politics
-
ഏതു കേസാ? ചോദ്യവുമായി രാഹുല്, പറയാമെന്ന് പോലീസ്; തൊട്ടു പിന്നാലെ ഫോണ് കസ്റ്റഡിയില്; രാഹുലിനെ അറസ്റ്റ് ചെയ്യുന്ന ദൃശ്യങ്ങള് പുറത്തുവിട്ട് പോലീസ്
രാഹുൽ മാങ്കൂട്ടത്തിൽ എംഎൽഎയെ സ്വകാര്യ ഹോട്ടലിൽനിന്ന് അർധരാത്രി അറസ്റ്റു ചെയ്യുന്ന ദൃശ്യങ്ങൾ പൊലീസ് പുറത്തുവിട്ടു. 2002 എന്ന നമ്പറുള്ള മുറിയുടെ വാതിലിൽ പൊലീസ് മുട്ടുന്നതു മുതൽ രാഹുലിനെ കസ്റ്റഡിയിലെടുക്കുന്നതു വരെയാണ് ദൃശ്യത്തിലുള്ളത്. വനിതാ പൊലീസും സംഘത്തിലുണ്ട്. ഏതാനും നിമിഷം കഴിഞ്ഞ് രാഹുൽ കതകു തുറന്നു. ഒരു കേസുമായി ബന്ധപ്പെട്ട് കസ്റ്റഡിയിലെടുക്കുകയാണെന്ന് പൊലീസ് അറിയിക്കുമ്പോൾ ഏത് കേസാണെന്ന് രാഹുൽ ചോദിക്കുന്നുണ്ട്. പറയാം എന്നാണ് പൊലീസിന്റെ മറുപടി. എതിർപ്പുകളില്ലാതെ രാഹുൽ പൊലീസിന്റെ നിർദേശങ്ങൾ അനുസരിച്ചു. വസ്ത്രങ്ങൾ ഉണ്ടെങ്കിൽ എടുക്കാൻ പൊലീസ് നിർദേശിച്ചു. രാഹുലിനെതിരെ യുവതി നൽകിയ പീഡന പരാതിയിലായിരുന്നു അറസ്റ്റ്. രാഹുലിനെ കോടതി റിമാൻഡ് ചെയ്തിട്ടുണ്ട്. ജാമ്യാപേക്ഷയിൽ നാളെ വാദം കേൾക്കും. അതിനിടെ, പാലക്കാട് ഫ്ലാറ്റ് വാങ്ങിക്കാൻ പരാതിക്കാരിയോട് രാഹുൽ ആവശ്യപ്പെടുന്ന ചാറ്റുകൾ പുറത്തുവന്നു. ഒരുമിച്ച് താമസിക്കാൻ ഫ്ലാറ്റ് വാങ്ങാനാണ് രാഹുൽ യുവതിയോട് ആവശ്യപ്പെട്ടത്. രാഹുലിന്റെ കയ്യില് കാശില്ലെന്നും പറഞ്ഞു. ഒരുമിച്ച് താമസിച്ചാൽ എല്ലാവരും അറിയില്ലേ എന്നു ചോദിച്ചപ്പോൾ അതിനെന്താ ഒരുമിച്ച് ജീവിക്കേണ്ടവരല്ലേ എന്നായിരുന്നു…
Read More » -
ഒന്നാണെങ്കില് അബദ്ധം; തുടരെത്തുടരെ ഉണ്ടായാല് മാനസിക വൈകൃതവും അഹങ്കാരവും; രാഹുലിനെതിരേ സജന; ‘ഇരകള് പോരാടുന്നത് കോണ്ഗ്രസ് നേതാവിനോട് അല്ല, സംരക്ഷണം നല്കാന് ആരെങ്കിലുമുണ്ടെങ്കില് ലക്ഷ്യങ്ങളും ഉണ്ടാകും’
