കോട്ടയം: കോട്ടയത്ത് നിന്നും ശബരിമലയിലേക്കുള്ള ഏറ്റവും എളുപ്പമാർഗമായ കോട്ടയം-കുളത്തൂർമൂഴി-പമ്പ റോഡ് വീതി കൂട്ടി ഹൈവേ നിലവാരത്തിൽ നിർമ്മിക്കണമെന്ന് ആവശ്യം.
കോട്ടയത്തുനിന്നും പാമ്പാടി- ആലാമ്പള്ളി-മാന്തുരുത്തി-നെടുംകു
ശബരിമല അടക്കമുള്ള തീർഥാടകർക്കും ഗവി പോലുള്ള വിനോദസഞ്ചാര കേന്ദ്രങ്ങളിലേക്ക് എത്തുന്നവർക്കും വളരെയധികം പ്രയോജനപ്പെടുന്ന ഒരു റൂട്ടുംകൂടിയാണ് ഇത്.
കോട്ടയം മുതൽ പാമ്പാടി വരെയും വടശ്ശേരിക്കര മുതൽ പമ്പ വരെയും ഹൈവേ നിലവാരത്തിൽ റോഡ് ഉള്ളതിനാൽ ബാക്കി ഭാഗം നിർമ്മിച്ചാൽ മതിയെന്നിരിക്കെ സാമ്പത്തിക ബാധ്യതയും ഈ പാത നിർമ്മാണത്തിന് കുറവായിരിക്കും.
കോട്ടയത്തു നിന്നും റാന്നി, അച്ചൻകോവിൽ, ചെങ്കോട്ട, തെങ്കാശി തുടങ്ങിയ ഭാഗങ്ങളിലേക്കുള്ള എളുപ്പമാർഗ്ഗം കൂടിയാണ് ഈ പാത.
