അരിമന കുഞ്ഞുമോന്‍റെ തെങ്ങ് കടപുഴകി വീണു, ദേവി ചോരങ്കോട്ടുമ്മല്‍, കൃഷ്ണൻ മരുതേരിയുടെ വീടിന്‍റെ മുകളില്‍ മരം പൊട്ടിവീണു. വൈദ്യുതി ലൈനുകളില്‍ മരങ്ങള്‍ പൊട്ടിവീണതിനാല്‍ പ്രദേശത്തെ വൈദ്യതി ബന്ധം പൂര്‍ണ്ണമായും വിച്ഛേദിക്കപ്പെട്ടു. കാവിലുംപാറ തൊട്ടില്‍ പാലം ആശ്വാസി റേഷൻ കടയ്ക്ക് സമീപം പുഴ മൂലക്കല്‍ ബാലന്‍റെ വീടിന്ന് മുകളില്‍ തെങ്ങ് കടപുഴകി വീണ് വീട് ഭാഗികമായി തകര്‍ന്നു.
കനത്ത കാറ്റില്‍ വേളം പഞ്ചായത്ത് വൈസ് പ്രസിഡന്‍റ് കെ.സി. ബാബുവിന്‍റെ 50ലിധികം വാഴകളും മറ്റ് കാര്‍ഷിക വിളകളും നശിച്ചു.പഞ്ചായത്ത് അംഗം കിണറുള്ളതില്‍ അസീസിന്‍റെ വീടിന് മുകളില്‍ തെങ്ങ് പൊട്ടിവീണു അടുക്കള ഭാഗവും കാര്‍പോര്‍ച്ചിന്നും കേടുപാടുകള്‍ സംഭവിച്ചു.
വല കെട്ടിലെ ചാത്തൻ കണ്ടി വിജയൻ, ഒളോടി താഴ വാതുക്കല്‍ പറമ്ബത്ത് ഗോപാലൻ, കുനിയില്‍ ബാബു എന്നിവരുടെ വീടുകള്‍ക്ക് മുകളിലും മരങ്ങള്‍ പൊട്ടിവീണു വൻ നാശനഷ്ട്ടം സംഭവിച്ചു.