തിരുവനന്തപുരം: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് എംഎല്എയേക്ക് മാനസിക വൈകൃതമെന്ന് യൂത്ത് കോണ്ഗ്രസ് നേതാവ് സജന ബി സാജന്. അധികാരവും സംരക്ഷണവും ഉറപ്പുള്ളതിന്റെ അഹങ്കാരത്തിലാണ് രാഹുല് ചെയ്തുകൂട്ടിയതെല്ലാമെന്നും ഇരകള് പോരാടണമെന്നും സജന ഫേസ്ബുക്കിലൂടെ വ്യക്തമാക്കി. ഒന്നാണെങ്കില് അബദ്ധം, രണ്ടാണെങ്കില് കുറ്റം, തുടരെ തുടരെ നടത്തുന്നത് മാനസിക വൈകൃതവും അധികാരം, സംരക്ഷണം ഇവ ഉറപ്പുള്ളതിന്റെ അഹങ്കാരമാണെന്നുമാണ് സജന ഫേസ്ബുക്കില് കുറിച്ചത്. ഇരകള് പോരാടുന്നത് ഒരു കോണ്ഗ്രസ് നേതാവിനോടല്ല. അവര്ക്ക് കോണ്ഗ്രസ് നേതാക്കളുടെ സംരക്ഷണമില്ല. അവര്ക്ക് സംരക്ഷണം നല്കാന് ആരെങ്കിലുമുണ്ടെങ്കില് അവര്ക്ക് ലക്ഷ്യങ്ങള് ഉണ്ടാകുമെന്നും യൂത്ത് കോണ്ഗ്രസ് സ്ത്രീപക്ഷ നിലപാടില് തന്നെയാണെന്നും സജന പറഞ്ഞു. ഫേസ്ബുക്ക് കുറിപ്പിന്റെ പൂര്ണരൂപം അതീവ ഗൗരവമുള്ള വിഷയങ്ങളില് പ്രതികരിക്കുക എന്നത് ഉത്തരവാദിത്വം തന്നെയാണ്. അതുകൊണ്ടാണ് ഇന്നലെകളിലും ഇന്നും പ്രതികരിക്കുന്നത്. കൊടുംക്രൂരതയ്ക്ക് ഇതല്ലാതെ മറ്റെന്താണ് പറയേണ്ടത്. ഒന്നാണെങ്കില് അത് അബദ്ധം, രണ്ടാണെങ്കില് അത് കുറ്റം. തുടരെ തുടരെ നടത്തുന്നത് മാനസിക വൈകൃതവും അധികാരം, സംരക്ഷണം ഇവ ഉറപ്പുള്ളതിന്റെ അഹങ്കാരം. ചെന്നതുകൊണ്ടല്ലേ…
Read More » -
‘ഒതേനന് ചാടാത്ത മതിലുകളില്ല; പുറത്താക്കിയപ്പോള് തന്നെ രാഹുല് സ്ഥാനം രാജി വയ്ക്കണമായിരുന്നു’; പി.ജെ. കുര്യനെ പോലെയുള്ളവര്ക്കു മറുപടി ഇല്ലെന്നും മുരളീധരന്
തിരുവനന്തപുരം: പുറത്താക്കിയപ്പോള് തന്നെ രാഹുല് മാങ്കൂട്ടത്തില് എംഎല് എ സ്ഥാനം രാജിവയ്ക്കണമായിരുന്നെന്ന് കെ. മുരളീധരന്. പരാതി ഉയര്ന്നപ്പോള്ത്തന്നെ പാര്ട്ടി നടപടിയെടുത്തു. കോണ്ഗ്രസിന് ഇക്കാര്യത്തില് ഇനി ഉത്തരവാദിത്തമില്ല. പുറത്താക്കപ്പെട്ട വ്യക്തി ഏതൊക്കെകേസില് അറസ്റ്റ് ചെയ്യപ്പെടുന്നു എന്ന് ഞങ്ങള്ക്കറിയേണ്ട കാര്യമില്ല. അദ്ദേഹത്തിന് തെറ്റ് സംഭവിച്ചത് കൊണ്ടാണല്ലോ പുറത്താക്കിയതെന്നും കെ.