കിഴക്ക് മഴയൊഴിഞ്ഞെങ്കിലും പടിഞ്ഞാറ് ജലനിരപ്പ് ഉയരുന്നു

കഴിഞ്ഞ ദിവസങ്ങളിൽ പെയ്ത മഴവെള്ളം പമ്പയിലൂടെ ഒഴുകിയെത്തിയതോടെ കോഴഞ്ചേരി -ചെങ്ങന്നൂര്‍ റോഡിലെ സത്രക്കടവ്, നീര്‍വിളാകം , തുരുത്തിമല , മാലക്കര – കുറിച്ചി മുട്ടം, തെക്കേമല – കുഴിക്കാല റോഡിലെ പുന്നയ്ക്കാട്, കുടുന്ത റോഡുകള്‍ ഇതിനകം വെള്ളത്തിനടിയിലായിട്ടുണ്ട്.

ഏഴിക്കാട്, ആറാട്ടുപുഴ നല്ലൂര്‍, കിടങ്ങന്നൂര്‍ കുട്ടക്കോട്, തോട്ടപ്പുഴശ്ശേരി പഞ്ചായത്തിലെ കുടുന്ത, പാലയ്ക്കാട്ട് ചിറ, ചെട്ടിമുക്ക് നെല്ലിക്കാപറമ്ബ്, പരപ്പുഴ കടവ് , മല്ലപ്പുഴശ്ശേരി ഓന്തേകാട്, കുറുന്താര്‍, പുന്നയ്ക്കാട്, കാഞ്ഞിരവേലി തുടങ്ങിയ പ്രദേശങ്ങളിലെ വീടുകളിലും വെള്ളം കയറിയിട്ടുണ്ട്.

പമ്ബാനദിയില്‍ ജലനിരപ്പുയരുന്ന സാഹചര്യത്തില്‍ കൂടുതല്‍ പ്രദേശങ്ങളില്‍ നിന്നും ആളുകളെ ക്യാമ്ബുകളിലേയ്ക്ക് മാറ്റും. കോഴഞ്ചേരി ഏരിയായിലെ ആറന്‍മുള വില്ലേജില്‍ ആറാട്ടുപുഴ ഗവ. യു പി സ്‌കൂള്‍, കോഴിപ്പാലം എന്‍എംയുപി സ്‌കൂള്‍, നാല്‍ക്കാലിക്കല്‍ എംടിഎല്‍പി സ്‌കൂള്‍ എന്നിവിടങ്ങളിലാണ് ക്യാമ്ബുതുറന്നത്.

 

കിടങ്ങന്നൂര്‍ വില്ലേജിലെ വല്ലന ഗവ.എസ് എന്‍ഡിപി യു പി സ്‌കൂള്‍, വല്ലന ടികെഎംആര്‍എം വിഎച്ച്‌എസ്സി, മായാലുമണ്‍ ഗവ എല്‍പിസ്‌കൂള്‍ ,തോട്ടപ്പുഴശ്ശേരി പഞ്ചായത്തിലെ നെടും പ്രയാര്‍ എംടിഎല്‍പി, ചെട്ടിമുക്ക് ചെറുപുഷ്പം എല്‍ പി , മാരാമണ്‍ എഎംഎം യു പി, സെന്റ്‌ ജോസഫ് ഓഡിറ്റോറിയം  തോട്ടപ്പുഴശ്ശേരി പഞ്ചായത്തിലെ നെടുംപ്രയാര്‍ എംടിഎല്‍പി, ചെട്ടിമുക്ക് ചെറുപുഷ്പം എല്‍ പി , മാരാമണ്‍ എഎംഎം യു പി, സെന്റ്‌ ജോസഫ് ഓഡിറ്റോറിയം എന്നിവിടങ്ങളിലും മല്ലപ്പുഴശ്ശേരി പഞ്ചായത്തിലെ ഓന്തേകാട് എംടിഎല്‍പി ,കാഞ്ഞിരവേലി അങ്കണവാടി എന്നിവിടങ്ങളിലും ക്യാമ്പുകൾ തുറന്നിട്ടുണ്ട്.