ഷാരൂഖ് ഖാൻറെ പഠാന് പിന്നാലെ അടുത്തൊരു വിജയ ചിത്രത്തിനായുള്ള കാത്തിരിപ്പിലാണ് ബോളിവുഡ്. എന്നാൽ ഓരോ ശ്രദ്ധേയ പ്രോജക്റ്റ് എത്തുമ്പോഴും പ്രതീക്ഷ അർപ്പിക്കുമെങ്കിലും ചലച്ചിത്ര വ്യവസായത്തിന് നിരാശയായിരുന്നു ഫലം. എന്നാൽ ഇപ്പോഴിതാ ഒരു ചിത്രം ബോളിവുഡിന് അവശ്യം വേണ്ടിയിരുന്ന ഒരു ആശ്വാസജയം സമ്മാനിക്കുകയാണ്. സൽമാൻ ഖാൻ നായകനായ കിസീ കാ ഭായ് കിസീ കി ജാൻ ആണ് ആ ചിത്രം. ഭേദപ്പെട്ട ഓപണിംഗ് നേടിയിരുന്ന ചിത്രം ആഗോള ബോക്സ് ഓഫീസിൽ നിന്ന് ആദ്യ വാരം നേടിയ കളക്ഷൻ എത്രയെന്ന വിവരം നിർമ്മാതാക്കൾ പുറത്തുവിട്ടിട്ടുണ്ട്.
ആദ്യ വാരാന്ത്യത്തിൽ ഇന്ത്യയിൽ നിന്നു മാത്രം 68.17 കോടി നേടിയ ചിത്രം അതേസമയം ആഗോള ബോക്സ് ഓഫീസിൽ നിന്ന് ഉണ്ടാക്കിയ നേട്ടം 112.80 കോടി ആയിരുന്നു. ഇപ്പോഴിതാ നിർമ്മാതാക്കൾ പുറത്തുവിട്ടിരിക്കുന്ന കണക്ക് പ്രകാരം ആദ്യ വാരം ചിത്രം നേടിയ ആഗോള ബോക്സ് ഓഫീസ് ഗ്രോസ് 151.12 കോടിയാണ്.
https://twitter.com/SKFilmsOfficial/status/1651866589166469120?ref_src=twsrc%5Etfw%7Ctwcamp%5Etweetembed%7Ctwterm%5E1651866589166469120%7Ctwgr%5Eed994ea91ae7fec85aa72abf6b3aae24120d343d%7Ctwcon%5Es1_c10&ref_url=https%3A%2F%2Fstatic.asianetnews.com%2Ftwitter-iframe%2Fshow.html%3Furl%3Dhttps%3A%2F%2Ftwitter.com%2FSKFilmsOfficial%2Fstatus%2F1651866589166469120%3Fref_src%3Dtwsrc5Etfw
ലോകമെമ്പാടുമായി 5700 ൽ അധികം സ്ക്രീനുകളിലാണ് ചിത്രം ഏപ്രിൽ 21 ന് റിലീസ് ചെയ്യപ്പെട്ടത്. സൽമാൻ ഖാൻ ഫിലിംസിൻറെ ബാനറിൽ സൽമാൻ ഖാൻ തന്നെ നിർമ്മിച്ചിരിക്കുന്ന ചിത്രത്തിൻറെ ഛായാഗ്രാഹകൻ വി മണികണ്ഠൻ ആണ്. അസോസിയേറ്റ് പ്രൊഡ്യൂസർ ഷമിറാ നമ്പ്യാർ, സംഗീതം ഹിമേഷ് രഷമിയ, രവി ബസ്‍രൂർ, സുഖ്‍ബീർ സിംഗ്, ദേവി ശ്രീ പ്രസാദ്, സാജിദ് ഖാൻ, പായൽ ദേവ്, അമാൽ മാലിക് എന്നിവരാണ്. പൂജ ഹെഗ്ഡെ നായികയായ ചിത്രത്തിൽ വെങ്കടേഷ്, ഭൂമിക ചൗള, ജഗപതി ബാബു, രാഘവ് ജുയൽ, ജാസി ഗിൽ, സിദ്ധാർഥ് നിഗം, ഷെഹ്നാസ് ഗിൽ, പാലക് തിവാരി തുടങ്ങിയവരും അഭിനയിച്ചിരിക്കുന്നു.
