വ്യവസായി കൊച്ചൗസേപ്പ് ചിറ്റിലപ്പിള്ളിയെ ട്രോളി പി.വി അന്‍വര്‍ എംഎല്‍എ

നേരത്തേ എല്‍ഡിഎഫ് സമരത്തില്‍ പ്രതിഷേധിച്ച സന്ധ്യ എന്ന വീട്ടമ്മയ്ക്ക് ചിറ്റിലപ്പിള്ളി അഞ്ച് ലക്ഷം രൂപ പാരിതോഷികം നല്‍കിയിരുന്നു.ഇന്ന് സെക്രട്ടേറിയറ്റ് വളഞ്ഞുള്ള യുഡിഎഫ് ഉപരോധത്തിനിടെ പ്രതിഷേധക്കാര്‍ തടഞ്ഞ സെക്രട്ടേറിയറ്റിലെ ജീവനക്കാരിക്കും കൊച്ചൗസേപ്പ് ചിറ്റിലപ്പിള്ളി പാരിതോഷികം പ്രഖ്യാപിക്കണമെന്നാണ് പി.വി അന്‍വര്‍ എംഎല്‍എയുടെ പരിഹാസം.

‘സെക്രട്ടേറിയേറ്റിലെ ആ ജീവനക്കാരിക്കും ചിറ്റിലപ്പിള്ളി സാറില്‍ നിന്ന് പാരിതോഷികം വാങ്ങി കൊടുത്തിട്ട് തന്നെ ബാക്കി കാര്യം’ എന്ന് പറഞ്ഞ് സോഷ്യല്‍ മീഡിയയിലൂടെയായിരുന്നു ചിറ്റിലപ്പിള്ളിയെ പി.വി അന്‍വര്‍ ട്രോളിയത്.

മറ്റൊരു പോസ്റ്റില്‍ സമരക്കാര്‍ക്കെതിരെ പ്രതിഷേധിച്ച സെക്രട്ടേറിയറ്റ് ജീവനക്കാരിയുടെ ചിത്രം പങ്കുവെച്ചായിരുന്നു ചിറ്റിലപ്പിള്ളിയെ അന്‍വര്‍ പരിഹസിച്ചത്. എന്നാല്‍ ഇതിനോട് ചിറ്റിലപ്പിള്ളി പ്രതികരിച്ചിട്ടില്ല.