പാർലമെന്റിന്റെ ശൈത്യകാല സമ്മേളനത്തിൽ ചോദ്യോത്തര വേള ഒഴിവാക്കിയത് ചൂടേറിയ രാഷ്ട്രീയ സംവാദങ്ങൾക്ക് കാരണമാവുന്നു .കഴിഞ്ഞ ദിവസമാണ് രാജ്യസഭാ സെക്രട്ടേറിയറ്റ് ഇക്കാര്യം അറിയിച്ചത് .
കോവിഡ് കാലം പരിഗണിച്ചാണെന്നാണ് വിശദീകരണം .എന്നാൽ സീറോ അവർ അടക്കമുള്ള മറ്റു കാര്യങ്ങൾ പതിവ് പോലെ നടക്കും .
കടുത്ത വിമർശനം ആണ് കോൺഗ്രസ് ഇക്കാര്യത്തിൽ ഉന്നയിച്ചിട്ടുള്ളത് .പാർലമെന്റിനെ ഭരണകക്ഷി നോട്ടീസ് ബോർഡ് ആക്കിയിരിക്കുക ആണെന്ന് ശശി തരൂർ എംപി ട്വീറ്റ് ചെയ്തു.
1/2 I said four months ago that strongmen leaders would use the excuse of the pandemic to stifle democracy&dissent. The notification for the delayed Parliament session blandly announces there will be no Question Hour. How can this be justified in the name of keeping us safe?
— Shashi Tharoor (@ShashiTharoor) September 2, 2020
“കോവിഡിനെ കരുത്തർ മറയാക്കുമെന്നു നാല് മാസം മുമ്പ് ഞാൻ പറഞ്ഞു . ചോദ്യോത്തര വേളയില്ല എന്നാണ് ഇപ്പോൾ പറയുന്നത് .നമ്മളെ സുരക്ഷിതരാക്കി എന്ന് പറഞ്ഞ് എങ്ങിനെ ഇതിനെ ന്യായീകരിക്കും ?”ശശി തരൂർ ട്വിറ്ററിൽ ചോദിച്ചു .
മഹാവ്യാധിയെ ജനാധിപത്യത്തിന്റെ കശാപ്പിന് ഉപയോഗിക്കുകയാണെന്നു തൃണമൂൽ കോൺഗ്രസ് എം പി ഡെറിക് ഒബ്രിയൻ പറഞ്ഞു .
MPs required to submit Qs for Question Hour in #Parliament 15 days in advance. Session starts 14 Sept. So Q Hour cancelled ? Oppn MPs lose right to Q govt. A first since 1950 ? Parliament overall working hours remain same so why cancel Q Hour?Pandemic excuse to murder democracy
— Derek O'Brien | ডেরেক ও'ব্রায়েন (@derekobrienmp) September 2, 2020
ചോദ്യം ചോദിക്കാനുള്ള അംഗങ്ങളുടെ അവസരം ഇല്ലാതാക്കരുതെന്നു കഴിഞ്ഞ ആഴ്ച ലോക്സഭയിൽ കോൺഗ്രസിനെ നയിക്കുന്ന അധിർ രഞ്ജൻ ചൗധരി സ്പീക്കർക്ക് കത്തെഴുതിയിരുന്നു .കോവിഡ് കാലത്ത് അംഗങ്ങൾ ചോദ്യം ചോദിക്കുന്നതും ഉത്തരങ്ങൾ പറയേണ്ടതും അത്യാവശ്യമാണെന്ന് അദ്ദേഹം കത്തിൽ ചൂണ്ടിക്കാട്ടി .
പാർലമെന്റിന്റെ ശൈത്യകാല സമ്മേളനം സെപ്റ്റംബർ 14 നു ആരംഭിക്കും .ഒക്ടോബർ ഒന്നിനാണ് സഭ അവാസാനിക്കുക .സഭയിൽ ഹാജരാകുന്നവർ 72 മണിക്കൂറിനുള്ളിൽ നടത്തിയ കോവിഡ് പരിശോധന ഫലം ഹാജരാക്കണം .
ആഴ്ച്ചാവസാനം ഇടവേളയില്ലാതെയാകും ഒക്ടോബർ ഒന്ന് വരെയുള്ള സഭയുടെ പ്രവർത്തനം .ലോക്മസഭ 9 മുതൽ ഒന്ന് വരെയും രാജ്യസഭാ 3 മുതൽ 7 വരെയും ആകും പ്രവർത്തിക്കുക .
