജാ ഭായ്, ജയിൽപശ്ചാത്തലത്തിൽ മഞ്ജു വാര്യർ കേന്ദ്ര കഥാപാത്രത്തെ അവതരിപ്പിച്ച കരിങ്കുന്നം സിക്സസ് എന്നീ ചിത്രങ്ങൾക്കു ശേഷം ദീപു കരുണാകരൻ സംവിധാനം ചെയ്യുന്ന ഈ ചിത്രം ലെ മൺ പ്രൊഡക്ഷൻസാണ് നിർമ്മിക്കുന്നത്.
അർജ്യൻ പി. സത്യ നാണ് തിരക്കഥ രചിച്ചിരിക്കുന്നത്.
സംഗീതം- മനു രമേശ്.
ഛായാഗ്രഹണം – പ്രദീപ് നായർ.
എഡിറ്റിംഗ് – സോബിൻ കെ.സോമൻ .
കലാസംവിധാനം – സാബുറാം.
ക്രിയേറ്റീവ് ഡയറക്ടർ – ശരത്ത് വിനായക് .
ചീഫ് അസ്സോസ്സിയേറ്റ് ഡയറക്ടർ- സാംജി.എം ആൻ്റെണി
അസോസ്സിയേറ്റ് ഡയറക്ടർ- ശ്രീരാജ് രാജശേഖരൻ.
വയനാട്ടിലും തിരുവനന്തപുരത്തുമായി ഈ ചിത്രത്തിൻ്റെ ചിത്രീകരണം പൂർത്തിയാകും

തൊടുപുഴയിൽ വിവേകാനന്ദൻ വൈറലാണ് എന്ന ടൈറ്റിൽ പ്രകാശനം നടത്തിയത് സംവിധായകൻ സിബി മലയിലാണ്. നിർമ്മാതാക്കളുടെ മക്കളാണ് ഫസ്റ്റ് ക്ലാപ്പു നൽകിയത്.
സിബി മലയിൽ, ആഷിക്ക് അബു, ജോണി, ദിലീഷ് നായർ, ഷൈൻ ടോം ചാക്കോ, ഗ്രേസ് ആൻ്റണി, മെറീനാ മൈക്കിൾ, സ്മിനു സിജോ, എന്നിവർ ആശംസകൾ നേർന്നു.
ജിനു ഏബഹാം, ബാദ്ഷാ, എന്നിവരും ചടങ്ങിൽ സംബന്ധിച്ചു.
നെടിയത്ത് പ്രൊഡക്ഷൻസിൻ്റെ ബാനറിൽ നസീബ് നെടിയത്ത്, ഷെല്ലി രാജ് എന്നിവരാണ് ചിത്രം നിർമ്മിക്കുന്നത്.
സ്ത്രീകൾ എന്നും നേരിടുന്ന അവരുടേതുമായ ചില പ്രശ്നങ്ങളുണ്ട്. അവരുടേതു മാത്രമായ പ്രശ്നങ്ങൾ… അതിലേക്കാണ് ഈ ചിത്രം കടന്നു ചെല്ലുന്നത്.
വിവേകാനന്ദൻ എന്ന ചെറുപ്പക്കാരൻ്റെ ജീവിതത്തിലൂടെ കടന്നുപോകുന്ന അഞ്ചു സ്ത്രീകളുടെ ജീവിതത്തിലൂടെയാണ് ഇതു പറയാൻ ശ്രമിക്കുന്നത്.
ഗൗരവമേറിയ ഒരു വിഷയം തികഞ്ഞ സറ്റയറിലൂടെ അവതരിപ്പിക്കുകയാണ് ഈ ചിത്രത്തിലൂടെ.
ഷൈൻ ടോം ചാക്കോയാണ് കേന്ദ്രകഥാപാത്രമായ വിവേകാനന്ദനെ അവതരിപ്പിക്കുന്നത്..
സംഗീതം- ബിജിപാൽ .ഗാനങ്ങൾ- ഹരി നാരായണൻ.
ഛായാഗ്രഹണം – പ്രകാശ് വേലായുധൻ.
എഡിറ്റിംഗ് – രഞ്ജൻ എബ്രഹാം,
പ്രൊഡക്ഷൻ ഡിസൈനർ – ഗോകുൽദാസ്.
തൊടുപുഴയിലും കൊച്ചിയിലുമായി ഈ ചിത്രത്തിൻ്റെ ചിത്രീകരണം പൂർത്തിയാകും.

വാഴൂർ ജോസ്.