ഒരു പ്രതിയുടെ വൈദ്യപരിശോധന എങ്ങനെ നടത്തണം, പീഡനത്തിന് ഇരയായ സ്ത്രീയോ- പുരുഷനോ -കുട്ടിയോ ആരായാലും വൈദ്യപരിശോധന എങ്ങനെ നടത്തണം, അപകടത്തില്‍പ്പെട്ടയാള്‍ അല്ലെങ്കില്‍ ആത്മഹത്യക്കു ശ്രമിച്ച ഒരാളെ ചികിത്സിക്കുന്ന ഡോക്ടര്‍ എന്തു നടപടികള്‍ സ്വീകരിക്കണം ഇതെല്ലാം മെഡിക്കോ ലീഗല്‍ പ്രോട്ടോകോളില്‍ ഉള്‍പ്പെടും. അതായത് നിയമ സംവിധാനത്തിന്റെ പരിശോധനയിലൂടെ കടന്നുപോകുന്ന എല്ലാ മെഡിക്കല്‍ നടപടികളും ഈ പ്രോട്ടോകോളില്‍ ഉള്‍പ്പെടും. മെഡിക്കോ- ലീഗല്‍ പ്രോട്ടോകോള്‍ പ്രകാരമാണ് പോസ്റ്റുമോര്‍ട്ടവും നടത്തുന്നത്.
നിലവില്‍ അറസ്റ്റ് ചെയ്യുന്ന ഒരു പ്രതിയുടെയോ തടവുകാരന്റെയോ വൈദ്യപരിശോധന എങ്ങനെ നടത്തണമെന്ന് പ്രോട്ടോകള്‍ നിലവിലുണ്ട്. ഇതില്‍ ചില വ്യക്തത വരുത്തിയാണ് പുതിയ നിര്‍ദ്ദേശങ്ങള്‍.ദേശീയ മനുഷ്യാവകാശ കമ്മീഷന്റെ ശുപാര്‍ശ പ്രകരാണ് ആഭ്യന്തരവകുപ്പ് പുതിയ ഭേദഗതി തയ്യാറാക്കിയത്.
