മോഷണത്തിന് കോടതി വിധിച്ച ശിക്ഷ !!

കോടതിയിൽ ഹാജരാക്കിയ കുട്ടിയോട് ജഡ്ജ്

  ചോദിച്ചു, “നിങ്ങൾ ശരിക്കും എന്തെങ്കിലും മോഷ്ടിച്ചോ, അതായത് ഒരു  പാക്കറ്റ് റൊട്ടിയും ചീസും”?

 താഴേക്ക് നോക്കിയാണ് കുട്ടി പ്രതികരിച്ചത്. ; – അതെ ‘.

 ന്യായാധിപൻ ,: – ‘എന്തുകൊണ്ട്?’

 പയ്യൻ ,: – എനിക്ക് ആവശ്യമായിരുന്നു.

 ജഡ്ജി: – ‘വാങ്ങാമായിരുന്നില്ലേ .

 പയ്യൻ: – ‘പണമില്ലായിരുന്നു.’

 ന്യായാധിപൻ: – വീട്ടിൽ  നിന്ന് എടുക്കാമായിരുന്നില്ലേ ? . ആൺകുട്ടി: – ‘വീട്ടിൽ അമ്മ മാത്രമേയുള്ളൂ, ‘അമ്മ രോഗിയാണ് കുറെ ദിവസമായി വല്ലതും കഴിച്ചിട്ട്.

 വിധികർത്താവ്: – നിങ്ങൾ ജോലി  ഒന്നും ചെയ്യുന്നില്ലേ?

 ആൺകുട്ടി: – ഒരു കാർ കഴുകാൻ പോയിരുന്നു . അമ്മയ്ക്ക് കലശലായ അസുഖം വന്നപ്പോൾ ഞാൻ ഒരു ദിവസം അവധി എടുത്തതിനാൽ എന്നെ പുറത്താക്കി.

 വിധികർത്താവ്: – നിങ്ങൾ ആരോടെങ്കിലും സഹായം ചോദിച്ചോ ?

 ആൺകുട്ടി: – രാവിലെ മുതൽ വീട് വിട്ടിറങ്ങി, അമ്പതോളം പേരുടെ അടുത്തേക്ക് പോയി, കരഞ്ഞു യാചിച്ചു, ആരും ഒന്നും തന്നില്ല . അമ്മയുടെ അവസ്ഥ ആലോചിച്ചപ്പോൾ വേറെ വഴി ഇല്ലായിരുന്നു.

 വാദങ്ങൾ അവസാനിച്ചപ്പോൾ, ജഡ്ജി വിധി പ്രഖ്യാപിക്കാൻ തുടങ്ങി, “മോഷണം, അത് എന്തുതന്നെയായാലും വളരെ ലജ്ജാകരമായ കുറ്റമാണ്, ഒരിക്കലും പൊറുക്കപ്പെടാൻ പറ്റാത്ത കുറ്റം.ഇതിന് കടുത്ത ശിക്ഷ അർഹിക്കുന്നു.ഈ കുറ്റത്തിന് നാമെല്ലാം ഉത്തരവാദികളാണ്. ഞാനടക്കം ഈ രാജ്യത്തെ ഓരോ വ്യക്തിയും കുറ്റവാളിയാണ്, അതിനാൽ ഇവിടെ ഹാജരായിരിക്കുന്ന  ഓരോ വ്യക്തിക്കും പത്ത് ഡോളർ പിഴ കോടതി ശിക്ഷ വിധിക്കുന്നു”.

 ഇത് പറഞ്ഞ് ജഡ്ജി തന്റെ  പോക്കറ്റിൽ നിന്ന് പത്ത് ഡോളർ എടുത്ത് മേശ പുറത്ത് വച്ച്  തുടർന്ന്  എഴുതിത്തുടങ്ങി: – കൂടാതെ, വിശന്ന കുട്ടിയെ പോലീസിന് കൈമാറിയതിന് ഞാൻ സ്റ്റോർ ഉടമക്ക്  ആയിരം ഡോളർ പിഴ ചുമത്തുന്നു.

 പിഴ 24 മണിക്കൂറിനുള്ളിൽ നിക്ഷേപിച്ചില്ലെങ്കിൽ, സ്റ്റോർ മുദ്രവെക്കാൻ കോടതി ഉത്തരവിടും.

 ഈ കുട്ടിക്ക് മുഴുവൻ പിഴയും നൽകിക്കൊണ്ട് കോടതി ആ കുട്ടിയോട് ക്ഷമ ചോദിക്കുന്നു.

 ജഡ്ജി വിധി പ്രസ്താവിക്കുമ്പോൾ  കോടതിയിൽ ഹാജരായ ആളുകളുടെ കണ്ണുകളിൽ നിന്ന് കണ്ണുനീർ കുടുകുടെ ഒഴുകുന്നുണ്ടായിരുന്നു.കുട്ടി സംഭവിക്കുന്നതെന്തെന്നറിയാതെ ജഡ്ജിന്റെ മുഖത്തേക്ക് നോക്കി കൊണ്ട് വിങ്ങിപ്പൊട്ടുകയായിരുന്നു അപ്പോഴും !!

 വാൽക്കഷണം:

വിശപ്പുള്ള ഒരാൾ അന്നം മോഷ്ടിക്കപ്പെട്ട കുറ്റത്തിന്  പിടിക്കപ്പെട്ടാൽ ആ രാജ്യത്തെ ജനങ്ങൾ ലജ്ജിക്കണം എന്നാണ് ചാണക്യൻ  പറഞ്ഞിട്ടുള്ളത്.