തെങ്കാശിയിൽ നിന്നും വിളിച്ചു പറഞ്ഞ് മാറ്റി വച്ച ലോട്ടറി ടിക്കറ്റിന് 70 ലക്ഷം

കേരള ലോട്ടറി നിര്‍മല്‍ (എന്‍പി 205122) എന്ന ടിക്കറ്റിനാണ് സമ്മാനമടിച്ചത്.ടാങ്കര്‍ ഡ്രൈവറായ തെങ്കാശി സ്വദേശി ചിന്ന ദുരൈയെയാണ് ഭാഗ്യദേവത കടാക്ഷിച്ചത്. ആഴ്ചയില്‍ 5 ദിവസവും കരിമുകളില്‍ നിന്നു ലോട്ടറി എടുക്കാറ് പതിവാണ്. അങ്ങനെ ചിന്ന ദുരൈ വെള്ളിയാഴ്ച രാവിലെ ലോട്ടറി വില്‍പനക്കാരന്‍ ഷിജുവിനെ വിളിച്ച്‌ ടിക്കറ്റുകള്‍ ഏതൊക്കെ ഉണ്ടെന്നു ചോദിച്ചു. 5122 അവസാനിക്കുന്ന 4 ടിക്കറ്റുകളും കൂടാതെ 8 ടിക്കറ്റുമെടുത്തു.

വൈകുന്നേരം ഫലം വന്നയുടന്‍ സമ്മാന വിവരം ഷിജു ഫോണില്‍ വിളിച്ച് ചിന്നദുരൈയെ അറിയിക്കുകയായിരുന്നു.കരിമുകള്‍ കാവിലമ്മ ലക്കി സെന്റര്‍ ഉടമ ധനേഷ് ചന്ദ്രനും വില്‍പനക്കാരന്‍ മോറയ്ക്കാല പള്ളിമോളത്ത് പി.വി.ഷിജുവും ചേര്‍ന്നു സമ്മാനാര്‍ഹമായ ടിക്കറ്റ് ചിന്നദുരൈയ്ക്ക് കൈമാറി.