രാവിലെ പത്തരയോടെ ആയിരുന്നു സംഭവം.ടോള്‍ വെട്ടിച്ച്‌ എന്‍ഐജെ എല്‍പി സ്‌കൂള്‍ റോഡിലൂടെ എത്തിയ കാര്‍ ടോള്‍ പ്ലാസയ്ക്കു മുന്നിലെ കട്ടിങ്ങിലൂടെ അരൂര്‍ ഭാഗത്തേക്കുള്ള വാഹനങ്ങള്‍ മറികടന്ന് വൈറ്റില ഭാഗത്തേക്കു കടന്നതാണ് അപകട കാരണം. യാത്രികരുമായി ആലപ്പുഴയ്ക്കു പോവുകയായിരുന്ന കെഎസ്‌ആര്‍ടിസി ബസ് കാറില്‍ മുട്ടാതിരിക്കാന്‍ പെട്ടെന്ന് വെട്ടിച്ചപ്പോൾ പോസ്റ്റില്‍ ഇടിക്കുകയായിരുന്നു.
യാത്രക്കാരില്‍ ആര്‍ക്കും പരിക്കുകള്‍ സംഭവിച്ചില്ല.അവരെ മറ്റൊരു ബസില്‍ കയറ്റി വിട്ടു.കാർ കണ്ടെത്താനായി പോലീസ് അന്വേഷണം ആരംഭിച്ചു.
