പത്തനംതിട്ട: മ്ലാവിനെ പന്നിപ്പടക്കം ഉപയോഗിച്ച്‌ കൊന്ന കേസില്‍ രണ്ട് പേരെ വനപാലകര്‍ അറസ്റ്റ് ചെയ്തു. ഇവരില്‍ നിന്ന് ഇറച്ചിയും പന്നിപ്പടക്കവും പിടിച്ചെടുത്തു.ഇറച്ചിയുമായി വന്ന വാഹനവും കസ്റ്റഡിയില്‍ എടുത്തിട്ടുണ്ട്.
ചിറ്റാര്‍ നീലിപിലാവ് കോയിക്കലേത്ത് വീട്ടില്‍ കെ.കെ. അംബുജാക്ഷൻ, ചിറ്റാര്‍ തെക്കേക്കര പുളിമൂട്ടില്‍ പി.പി. രാജൻ എന്നിവരെയാണ് അറസ്റ്റ് ചെയ്തത്.വടശ്ശേരിക്കര റേഞ്ചിലാണ് സംഭവം.കോടതിയില്‍ ഹാജരാക്കിയ പ്രതികളെ ആറുവരെ റിമാൻഡ് ചെയ്തു.
