കച്ചാർ: സ്കൂളില്‍ വടിവാളുമായി എത്തിയതിനെ തുടര്‍ന്ന് അധ്യാപകനെ പൊലീസ് അറസ്റ്റ് ചെയ്തു.
ആസാമിലെ കച്ചാര്‍ ജില്ലയിലെ ലോവര്‍ പ്രൈമറി സ്‌കൂളിലാണ് സംഭവം.
സ്കൂളിലെ പ്രധാന അധ്യാപകനായ 38 കാരനായ ധൃതിമേധ ദാസ് ആണ് വടിവാളുമായി എത്തി ആശങ്ക സൃഷ്ടിച്ചത്.സില്‍ച്ചാറിലെ താരാപൂര്‍ സ്വദേശിയാണ് ധൃതിമേധ ദാസ്. 11 വര്‍ഷത്തിലേറെയായി അധ്യാപകനായി ജോലി നോക്കുകയാണ് ഇയാള്‍.
ഇയാള്‍ വടിവാളുമെത്തിയെന്ന വിവരം ലഭിച്ചതിനെ തുടര്‍ന്ന് പൊലീസെത്തി ഇയാളെ കസ്റ്റഡിയിലെടുക്കുകയായിരുന്നു.
അധ്യാപകനെതിരെ തുടര്‍നടപടികള്‍ സ്വീകരിക്കാന്‍ വിദ്യാഭ്യാസ വകുപ്പിനോട് ആവശ്യപ്പെട്ടതായും പൊലീസ് കൂട്ടിച്ചേര്‍ത്തു. അധ്യാപകന്‍ വടിവാളുമായെത്തിയതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരുന്നു.
