സുന്ദരമായ സ്ഥലങ്ങൾ.മനോഹരങ്ങളായ റെയിൽവേ സ്റ്റേഷനുകൾ.എത്രയെത്ര സിനിമകളുടെ പ്രിയപ്പെട്ട ലൊക്കേഷനുകൾ..! കേരളത്തിലെ ഏറ്റവും മനോഹരമായ ട്രെയിൻ റൂട്ട് ഏതെന്നു ചോദിച്ചാൽ ഒരേയൊരു ഉത്തരമേയുള്ളൂ ഷൊർണ്ണൂർ – നിലമ്പൂർ റൂട്ട്.
കമൽ സംവിധാനം ചെയ്ത കൃഷ്ണഗുഡിയില്‍ ഒരു പ്രണയകാലത്ത് എന്ന സിനിമയുടെ പ്രധാന ലൊക്കേഷൻ മലപ്പുറം ജില്ലയിലെ അങ്ങാടിപ്പുറം റെയില്‍വേ സ്റ്റേഷനും ഷൊര്‍ണൂര്‍-നിലമ്പൂര്‍ റെയില്‍പാതയുമായിരുന്നു.നാദിയ കൊല്ലപ്പെട്ട രാത്രി,നമ്പര്‍ ട്വന്റി മദ്രാസ് മെയിൽ(പകുതിയിലേറെ ഭാഗങ്ങൾ) തുടങ്ങിയ സിനിമകളുടെ ചിത്രീകരണവും ഇവിടെ തന്നെയായിരുന്നു.
1927- ലാണ് ഷൊർണൂർ-നിലമ്പൂർ പാതയിൽ കൂടി ആദ്യമായി തീവണ്ടി ഓടിത്തുടങ്ങിയത്.രണ്ടാം ലോകമഹായുദ്ധകാലത്ത് ബ്രിട്ടീഷുകാർ പാളം പൊളിച്ചുകൊണ്ടുപോയതിനെത്തുടർന്
ഷൊർണ്ണൂരിനും നിലമ്പൂർ റോഡിനുമിടയിൽ പത്ത് റെയിൽവേ സ്റ്റേഷനുകളാണുള്ളത്. വാടാനംകുറിശ്ശി, വല്ലപ്പുഴ, കുലുക്കല്ലൂർ, ചെറുകര, അങ്ങാടിപ്പുറം, പട്ടിക്കാട്, മേലാറ്റൂർ, തുവ്വൂർ, തൊടിയപ്പുലം, വാണിയമ്പലം എന്നിവയാണ് മനോഹരങ്ങളായ ആ റെയിൽവേ സ്റ്റേഷനുകൾ.എല്ലാം ചെറിയ സ്റ്റേഷനുകളാണ്. ചെറുതെങ്കിലും ഗ്രാമീണഭംഗി വിളിച്ചോതുന്ന തീര്‍ത്തും ഉള്‍ഗ്രാമത്തിലായാണ് സ്റ്റേഷനുകൾ. ബസ് റൂട്ട് കുറവായ ഈ നാട്ടുകാരുടെ പ്രധാന ആശ്രയവും ട്രെയിനാണ്.
വൈവിധ്യമാര്‍ന്ന കാഴ്ചകളാൽ സമ്പന്നമായ ഈ പാതയുടെ സമീപപ്രദേശങ്ങളിലുള്ള വിനോദസഞ്ചാര കേന്ദ്രങ്ങളെ കോർത്തിണക്കി കൂടുതൽ ടൂറിസവികസനപദ്ധതികള്‍ നടപ്പാക്കിയാൽ സഞ്ചാരികള്‍ ഇവിടേക്ക് ഒഴുകിയെത്തുമെന്നതില്‍ സംശയമില്ല.
തീവണ്ടി ജാലകത്തിലൂടെയുള്ള പ്രകൃതിയുടെ കാഴ്ചകൾ കാണാൻ തന്നെ നിരവധി ആളുകളാണ് നിലവിൽ ഈ റൂട്ടിലൂടെ ട്രെയിനിൽ സഞ്ചരിക്കുന്നതും.
തീവണ്ടി ജാലകത്തിലൂടെയുള്ള പ്രകൃതിയുടെ കാഴ്ചകൾ കാണാൻ തന്നെ നിരവധി ആളുകളാണ് നിലവിൽ ഈ റൂട്ടിലൂടെ ട്രെയിനിൽ സഞ്ചരിക്കുന്നതും.
മഴയായാലും വെയിലായാലും ഗ്രാമീണ സൗന്ദര്യത്തില്‍ മതിമറന്ന്,ഹൃദ്യമായ കാഴ്ചകളുടെ മാറിലൂടെയുള്ള ട്രെയിന്‍ യാത്ര യാത്രികരെ സ്വപ്‌നസഞ്ചാരികളാക്കുമെന്നതില്‍ യാതൊരു സംശയവുമില്ല.മൺസൂൺ ടൂറിസത്തിനും പേരുകേട്ടതാണ് ഈ പ്രദേശങ്ങൾ.നഗരത്തിന്റെ മനം മടുപ്പിക്കുന്ന ആരവങ്ങള്‍ക്കിടയില്‍ നിന്നും തിരക്കുകളില്‍ നിന്നു മാറി തഴുകിയെത്തുന്ന കുളിര്‍കാറ്റും ശുദ്ധവായുവും ആസ്വദിച്ചു പ്രകൃതിയുടെ പാട്ടില്‍ ലയിച്ചു പച്ചപ്പില്‍ അഭിരമിച്ചു കഥകളുറങ്ങുന്ന തേക്കിന്റെ നാട്ടിലേക്കൊരു വണ്ടര്‍ഫുള്‍ ജേര്‍ണി.അതാണ് ഷൊർണൂർ നിലമ്പൂർ റെയിൽ യാത്ര !!
Tags
Nlmbr rlwy