മുരളീധരന് പറഞ്ഞു. ബ്രഹ്മാസ്ത്രം പ്രയോഗിക്കേണ്ട സമയത്ത് ഞങ്ങള് പ്രയോഗിച്ചിട്ടുണ്ട്. ഉചിതമായ തീരുമാനം സര്ക്കാരും പോലീസും എടുക്കട്ടെ. സ്വര്ണം കട്ടവരെയും സ്ത്രീലമ്പടന്മാരെയും നമ്മള് സംരക്ഷിച്ചിട്ടില്ല. ഞങ്ങള് ചെയ്തത് ശരിയാണ് എന്ന് തുടര് സംഭവങ്ങള് തെളിയിക്കുന്നു. സിപിഎം ഇത് തെരഞ്ഞെടുപ്പില് ആയുധമാക്കിയാല് ഞങ്ങള്ക്കായുധമാക്കാന് ഒരുപാട് ഉണ്ട്. അവര് അങ്ങനെയൊന്നു പറഞ്ഞു കിട്ടാന് കാത്തിരിക്കുകയാണ്. വടക്കന് പാട്ടില് പറയുന്നതുപോലെ ഒതേനന് ചാടാത്ത മതിലുകള് ഇല്ലെന്നും രാഹുല് മാങ്കൂട്ടത്തിലിനെ പരിഹസിച്ച് കെ.മുരളീധരന് പറഞ്ഞു. കോണ്ഗ്രസ് തെറ്റുകളെ ന്യായീകരിക്കില്ല. പാര്ട്ടി പ്രവര്ത്തകര്ക്ക് തെറ്റ് പറ്റിയാല് സംരക്ഷിക്കുന്ന സംസ്കാരം കോണ്ഗ്രസിനില്ലെന്നും. രാഹുല് എന്നേ സ്വയം രാജിവെച്ച് പോകേണ്ടതായിരുന്നുവെന്നും മുരളീധരന് പറഞ്ഞു. പിജെ കുര്യനെ പോലെയുള്ളവരുടെ…
Read More » -
കടുത്ത നടപടിക്ക് ഒരുങ്ങി നിയമസഭ; രാഹുലിനെ അയോഗ്യനാക്കുന്നത് പരിഗണിക്കും; സ്ഥാനത്ത് തുടരുന്നത് തെറ്റായ സന്ദേശം; എത്തിക്സ് ആന്ഡ് പ്രിവിലേജ് കമ്മിറ്റി പരിശോധിക്കുമെന്ന് സ്പീക്കര്
തിരുവനന്തപുരം: മൂന്നാം ബലാല്സംഗക്കേസില് അറസ്റ്റിലായതോടെ രാഹുല് മാങ്കൂട്ടത്തില് എംഎല്എക്കെതിരെ കടുത്ത നടപടിക്കൊരുങ്ങി നിയമസഭ. രാഹുലിനെ അയോഗ്യനാക്കുന്നതില് നിയമോപദേശം തേടുമെന്ന് സ്പീക്കര് എ.എന്. ഷംസീര്. തുടര്ച്ചയായി പരാതികള് വരുന്ന സാഹചര്യത്തില് രാഹുല് എംഎല്എ സ്ഥാനത്ത് തുടരുന്നത് തെറ്റായ സന്ദേശം നല്കും. അറസ്റ്റ് എതിക്സ് ആന്ഡ് പ്രിവിലേജ് കമ്മിറ്റി പരിശോധിക്കുമെന്നും സ്പീക്കര് പറഞ്ഞു. തുടര്ച്ചയായി പരാതികള് വരുന്ന സാഹചര്യത്തില് രാഹുല് എംഎല്എ സ്ഥാനത്ത് തുടരുന്നത് തെറ്റായ സന്ദേശം നല്കുമെന്നും സ്പീക്കര് പ്രതികരിച്ചു. മൂന്നാമത്തെ ബലാത്സംഗ കേസില് ഇന്നലെ അര്ദ്ധരാത്രി 12.30നാണ് രാഹുലിനെ പാലക്കാട്ടെ ഹോട്ടലില് നിന്ന് പ്രത്യേക സംഘം കസ്റ്റഡിയിലെടുത്തത്. പിന്നീട് പത്തനംതിട്ട എആര് ക്യാംപില് എത്തിക്കുകയായിരുന്നു. ക്രൂരമായ പീഡനവും ഗര്ഭഛിദ്രവും സാമ്പത്തിക ചൂഷണവും നടത്തിയെന്ന് ചൂണ്ടിക്കാട്ടി ഡി.