വയനാട് :കേണിച്ചിറ പൂതാടിക്ക് സമീപം റിസോര്‍ട്ടില്‍ കഴിഞ്ഞ ദിവസം രാത്രിയുണ്ടായ സംഘര്‍ഷത്തില്‍ രണ്ടു പേര്‍ക്ക് കുത്തേറ്റു.
റിസോര്‍ട്ട് ജീവനക്കാരായ സദാനന്ദന്‍, ഷിബിലേഷ് എന്നിവര്‍ക്കാണ് കുത്തേറ്റത്.ഇവരെ സുല്‍ത്താന്‍ ബത്തേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
സംഭവവുമായി ബന്ധപ്പെട്ട് പൂതാടി സ്വദേശികളായ നിഖില്‍ (32), രതീഷ് (28) എന്നിവരെ പോലീസ് അറസ്റ്റ് ചെയ്തു. മുറി ബുക്ക് ചെയ്യുന്നതുമായി ബന്ധപ്പെട്ട തര്‍ക്കമാണ് കത്തിക്കുത്തിലേക്ക് എത്തിയത്. പ്രതികളെ ബത്തേരി കോടതിയില്‍ ഹാജരാക്കി.
