NEWS

കെഎസ്ആർടിസി ; ശമ്പള പരിഷ്കരണം ഉൾപ്പെടെയുള്ള വിഷയങ്ങളിൽ യൂണിയൻ പ്രതിനിധികളുമായി മന്ത്രി തല ചർച്ച 5 ന്

തിരുവനന്തപുരം; കെഎസ്ആർടിസിയുടെ പുനരുദ്ധാരണ പ്രവർത്തനങ്ങൾക്ക് അം​ഗീകൃത യൂണിയനുകളുടെ അഭിപ്രായം ആരായുന്നതിനും തുടർന്നുള്ള പ്രവർത്തനങ്ങൾക്ക് യൂണിയനുകളുടെ സ​ഹകരണം തേടുന്നതിനും വേണ്ടി അം​ഗീകൃത യൂണിയൻ പ്രതിനിധികളുമായുള്ള മന്ത്രി തലത്തിലുള്ള ചർച്ച 5 ന് നടക്കും. ധനകാര്യ വകുപ്പ് മന്ത്രി ഡോ. തോമസ് ഐസക്ക്, ​ഗതാ​ഗത വകുപ്പ് മന്ത്രി എ.കെ.ശശീന്ദ്രൻ എന്നിവരാണ് യൂണിയൻ പ്രതിനിധികളുമായി ചർച്ച നടത്തുന്നത്.

കെഎസ്ആർടിസി സിഫ്റ്റ് രൂപീകരണം, കെഎസ്ആർടിസിയിൽ നിന്നും പിരിച്ചു വിട്ട താൽക്കാലിക ജീവനക്കാരെ സ്ഥിരപ്പെടുത്തുന്ന വിഷയം, താൽക്കാലിക വിഭാ​ഗം ജീവനക്കാരെ സ്ഥിരപ്പെടുത്തുന്നത് സംബന്ധിച്ച് എസ്/ എസ്ടി കമ്മീഷന്റെ നിർദ്ദേശങ്ങൾ‌ വിലയിരുത്തൽ , ശമ്പള പരിഷ്കരണ കരാർ നടപ്പിലാക്കുക തുടങ്ങിയ വിഷയങ്ങളെ പ്രധാന അജണ്ടകളാക്കിയാണ് ചർച്ച നടക്കുകയെന്ന് ​ഗതാ​ഗത വകുപ്പ് മന്ത്രി എ.കെ. ശശീന്ദ്രൻ അറിയിച്ചു.

Related Articles

Leave a Reply

Your email address will not be published. Required fields are marked *

Back to top button