ജി.പിക്ക് നല്കിയ പരാതിയിലാണ് രാഹുല് മാങ്കൂട്ടത്തിലിന്രെ അറസ്റ്റ്. ബലാല്സംഗം, നിര്ബന്ധിത ഭ്രൂണഹത്യ, ശാരീരിക ഉപദ്രവം, ദേഹത്ത് മുറിവേല്പ്പിക്കല്, വിശ്വാസ വഞ്ചന, ഭീഷണിപ്പെടുത്തല്, സാമ്പത്തിക ചൂഷണം, അസഭ്യം പറയല് എന്നീ വകുപ്പുകള് ചുമത്തി. കേസ് രജിസ്റ്റര് ചെയ്യുന്നതിന്…
Read More » -
വിവാഹം കഴിക്കാമെന്ന വ്യാജേന പീഡനം; ഭീഷണിപ്പെടുത്തി പണം കൈക്കലാക്കി; ചെരിപ്പു വാങ്ങാന് 10,000; ആഡംബര വാച്ച് കൈക്കലാക്കി; ഗര്ഭിണിയെന്ന് അറിഞ്ഞപ്പോള് ഫോണ് ബ്ലോക്ക് ചെയ്തു മുങ്ങി; ഭ്രൂണത്തിന്റെ ഡിഎന്എ ടെസ്റ്റ് നിര്ണായകം
തിരുവനന്തപുരം: രാഹുല് മാങ്കൂട്ടത്തില് എംഎല്എക്കെതിരായ മൂന്നാമത്തെ പീഡന പരാതിയില് ദേഹോപദ്രവം, സാമ്പത്തിക ചൂഷണം, നിര്ബന്ധിത ഗര്ഭച്ഛിദ്രം അടക്കമുള്ള ഗുരുതര ആരോപണങ്ങള്. ആദ്യ കൂടിക്കാഴ്ചയില് തന്നെ രാഹുല് അതിക്രൂരമായി ബലാത്സംഗം ചെയ്തുവെന്നും സാമ്പത്തികമായി ചൂഷണം ചെയ്തെന്നും അതിജീവിത മൊഴിയില് പറയുന്നു. വിവാഹം കഴിക്കാമെന്ന വ്യാജേനയാണ് താനുമായി ബന്ധത്തിലായതെന്നും ഒരു കുഞ്ഞുണ്ടായാല് വിവാഹം വളരെ വേഗത്തില് നടക്കുമെന്ന് പറഞ്ഞ് വിശ്വസിപ്പിച്ചുവെന്നും പരാതിക്കാരി പറയുന്നു. നേരില് കാണാന് ഹോട്ടലിലേക്ക് വിളിച്ചുവരുത്തി. ഹോട്ടലിന്റെ പേര് നിര്ദേശിച്ച് റൂം ബുക്ക് ചെയ്യാന് യുവതിയോട് ആവശ്യപ്പെട്ടു. റൂമില് എത്തിയ രാഹുല് സംസാരിക്കാന് പോലും നില്ക്കാതെ ശാരീരികമായി കടന്നാക്രമിച്ചു. അതിക്രൂരമായ പീഡനമാണ് നേരിട്ടതെന്നും യുവതി മൊഴി നല്കിയിട്ടുണ്ട്. ഭീഷണിപ്പെടുത്തി പലപ്പോഴായി രാഹുല് പണം കൈക്കലാക്കി. ചെരുപ്പ് വാങ്ങാനെന്ന പേരില് പതിനായിരം രൂപ യുവതിയില്നിന്നും വാങ്ങി. യുവതിയുടെ ആഢംബര വാച്ച് കൈവശപ്പെടുത്തി, സൗന്ദര്യവര്ധക വസ്തുക്കള് വാങ്ങിപ്പിക്കുകയും ചെയ്തു. വിവാഹബന്ധത്തില് പ്രശ്നങ്ങള് ഉണ്ടായ സമയത്താണ് യുവതി രാഹുലുമായി സാമൂഹ്യ മാധ്യമത്തിലൂടെ പരിചയപ്പെടുന്നത്. പിന്നീട് പ്രണയം…
