LIFENEWS

തമിഴ്നാട്ടിലും പുതുച്ചേരിയിലും ദുരിതം പെയ്ത് ചുഴലിക്കാറ്റ് നിവർ ,തമിഴ്‌നാട്ടിൽ 16 ജില്ലകളിൽ പൊതു അവധി ,2 മരണം

അതി തീവ്ര ചുഴലിക്കാറ്റ് നിവർ പുതുച്ചേരിയുടെ 30 കിലോമീറ്റർ വടക്ക് മഴയായി പെയ്തിറങ്ങിത്തുടങ്ങി .തമിഴ്‍നാട്ടിലെ 16 ജില്ലകളിലും പുതുച്ചേരിയിലും കാരയ്ക്കലിലും പൊതു അവധി പ്രഖ്യാപിച്ചിരിക്കുകയാണ് .ജനങ്ങളോട് വീടുകളിൽ തന്നെ കഴിയാൻ ആണ് നിർദേശം .

രാത്രി 11 30 ഓടെ കോട്ടക്കുപ്പം ഗ്രാമത്തിലാണ് നിവർ കര തൊട്ടത് .വേദാരണ്യത്ത് വൈദ്യുതി പോസ്റ്റ് തകർന്നു വീണും വില്ലുപുരത്ത് വീട് തകർന്നും രണ്ടു പേര് മരിച്ചു .

ചുഴലിക്കാറ്റിന്റെ കേന്ദ്രം പുതുച്ചേരിയ്ക്ക് സമീപമുള്ള കടൽത്തീരത്ത് കൂടി 3 മണിക്കൂറിനുള്ളിൽ കടന്നു പോകുമെന്നാണ് പ്രവചനം .120 മുതൽ 130 കിലോമീറ്റർ വേഗതയിൽ ആണ് കാറ്റ് ഉണ്ടാവുക .

തമിഴ്‌നാട്ടിലെ ചെന്നൈ ,ചെങ്കൽപെട്ട് ,കൂടല്ലൂർ ജില്ലകളിലും പുതുച്ചേരിയിലും കനത്ത മഴ തുടരുകയാണ് .ചെമ്പരമ്പാക്കം റിസർവോയറിന്റെ ഷട്ടറുകൾ അഞ്ച് കൊല്ലത്തിനിടെ ഇതാദ്യമായി തുറന്നു .

Related Articles

Leave a Reply

Your email address will not be published. Required fields are marked *

Back to top button