സംസ്ഥാനത്തെ സ്വകാര്യ ആശുപത്രി നഴ്സുമാരുടെ മിനിമം വേതനമടക്കമുള്ള ആനുകൂല്യങ്ങൾ നിശ്ചയിച്ച് സർക്കാർ 2018 ഏപ്രിൽ 23ന് പുറത്തിറക്കിയ ഈ വിജ്ഞാപനമാണ് ഹൈക്കോടതി റദ്ദാക്കിയത്.നഴ്സുമാരുടെ സംഘടനകളുടെയും സ്വകാര്യ ആശുപത്രികളുടെയും വാദങ്ങൾ കേട്ട് മൂന്നു മാസത്തിനകം സർക്കാർ പുതിയ വിജ്ഞാപനം ഇറക്കാനും ഹൈക്കോടതി ഉത്തരവിട്ടിട്ടുണ്ട്
അന്യരുടെ ജീവന് കാവലാളാകുന്നതിനിടയില്‍ സ്വന്തം ജീവന് ഹോമിക്കേണ്ടി വന്ന എത്രയെത്ര നഴ്സുമാര്‍ നമ്മുടെ ഇടയില്‍ തന്നെയുണ്ടെന്നത് ഓർക്കണം.നിപ രോഗികളെ പരിചരിക്കുന്നതിനിടയില്‍ സ്വന്തം ജീവന് ഹോമിക്കേണ്ടി വന്ന കോഴിക്കോട്ടുകാരിയായ സിസ്റ്റര്‍ ലിനി.
2011-ല്‍ കൊല്‍ക്കത്തയിലെ എഎംആര്‍ഐ ആശുപത്രിയില്‍ ഉണ്ടായ തീപിടുത്തത്തില്‍ മരിച്ച അവിടുത്തെ തന്നെ നഴ്സുമാരായിരുന്ന കോട്ടയം ഉഴവൂര്‍ സ്വദേശിനി രമ്യ, കോട്ടയം കോതനല്ലൂര്‍ സ്വദേശിനി വിനീത..
തങ്ങളുടെ വാര്‍ഡില്‍ അഡ്മിറ്റായിരുന്ന ആ ഒമ്ബതു രോഗികളെയും ആളിപ്പടരുന്ന അഗ്നിനാളങ്ങള്‍ക്കിടയില്‍ നിന്ന് സുരക്ഷിതമായി ഷിഫ്റ്റ് ചെയ്തതിനുശേഷമാണ് ഇരുവരും മരണത്തിന് കീഴടങ്ങുന്നതെന്ന് ഓര്‍ക്കണം.അങ്ങനെയെത്രയെത്ര പേർ !
രാപകൽ ഭേദമില്ലാതെയും സമയക്രമം തെറ്റാതെയും മരുന്നും ശുശ്രൂഷയും നൽകി,കൃത്യനിർവഹണവ്യഗ്രതയാൽ പലപ്പോഴും ഉണ്ണാതെയും ഉറങ്ങാതെയും രോഗികൾക്ക് കാവലിരിക്കുന്ന നഴ്സുമാരോടുള്ള ഐക്യദാർഢ്യം പ്രകടിപ്പിക്കുന്നതിനോടൊപ്പം സുപ്രീംകോടതി വിധിപ്രകാരമുള്ള അവരുടെ സേവന-വേതന വ്യവസ്ഥകൾ എത്രയും പെട്ടെന്ന് പരിഹരിക്കാൻ ഇടയാകട്ടെയെന്നും ആശംസിക്കുന്നു.