Read More » -
‘കൈയിട്ടു വാരിയില്ലെങ്കില് കോണ്ഗ്രസിനു കൈ വിറയ്ക്കും; ഇന്നിനി കല്ലിടാന് സാധ്യതയില്ലല്ലോ’; അടുത്തവര്ഷവും ജനുവരി 10 ഉണ്ടെന്നു പരിഹസിച്ചു റഹീം
വയനാട്: മുണ്ടകൈ ചൂരല്മല ദുരന്തത്തില് കോണ്ഗ്രസ് പ്രഖ്യാപിച്ച വീട് ഉടന് വരുമെന്ന് പ്രതിപക്ഷ നേതാവ് വി ഡി സതീശന് ഉള്പ്പടെ അഭിപ്രായപ്പെട്ടതിനെ ട്രോളി ഇടത് എംപി എഎ റഹിം. കോണ്ഗ്രസ് പ്രഖ്യാപിച്ച കര്ണാടക സര്ക്കാരിന്റെ പണം കൈമാറിയെന്നും, ലീഗിന്റെ വീടിന്റെ പ്രവര്ത്തനം പൂര്ത്തിയാക്കിയെന്നും യുഡിഎഫുമായി ബന്ധപ്പെട്ട 300 വീടുകള് ഉടന് വരുമെന്നുമായിരുന്നു സതീശന്റെ വാക്കുകള്. യൂത്ത് കോണ്ഗ്രസ് പ്രഖ്യാപിച്ച വീടിന്റെ തുടര്നടപടി ഉടന് ഉണ്ടാകുമെന്നും അദ്ദേഹം പറഞ്ഞിരുന്നു. ‘രാത്രിയായ സ്ഥിതിക്ക് ഇന്നിനി കല്ലിടാന് സാധ്യതയില്ലല്ലോ. അടുത്തവര്ഷവും ജനുവരി 10 ഉണ്ടല്ലോ എന്നുമാണ് റഹിമിന്റെ പരിഹാസം. പറഞ്ഞു പറ്റിക്കുന്നവര്, ആരെയും കൊള്ളയടിക്കാന് മടിയില്ലാത്തവര്. കൈയിട്ട് വാരിയില്ലെങ്കില് ‘കൈ വിറയ്ക്കും’കോണ്ഗ്രസിന്’ റഹിം ഫെയ്സ്ബുക്കില് കുറിച്ചു. സതീശന് മാധ്യമങ്ങളോട് പ്രതികരിച്ചത് ഇപ്രകാരമായിരുന്നു; രാഹുല് ഗാന്ധി പ്രഖ്യാപിച്ച കര്ണാടക സര്ക്കാരിന്റെ നൂറു വീടുകളുടെ പണം കൈമാറി. ലീഗ് പ്രഖ്യാപിച്ച 100 വീടുകളുടെ സ്ഥലം ഏറ്റെടുത്ത് നിര്മ്മാണ പ്രവര്ത്തനങ്ങള് തുടങ്ങി. അപ്പോള് തന്നെ 200 വീടുകള് ആയി. ഇനി…
Read More » -
ഒരാഴ്ച നീണ്ട രഹസ്യ നീക്കം; മൂന്നാം പരാതി രാഹുല് പോലും അറിഞ്ഞില്ല; ഹോട്ടലില് തൊട്ടടുത്ത് മുറിയെടുത്ത് പോലീസ്; പിഎ അറിഞ്ഞത് അതിര്ത്തി കടന്നശേഷം; കുടുക്കാന് പാകത്തിലുള്ള തെളിവുകള് യുവതി കൈമാറി
