മണർകാട്: വിശുദ്ധ മർത്തമറിയം യാക്കോബായ സുറിയാനി കത്തീഡ്രലിന്റെ കീഴിൽ പ്രവർത്തിക്കുന്ന പ്രാർത്ഥനാ യോഗങ്ങളുടെ ആഭിമുഖ്യത്തിൽ വലിയനോമ്പ് കാലയളവിൽ സ്നേഹ ദീപ്തി പ്രാർത്ഥനാ സംഗമങ്ങൾ ഇടവകയുടെ വിവിധ കരകളിലായി നടത്തപ്പെടും. “ക്രൈസ്തവ കുടുംബങ്ങൾ പരിശുദ്ധ സഭയുടെ ചെറുശാഖകൾ” എന്നതാണ് ഈ വർഷത്തെ ചിന്താവിഷയം. ഈ വിഷയത്തെ ആസ്പദമാക്കി ഫെബ്രുവരി 25 മുതൽ മാർച്ച് 25 വരെ വിവിധ കരകളിലും മാർച്ച് 26 മുതൽ 28 വരെ കത്തീഡ്രലിലും വൈകിട്ട് 7 മണി മുതൽ വചന ശുശ്രൂഷ നടത്തപ്പെടും.
25ന് വെള്ളൂർ നോർത്ത് സൺഡേസ്കൂളിൽ മാത്യൂസ് കോർ എപ്പിസ്കോപ്പാ കാവുങ്കൽ, 26ന് മാങ്ങാനം സെന്റ് മേരീസ് ചാപ്പലിൽ ഫാ. എൽദോസ് വേങ്കടത്ത്, മാർച്ച് 4ന് വെള്ളൂർ സൗത്ത് സൺഡേസ്കൂളിൽ ഫാ കുര്യൻ മാത്യു വടക്കേപ്പറമ്പിൽ, മാർച്ച് 5ന് കുറ്റിയക്കുന്ന് സൺഡേസ്കൂളിൽ ഫാ. ജോജോ ജോസ് നടുവിലേപറമ്പിൽ, മാർച്ച് 5ന് മാലം മുണ്ടയ്ക്കൽ റ്റി.കെ. ചെറിയാന്റെ ഭവനാങ്കണത്തിൽ ഫാ എബി കെ. ഏലിയാസ് മൂവാറ്റുപുഴ, മാർച്ച് 10ന് വെള്ളൂർ ഈസ്റ്റ് സൺഡേസ്കൂളിൽ ഫാ.എബി ജോൺ കുറിച്ചിമല, മാർച്ച് 11ന് കീച്ചാൽ സൺഡേ സ്കൂളിൽ ഫാ ഗീവർഗീസ് നടുമുറിയിൽ, മാർച്ച് 12ന് കുഴിപ്പുരയിടം സൺഡേ സ്കൂളിൽ ഫാ.ജോബിൻ മാടപ്പാട്, മാർച്ച് 12ന് പറമ്പുകര സൺഡേ സ്കൂളിൽ ഫാ. ജിബി മാത്യു വാഴൂർ, മാർച്ച് 17ന് വടവാതൂർ സൺഡേ സ്കൂളിൽ ഫാ.ലിറ്റു ജേക്കബ് തണ്ടാശ്ശേരിൽ, മാർച്ച് 18ന് അരീപ്പറമ്പ് സൺഡേ സ്കൂളിൽ ഫാ. കുര്യൻ മാത്യു വടക്കേപ്പറമ്പിൽ. മാർച്ച് 19ന് മണ്ണൂപ്പറമ്പിൽ എം.പി. മാത്യുവിന്റെ ഭവനാങ്കണത്തിൽ ഫാ. ജിബി മാത്യു വാഴൂർ, മാർച്ച് 25ന് ആൻഡ്രൂസ് ചിരവത്തറ കോർ എപ്പിസ്കോപ്പായുടെ ഭവനാങ്കണത്തിൽ ഫാ.ലിറ്റു ജേക്കബ് തണ്ടാശ്ശേരിൽ എന്നിവരും കത്തീഡ്രലിൽ നടക്കുന്ന സമാപന കൺവൻഷനിൽ മാർച്ച് 26ന് ക്നാനായ അതിഭദ്രാസനത്തിന്റെ റാന്നി മേഖലാധിപൻ കുറിയാക്കോസ് മോർ ഈവാനിയോസ് മെത്രാപ്പോലീത്തായും, മാർച്ച് 27ന് ഫാ. ജോർജി ജോൺ കട്ടച്ചിറയും മാർച്ച് 28ന് ഫാ. ഡെന്നീസ് ജോയി, കോതമംഗലം എംബിറ്റ്സ് കോളേജും വചന ശുശ്രൂഷ നടത്തുമെന്ന് മണർകാട് പള്ളി പ്രാർത്ഥനാ യോഗങ്ങളുടെ കേന്ദ്ര പ്രസിഡന്റ് ഫാ.ജെ.മാത്യു മണവത്തും കേന്ദ്ര സെക്രട്ടറി ജേക്കബ് വി.ജെ. വാഴത്തറയും അറിയിച്ചു.
