NEWS

ദുര്‍ഗാദേവിയെ അപമാനിക്കുന്ന ഫോട്ടോഷൂട്ട്; വനിത ഫോട്ടോഗ്രാഫര്‍ക്കെതിരെ കേസെടുത്ത് പോലീസ്

കൊച്ചി: ദുര്‍ഗാദേവിയെ അപമാനിക്കുന്ന തരത്തില്‍ ഫോട്ടോഷൂട്ട് നടത്തി സമൂഹമാധ്യമങ്ങളില്‍ പോസ്റ്റ് ചെയ്‌തെന്ന പരാതിയില്‍ വനിത ഫോട്ടോഗ്രാഫര്‍ക്കെതിരെ കേസെടുത്ത് പോലീസ്.

ആലുവ സ്വദേശിനിയായ ഫൊട്ടോഗ്രഫര്‍ക്കെതിരെയാണ് കേസെടുത്തത്. മടിയില്‍ മദ്യവും കഞ്ചാവും വച്ചിരിക്കുന്ന തരത്തില്‍ ദുര്‍ഗ ദേവിയെ ചിത്രീകരിച്ചു എന്നാണു പരാതി. ഹിന്ദു ഐക്യവേദിയുടെ പരാതിയെ തുടര്‍ന്നാണ് പൊലീസ് നടപടി.

മോഡലിനെതിരെ പരാതി എടുക്കണോയെന്ന് പരിശോധിച്ചശേഷം തീരുമാനമെടുക്കും. അതേസമയം, നവരാത്രി തീമില്‍ ചെയ്ത ഫോട്ടോ ഷൂട്ട് വിശ്വാസികളെ വേദനിപ്പിച്ചത് മനസിലാക്കുന്നെന്നും നിര്‍വ്യാജം ഖേദിക്കുന്നെന്നും യുവതി അറിയിച്ചു.

ഏതെങ്കിലും മതത്തെ വേദനിപ്പിക്കണം എന്ന ഉദ്ദേശത്തോടെയായിരുന്നില്ല ചിത്രങ്ങള്‍ പോസ്റ്റ് ചെയ്തതെന്നും അവര്‍ പറഞ്ഞു. നവരാത്രിയോട് അനുബന്ധിച്ച് സമൂഹമാധ്യമത്തില്‍ പ്രസിദ്ധീകരിച്ച ചിത്രത്തിനെതിരെ കടുത്ത പ്രതിഷേധമാണ് ഉണ്ടായിട്ടുള്ളത്. പരാതി ഉയര്‍ന്നതോടെ പേജില്‍നിന്ന് ചിത്രങ്ങള്‍ നീക്കി.

Related Articles

Leave a Reply

Your email address will not be published. Required fields are marked *

Back to top button