പാലക്കാട്: രാഹുല് മാങ്കൂട്ടത്തില് എംഎല്എയെ പൊലീസ് അറസ്റ്റ് ചെയ്തു. പാലക്കാട് കെ.പി.എം. ഹോട്ടലില് നിന്ന് അര്ധരാത്രി പന്ത്രണ്ടരയോടെയാണ് പൊലീസ് കസ്റ്റഡിയിലെടുത്തത്. അതീവരഹസ്യമായെത്തിയ പൊലീസ് കസ്റ്റഡിയിലെടുത്തതിന് പിന്നാലെ പാലക്കാട് വിട്ടു. മുറിയില് നിന്ന് പുറത്തിറങ്ങാന് രാഹുല് മാങ്കൂട്ടത്തില് ആദ്യം വിസമ്മതിച്ചെങ്കിലും പിന്നെ വഴങ്ങുകയായിരുന്നു. പത്തനംതിട്ട പൊലീസാണ് പാലക്കാടെത്തി രാഹുലിനെ കസ്റ്റഡിയിലെടുത്തത്. ഇമെയില് വഴി ലഭിച്ച പുതിയ പരാതിയിലാണ് കസ്റ്റഡിയെന്നാണ് വിവരം. രണ്ട് ദിവസം മുന്പ് ഇ മെയിലായി ലഭിച്ച പരാതിയില് പുതുതായി രജിസ്റ്റര് ചെയ്ത കേസിലാണ് അറസ്റ്റെന്നാണ് വിവരം. റിസപ്ഷനിലെത്തിയ പൊലീസ് വിവരങ്ങള് ചോദിച്ചറിഞ്ഞ ശേഷം ഹോട്ടല് ജീവനക്കാരുടെ ഫോണുകള് വാങ്ങിയ ശേഷമാണ് മുറിയിലെത്തിയത്. രാഹുല് മാങ്കൂട്ടത്തിലിനെതിരേ വന്ന കഴിഞ്ഞ രണ്ടു കേസുകളിലും പൊലീസിനുണ്ടായ നാണക്കേട് ഇല്ലാതാക്കുകയെന്ന ലക്ഷ്യത്തോടെയാണ് ഇത്തവണ പൊലീസ് സംഘം എംഎല്എയെ പിടികൂടിയത്. അര്ധരാത്രി പന്ത്രണ്ടരയോടെയാണ് രാഹുല് മാങ്കൂട്ടത്തില് എംഎല്എയെ പൊലീസ് സംഘം കസ്റ്റഡിയിലെടുത്തത്. വെറും 15മിനിറ്റ് സംസാരം. പിന്നാലെ ഹോട്ടലും പാലക്കാട് അതിര്ത്തിയും വിട്ട് പൊലീസ് രാഹുലുമായി പത്തനംതിട്ടയിലെത്തി.…
Read More » -
രാഹുല് മാങ്കൂട്ടത്തില് അറസ്റ്റില്; പോലീസ് നീക്കം അതീവ രഹസ്യം; ഇ-മെയില് വഴി മൂന്നാമത്തെ പരാതി; അറസ്റ്റിനു പിന്നാലെ പാലക്കാട് വിട്ടു
പാലക്കാട്: രാഹുല് മാങ്കൂട്ടത്തില് എംഎല്എയെ പൊലീസ് അറസ്റ്റ് ചെയ്തു. പാലക്കാട് കെ.പി.എം. ഹോട്ടലില് നിന്ന് അര്ധരാത്രി പന്ത്രണ്ടരയോടെയാണ് പൊലീസ് കസ്റ്റഡിയിലെടുത്തത്. അതീവരഹസ്യമായെത്തിയ പൊലീസ് കസ്റ്റഡിയിലെടുത്തതിന് പിന്നാലെ പാലക്കാട് വിട്ടു. മുറിയില് നിന്ന് പുറത്തിറങ്ങാന് രാഹുല് മാങ്കൂട്ടത്തില് ആദ്യം വിസമ്മതിച്ചെങ്കിലും പിന്നെ വഴങ്ങുകയായിരുന്നു. പത്തനംതിട്ട പൊലീസാണ് പാലക്കാടെത്തി രാഹുലിനെ കസ്റ്റഡിയിലെടുത്തത്. ഇമെയില് വഴി