LIFENEWSTOP 10

മഹാസഖ്യത്തെ അധികാരത്തിൽ നിന്നകറ്റിയത് കോൺഗ്രസിന്റെ മോശം പ്രകടനം ,പാർട്ടി ആത്മ പരിശോധന നടത്തണം ,പരസ്യ പ്രസ്താവനയുമായി കോൺഗ്രസ് ജനറൽ സെക്രട്ടറി താരീഖ് അൻവർ

ബീഹാർ തെരഞ്ഞെടുപ്പ് പരാജയത്തിന്റെ പശ്ചാത്തലത്തിൽ പാർട്ടി ആത്മ പരിശോധന നടത്തണമെന്ന് പാർട്ടി ജനറൽ സെക്രട്ടറി താരീഖ് അൻവർ .ട്വീറ്റ് പരമ്പരയിലൂടെയാണ് താരീഖ് അൻവറിന്റെ തുറന്നു പറച്ചിൽ .

“നമ്മൾ സത്യം അംഗീകരിച്ചേ മതിയാകൂ .ബിഹാറിൽ മഹാസഖ്യ സർക്കാർ അസാധ്യമാക്കിയത് കോൺഗ്രസിന്റെ മോശം പ്രകടനമാണ് .”താരീഖ് അൻവർ ട്വീറ്റ് ചെയ്തു .

തെരഞ്ഞെടുപ്പിൽ 70 സീറ്റിൽ മത്സരിച്ച കോൺഗ്രസിന് 19 സീറ്റ് നേടാൻ മാത്രമേ കഴിഞ്ഞുള്ളു .മഹാസഖ്യത്തിലെ മറ്റു കക്ഷികളെ സംബന്ധിച്ചിടത്തോളം ഏറ്റവും നിരാശാജനകമായ പ്രകടനം ആയിരുന്നു കോൺഗ്രസിന്റേത് .

“എവിടെയാണ് പാളിയതെന്ന് കോൺഗ്രസ് ആത്മ പരിശോധന നടത്തണം .ഒവൈസിയുടെ പാർട്ടിയുടെ രംഗപ്രവേശത്തെ ആശങ്കയോടെ കാണണം” താരീഖ് അൻവർ ചൂണ്ടിക്കാട്ടി .

Related Articles

Leave a Reply

Your email address will not be published. Required fields are marked *

Back to top button