മഞ്ജു വാര്യർ സ്ഥാനാർത്ഥിയാകുന്നു.
ചക്കരക്കുടം എന്ന് പേരുള്ള ഗ്രാമ പഞ്ചായത്തിൽ പത്താം വാർഡിൽ യുഡിപിയുടെ സ്ഥാനാർത്ഥിയായാണ് തെരഞ്ഞെടുപ്പിൽ മഞ്ജു വാര്യർ മത്സരിക്കുന്നത്.പക്ഷെ സുനന്ദ എന്ന പേരിലാണെന്ന് മാത്രം!
മഹേഷ് വെട്ടിയാർ ഒരുക്കുന്ന പുതിയ സിനിമയായ വെളളരിക്കാപട്ടണം എന്ന ചിത്രത്തിലാണ് സ്ഥാനാർത്ഥിയായി മഞ്ജു വാര്യർ വരുന്നത്.ഈ സിനിമയുടെ പോസ്റ്റർ സോഷ്യൽ മീഡിയയിൽ ഇപ്പോൾ വൈറലാണ്.മഞ്ജു വാര്യരും സൗബിനും കേന്ദ്ര കഥാപാത്രങ്ങളാവുന്ന ഈ ചിത്രം ഫുൾ ഓൺ സ്റ്റുഡിയോസാണ് നിർമിക്കുന്നത്.
പ്രശസ്ത മാധ്യമ പ്രവർത്തകനായ ശരത് കൃഷ്ണയും സംവിധായകനും ചേർന്ന് തിരക്കഥയൊരുക്കിയിരിക്കുന്നു. സലിംകുമാർ, സുരേഷ്‌കൃഷ്ണ ,കൃഷ്ണശങ്കർ, ശബരീഷ് വർമ, ഇടവേള ബാബു, അഭിരാമി ഭാർഗവൻ, കോട്ടയം രമേശ്, വീണനായർ, പ്രമോദ് വെളിയനാട്, ശ്രീകാന്ത് വെട്ടിയാർ തുടങ്ങിയവരും പ്രധാന വേഷങ്ങൾ ചെയ്യുന്നു.