ലഭിച്ച പുതിയ പരാതിയിലാണ് കസ്റ്റഡിയെന്നാണ് വിവരം. രണ്ട് ദിവസം മുന്പ് ഇ മെയിലായി ലഭിച്ച പരാതിയില് പുതുതായി രജിസ്റ്റര് ചെയ്ത കേസിലാണ് അറസ്റ്റെന്നാണ് വിവരം. റിസപ്ഷനിലെത്തിയ പൊലീസ് വിവരങ്ങള് ചോദിച്ചറിഞ്ഞ ശേഷം ഹോട്ടല് ജീവനക്കാരുടെ ഫോണുകള് വാങ്ങിയ ശേഷമാണ് മുറിയിലെത്തിയത്. പുതിയ പരാതിയോടെ നിലവില് രാഹുലിനെതിരെ മൂന്നു കേസുകള് ആണുള്ളത്. ആദ്യ കേസില് ഹൈക്കോടതി രാഹുലിന്റെ അറസ്റ്റ് തടഞ്ഞിരുന്നു. രണ്ടാം കേസില് വിചാരണക്കോടതി മുന്കൂര് ജാമ്യം അനുവദിച്ചിരുന്നു.
Read More » -
സ്ഥാപനം പൂട്ടിക്കാന് ശ്രമിക്കുന്നെന്ന് ആരോപണം; മുന് നഗരസഭാ അധ്യക്ഷയ്ക്കെതിരേ പരാതി; ലൈസന്സ് ഇല്ലെന്ന് ആരോപിച്ച് നിരന്തരം നോട്ടീസ് അയയ്ക്കുന്നു; പ്രമീള ശശിധരന് എതിരായ പരാതി രാജീവ് ചന്ദ്രശേഖരന്റെ പക്കല്; ഗൂഢാലോചനയെന്ന് ഒരു വിഭാഗം
പാലക്കാട്: തന്റെ സ്ഥാപനം പൂട്ടിക്കാന് ശ്രമിക്കുന്നെന്ന് ആരോപിച്ചു പാലക്കാട് മുന് നഗരസഭ അധ്യക്ഷ പ്രമീള ശശിധരനെതിരെ പാലക്കാട്ടെ വ്യാപാരി, ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനു പരാതി നല്കി. പ്രമീള തന്നോട് വ്യക്തിവൈരാഗ്യം തീര്ക്കുന്നെന്നു കാട്ടിയാണു പരാതി. പിന്നില് രാഷ്ട്രീയ ഗൂഢാലോചനയാണെന്നാണ് ബിജെപിയിലെ ഒരു വിഭാഗത്തിന്റെ വാദം. പാലക്കാട് നഗരത്തില് കെ.എല്. ഇന്റര്നാഷണല് ഡോര്സ് എന്ന സ്ഥാപനം നടത്തുന്ന അരവിന്ദകുമാറാണ് പ്രമീള ശശിധരനെതിരേ ഇമെയില് വഴി പരാതി നല്കിയത്. ലൈസന്സ് ഇല്ലെന്നു ആരോപിച്ച് തന്റെ വ്യാപാരം പൂട്ടിക്കാന് പ്രമീള ശ്രമിക്കുന്നുവെന്നും സ്ഥാപനത്തിന് അനുമതി ഇല്ലെന്ന് കാണിച്ചു നിരന്തരം നോട്ടീസ് അയക്കുന്നുവെന്നും പരാതിയിലുണ്ട്. മുമ്പ് താന് കടമായി കൊടുത്ത പണം തിരിച്ചു ചോദിച്ചതിനാണ് ശത്രുത തീര്ക്കുന്നതെന്നും ബിജെപിക്കാരനായ തന്റെ പ്രശ്നത്തില് ഇടപെടണമെന്നും രാജീവ് ചന്ദ്രശേഖറോട് പരാതിയിലൂടെ ആവശ്യപ്പെടുന്നുണ്ട്. എന്നാല് 2025ല് നല്കിയ പരാതിയാണെന്നും നിയമസഭാ തിരഞ്ഞെടുപ്പ് മുന്നില്കണ്ടാണ് വീണ്ടും നല്കിയതെന്നുമാണ് പ്രമീളയുടെ അടുത്ത വൃത്തങ്ങള് പറയുന്നത്. നിയമസഭാ തിരഞ്ഞെടുപ്പിലെ സ്ഥാനാര്ഥി സാധ്യത പട്ടികയില്…
