കഞ്ചിക്കോട് ദേശീയപാതയിൽ കണ്ടെയ്നർ ലോറി ബസ്സുകളിലിടിച്ച് അപകടം. ഇന്ന് പുലര്‍ച്ചേ ആയിരുന്നു അപകടം. നിയന്ത്രണം നഷ്ടപ്പെട്ട കണ്ടെയ്നർ ലോറി ഡിവൈഡറിന് മുകളിലേക്ക് പാഞ്ഞു കയറി എതിർവശത്തു നിന്ന് വന്ന ബസ്സുകളിലേക്ക് ഇടിക്കുകയായിരുന്നു. കണ്ടെയ്നർ ലോറിയും കെഎസ്ആർടിസി ബസും ഒരു സ്വകാര്യ ബസ്സും തമ്മിൽ ആണ് അപകടം നടന്നിരിക്കുന്നത്. കണ്ടെയ്നർ ലോറി പാലക്കാട് നിന്നും കോയമ്പത്തൂരിലേക്കും ബസുകൾ കോയമ്പത്തൂരിൽ നിന്ന് പാലക്കാട്ടേക്കും വരികയായിരുന്നു. അപകടത്തെ തുടർന്ന് ദേശീയപാതയിൽ ഗതാഗതം തടസ്സപ്പെട്ടു. ലോറിയുടെ ഡ്രൈവർക്ക് ഗുരുതരമായ പരിക്കേറ്റു.
