ദുബായ്: രണ്ടാഴ്ച മുൻപ് അല്‍ റഫ ഏരിയയില്‍ മരിച്ച എറണാകുളം കൈപ്പട്ടൂര്‍ സ്വദേശിയുടെ മൃതദേഹം ഏറ്റുവാങ്ങാന്‍ ആരുമെത്താത്തതിനാല്‍ മൃതദേഹം മോര്‍ച്ചറിയിൽ സൂക്ഷിച്ചിരിക്കുന്നു.
കൈപ്പട്ടൂര്‍ തുണ്ടുപറമ്ബില്‍ വീട്ടില്‍ പ്രശാന്ത് (37) ആണ് മരിച്ചത്. പ്രശാന്തിന്‍റെ കുടുംബാംഗങ്ങളെയോ സുഹൃത്തുക്കളെയോ കണ്ടെത്തുന്നതിന് ദുബൈ പൊലീസും ദുബൈയിലെ ഇന്ത്യന്‍ കോണ്‍സുലേറ്റും യു.എ.ഇയിലെ മലയാളി സാമൂഹിക പ്രവര്‍ത്തകരുടെ സഹായം തേടിയിട്ടുണ്ട്.
പിതാവിന്‍റെ പേര് രാജന്‍ അച്യുതന്‍ നായര്‍ എന്നാണ്. മാതാവ്-ഉഷ. യു.എ.ഇയിലുള്ള പ്രശാന്തിന്‍റെ അടുത്ത ബന്ധുക്കളോ സുഹൃത്തുക്കളോ 00971561320653 എന്ന നമ്ബരില്‍ ബന്ധപ്പെടണമെന്ന് സാമൂഹിക പ്രവര്‍ത്തകന്‍ നസീര്‍ വാടാനപ്പള്ളി അറിയിച്ചു.
അതേസമയം വിലാസം തെറ്റാണെന്നും പത്തനംതിട്ട കൈപ്പട്ടൂർ സ്വദേശിയാണ് ഇദ്ദേഹമെന്നും പറയപ്പെടുന്നു.