Read More » -
തന്ത്രിക്കെതിരേ കേസ് നിലനില്ക്കില്ലെന്ന് അഭിഭാഷകന്; തന്ത്രിക്കായി ഒറ്റക്കെട്ടായി സംഘപരിവാര് സംഘടനകള്; ‘നിരീക്ഷകന്’മാര്ക്കും ആവേശം പോയി; യഥാര്ഥ പ്രതികളെ സംരക്ഷിക്കാനെന്നു കെ. സുരേന്ദ്രന്; കരുതലോടെ പ്രതികരിച്ച് ഇടതു നേതാക്കള്
തിരുവനന്തപുരം: ശബരിമല സ്വര്ണക്കൊള്ളയില് ഉത്തരവാദിത്തം ദേവസ്വം ബോര്ഡിനെന്ന് തന്ത്രി കണ്ഠര് രാജീവരുടെ അഭിഭാഷകന്. ആചാരലംഘനം അടക്കം കുറ്റങ്ങള് നിലനില്ക്കില്ല എന്ന് അദ്ദേഹം പറയുന്നു. കുടുക്കിയതെന്ന് കഴിഞ്ഞ ദിവസം തന്ത്രിയും പറഞ്ഞിരുന്നു. ഉടന് പരസ്യ പ്രതികരണത്തിന് ഇല്ലെങ്കിലും തന്ത്രിയെ കുടുക്കിയെന്നാണ് ഹൈന്ദവസംഘടനകളുടേയും നിലപാട്. പിണറായി വിജയന്റെ അപ്രീതിയും സിപിഎം നിലപാടും ഇതിന് തെളിവെന്നും പറയുന്നു. കുടുക്കിയതെന്ന് തന്ത്രി കണ്ഠര് രാജീവരോട് മാധ്യമങ്ങളോട് പറഞ്ഞതിനുള്ള കൂട്ടി ച്ചേര്ക്കലാണ് അഭിഭാഷകന് പറഞ്ഞത്.സ്വര്ണപ്പാളിയില് തീരുമാനം എടുത്തതും ഉത്തരവാദിയും തിരുവിതാംകൂര് ദേവസ്വം ബോര്ഡാണ്. അന്വേഷണം വഴിതിരിച്ചുവിടാനുള്ള ഗൂഢാലോചനയാണ് നടന്നത്. വിഷയം പരിശോധിച്ച് നിലപാടെന്നാണ് പന്തളം കൊട്ടാരം,ശബരിമല കര്മ സമിതി, ഹിന്ദുഐക്യവേദി, തന്ത്രിസമാജം, യോഗക്ഷേമസഭ തുടങ്ങിയ സംഘടനകളുടെ നിലപാട്. പക്ഷേ തന്ത്രിയെ കുടുക്കി എന്നാണ് വിലയിരുത്തല്. 1951ല് ക്ഷേത്രം പുനര്നിര്മിച്ചപ്പോള് പതിനെട്ടാം പടിയും ശ്രീകോവിലും അടക്കം കരിങ്കല്ലായിരുന്നു. ചെമ്പുപാളിയും സ്വര്ണം പൊതിയലുമെല്ലാം പിന്നീട് വന്ന ആഡംബരമാണ്. ഇതില് ആചാരങ്ങളില്ല. ബോര്ഡ് തീരുമാനിച്ച് കൊണ്ടുപോയതില് തന്ത്രിക്ക് ഇടപെടാനാവില്ല. തന്ത്രി കണ്ഠര് രാജീവരെ…
Read More »