ദേശിയ തലത്തിൽ ഐഐടികളിലേക്കു വേണ്ടി നടത്തുന്ന പ്രവേശന പരീക്ഷയില്‍ മലയാളിയായ തോമസ് ബിജു മൂന്നാം റാങ്ക് സ്വന്തമാക്കി. തിരുവനന്തപുരം സ്വദേശിയായ തോമസ് ബിജു കേരള എഞ്ചിനീയറിംഗ് പ്രവേശന പരീക്ഷയിലും രണ്ടാം റാങ്ക് നേടിയിരുന്നു.
ഐഐടി ബോംബെ സോണിലെ ആര്‍ കെ ശിശിറിനാണ് ഒന്നാം റാങ്ക്. 360 ല്‍ 314 മാര്‍ക്കാണ് ശിശിര്‍ നേടിയത്. പെണ്‍കുട്ടികളില്‍ ഐഐടി ഡെല്‍ഹി സോണിലെ തനിഷ്‌ക കബ്രയാണ് ഒന്നാം റാങ്ക് നേടിയത്. കഴിഞ്ഞ ദിവസമാണ് ജെ.ഇ.ഇ അഡ്വാന്‍സ്ഡ് പരീക്ഷാ ഫലം പ്രഖ്യാപിച്ചത്. jeeadv(dot)ac(dot)in എന്ന വെബ്‌സൈറ്റില്‍ പരീക്ഷാ ഫലം ലഭ്യമാകും.
