നടി അമല പോളിന് ആരാധകര്‍ ഏറെയാണ്. സോഷ്യല്‍ മീഡിയയില്‍ സജീവം ആണ് താരം. അമല ഇടയ്ക്കിടെ തന്റെ യാത്ര വിശേഷങ്ങളെല്ലാം ഇന്‍സ്റ്റഗ്രാമിലൂടെ പങ്കുവയ്ക്കാറുണ്ട്. യോഗയും പരിശീലിക്കാറുണ്ട് താരം. ഇപ്പോഴിത മനോഹരമായ തന്റെ ചില ചിത്രങ്ങള്‍ പങ്കുവച്ചിരിക്കുകയാണ് അമല.
ബാലിയിലേക്കുള്ള ആത്മീയ യാത്രയുടെ ചിത്രങ്ങളാണ് അമലയിപ്പോള്‍ പങ്കുവച്ചിരിക്കുന്നത്. മഹാശിവരാത്രി ആശംസകളും അമല ആരാധകരോട് പങ്കുവച്ചിട്ടുണ്ട്. അടുത്തിടെയായുള്ള അമലയുടെ ചിത്രങ്ങള്‍ കണ്ട് താരം ആത്മീയതയിലേക്ക് തിരിഞ്ഞോ എന്നാണ് ആരാധകരുടെ ചോദ്യം.
കഴിഞ്ഞ ദിവസം ബാലിയില്‍ നിന്ന് മഴ ആസ്വദിക്കുന്ന ചിത്രങ്ങളും നടി പങ്കുവച്ചിരുന്നു. അമലയുടെ ചിത്രങ്ങള്‍ക്ക് നിരവധി പേരാണ് കമന്റുമായെത്തിയത്. ഇതിനോടകം പ്രകൃതി സൗന്ദര്യം നിറഞ്ഞു നില്‍ക്കുന്ന നിരവധി ചിത്രങ്ങളാണ് അമല പങ്കുവച്ചിരിക്കുന്നത്.
മൈന എന്ന തമിഴ് ചിത്രത്തിലൂടെ ശ്രദ്ധിക്കപ്പെട്ട നടിയാണ് അമലപോള്‍. മലയാള സിനിമയിലൂടെ അഭിനയ ലോകത്തേക്ക് കടന്നു വന്ന ഈ താരം മറ്റു ഭാഷാ ചിത്രങ്ങളിലാണ് തിളങ്ങിയത്. മലയാളത്തിലെ സൂപ്പര്‍ ഹിറ്റ് ചിത്രമായിരുന്ന നീലത്താമരയില്‍ അമല അഭിനയിച്ചിട്ടുണ്ട്. എന്നാല്‍ മൈന എന്ന തമിഴ് ചിത്രമാണ് അമലയുടെ കരിയറില്‍ വഴിത്തിരിവായത്. അതേസമയം ക്രിസ്റ്റഫര്‍ എന്ന ചിത്രമായിരുന്നു അമലയുടേതായി ഏറ്റവുമൊടുവില്‍ പുറത്തിറങ്ങിയത്.
