എറണാകുളം: കുന്നത്തുനാട് പള്ളിക്കരയില്‍ ഭാര്യയെ കൊലപ്പെടുത്തി അതിഥിതൊഴിലാളിയായ ഭര്‍ത്താവ് ജീവനൊടുക്കി. പള്ളിക്കര ഊത്തിക്കര സ്വദേശി ലിജ(41)യാണ് ഇന്നലെ രാത്രി കൊല്ലപ്പെട്ടത്.
ഭര്‍ത്താവായ ഒഡീഷ സ്വദേശി സുബ്രുവിനെ ഇന്ന് രാവിലെ സമീപ പ്രദേശത്ത് മരത്തില്‍ തൂങ്ങി നില്‍ക്കുന്ന നിലയില്‍ കണ്ടെത്തുകയായിരുന്നു.
സംശയരോഗമാണ് കൊലപാതകത്തിലേക്ക് നയിച്ചതെന്നു കുന്നത്തുനാട് പോലീസ് പറഞ്ഞു. ലിജയുടെ മൃതദേഹം കളമശേരി മെഡിക്കല്‍ കോളജില്‍ സൂക്ഷിച്ചിരിക്കുന്നത്. സുബ്രുവിന്റെ മൃതദേഹത്തിന്റെ ഇന്‍ക്വസ്റ്റ് നടപടികള്‍ പുരോഗമിക്കുകയാണ്. ഇവര്‍ക്ക് പന്ത്രണ്ടും പത്തും ഏഴും വയസുള്ള മൂന്നു കുട്ടികളുണ്ട്. കുറച്ച് മാസമായി ഭര്‍ത്താവുമായി പിണങ്ങി കഴിയുകയായിരുന്നു ലിജ.
