കുവൈറ്റ് സിറ്റി: ഫോക്കസ് കുവൈറ്റ് സാല്‍മിയ യൂണിറ്റ് പതിന്നാലിന്റെ വാര്‍ഷിക സമ്മേളനം കേന്ദ്ര എക്‌സിക്യൂട്ടീവ് അംഗം സജീവ് പ്ലാക്കാടിന്റെ അദ്ധ്യക്ഷതയില്‍ കൂടി. യൂണിറ്റ് കണ്‍വീനര്‍ ഷിബു മാത്യൂ വാര്‍ഷിക റിപ്പോര്‍ട്ട് അവതരിപ്പിച്ചു. പ്രസിഡന്റ് സലിം രാജ്, ജനറല്‍ സെക്രട്ടറി ഡാനിയേല്‍ തോമസ്, ട്രഷറര്‍ സി.ഒ. കോശി, ഉപദേശക സമതിയംഗം റോയ് ഏബ്രഹാം എന്നിവര്‍ സംസാരിച്ചു. പുതിയ വര്‍ഷത്തെ ഭാരവാഹികളായി സാമുവല്‍ കൊച്ചുമ്മന്‍ (കേന്ദ്ര എക്‌സിക്യൂട്ടീവ്), ഷിബു മാത്യൂ (യൂണിറ്റ് കണ്‍വീനര്‍), സജീവ് പ്ലാക്കാട് (ജോ: കണ്‍വീനര്‍) എന്നിവരെ തെരഞ്ഞെടുത്തു. റോയ് ഏബ്രഹാം സ്വാഗതവും സാമുവല്‍ കൊച്ചുമ്മന്‍ നന്ദിയും പറഞ്ഞു.
