ഏപ്രിൽ 30-ന് രാവിലെ 10.30-ന് LT1 തിയറ്ററിൽ നടക്കുന്ന പരിപാടിയിൽ പങ്കെടുക്കാൻ നഴ്സിംഗ് വിദ്യാർത്ഥികളെ അയക്കാൻ PGIMER ഡയറക്ടറുടെ ഓഫീസിൽ നിന്ന് ഉത്തരവുണ്ടായിരുന്നു. എന്നാൽ 36 പെൺകുട്ടികൾ ഹാജരായില്ല. ഇതേ തുടർന്നാണ് വിദ്യാർത്ഥിനികൾക്കെതിരെ നടപടി എടുത്തതെന്നാണ് റിപ്പോർട്ട്.
അതേസമയം പ്രധാനമന്ത്രിയുടെ പരിപാടി പൊതുജനങ്ങളുടെ മേൽ അടിച്ചേൽപ്പിക്കാൻ മോദി സർക്കാർ അധികാര ദുർവിനിയോഗം നടത്തിയെന്ന് ആരോപിച്ച് ചണ്ഡീഗഡ് യൂത്ത് കോൺഗ്രസ് സംസ്ഥാന പ്രസിഡന്റ് മനോജ് ലുബാന രംഗത്തുവന്നു. സർക്കാർ നടപടി ഏകാധിപത്യപരവും നിർബന്ധിതവുമാണെന്നും അദ്ദേഹം കൂട്ടിച്ചേർത്തു.
