politics
-
മിസ് യൂണിവേഴ്സില് പങ്കെടുത്ത മോഡലായ ഭാര്യയെ കൊന്ന് ഗര്ഭപാത്രം പുറത്തെടുത്തു, ശരീര ഭാഗങ്ങള് വെട്ടിനുറുക്കി മിക്സിയിലിട്ട് അരച്ചു; ഒരു വര്ഷം മുമ്പു നടന്ന കൊലപാതകത്തില് ഭര്ത്താവ് അറസ്റ്റില്; കൊലപാതകത്തിന്റെ ചുരുളഴിച്ച് പോലീസിന്റെ വിദഗ്ധ അന്വേഷണം
ന്യൂയോര്ക്ക്: ഭാര്യയെ ക്രൂരമായി കൊലപ്പെടുത്തി മിക്സിയില് ഇട്ട് ശരീരഭാഗങ്ങള് അരച്ചെടുത്ത ഭര്ത്താവ് ഒടുവില് പിടിയില്. മുന് മിസ് സ്വിറ്റ്സര്ലന്ഡ് ഫൈനലിസ്റ്റും മോഡലും ട്രെയിനറുമായ ക്രിസ്റ്റീനയുടെ മരണത്തിലാണ് ഭര്ത്താവ് പിടിയിലായത്. 2024 ഫെബ്രുവരിയിലായിരുന്നു കൊലപാതകം. ഭാര്യ തന്നെ കത്തിയുമായി ആക്രമിക്കാന് വന്നപ്പോള് സ്വരക്ഷയ്ക്കായി പിടിച്ചു തള്ളിയതാണ് മരണകാരണമെന്നായിരുന്നു ഭര്ത്താവ് തോമസിന്റെ വാദം. എന്നാല് ഇത് തെറ്റാണെന്ന് തെളിയിച്ചിരിക്കുകയാണ് അന്വേഷണ സംഘം. ജിഗ്സോ ബ്ലേഡും ചെടി വെട്ടാന് ഉപയോഗിക്കുന്ന കത്രികയുമാണ് കൊലയ്ക്കായി തോമസ് ഉപയോഗിച്ചത്. ക്രിസ്റ്റീനയെ ശ്വാസംമുട്ടിച്ച് കൊന്നശേഷം ജിഗ്സോ ബ്ലേഡ് ഉപയോഗിച്ച് തോമസ് അടിവയറ് കീറിയെന്നും ഗര്ഭപാത്രം പുറത്തെടുത്തുവെന്നും പൊലീസ് പറയുന്നു. പിന്നാലെ ശരീരം വെട്ടിനുറുക്കി കഷണങ്ങളാക്കി. തുടര്ന്ന് ശരീരത്തിലെ മാംസം കുഴമ്പ് പരുവത്തിലാക്കി അരച്ചെടുത്ത് രാസലായനിയിലിട്ടെന്നും കണ്ടെത്തി. മാംസം അരയ്ക്കാന് ഉപയോഗിച്ച മിക്സി പൊലീസ് കണ്ടെത്തി. ത്വക്കിന്റെ അശംങ്ങളും പേശിയിലെ കോശങ്ങളും എല്ലിന്റെ ഭാഗങ്ങളും ഇതില് നിന്ന് വീണ്ടെടുത്തു. യൂട്യൂബ് കണ്ടിരുന്നാണ് തോമസ് ഭാര്യയുടെ ശരീരം ക്രൂരമായി വെട്ടിനുറുക്കിയതെന്ന് കോടതി രേഖകളും…
Read More » -
ഇതെന്ത് യുക്തി? രാഹുല് മാങ്കൂട്ടത്തിലിന് മുന്കൂര് ജാമ്യം അനുവദിച്ച സെഷന്സ് കോടതി വിധിയിലെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് ചര്ച്ചയാകുന്നു; ‘സുപ്രീം കോടതി തീര്പ്പുകല്പ്പിച്ച വിഷയത്തിലും കോടതിക്കു സംശയം; കാലിന് അനുസരിച്ചു ചെരിപ്പ് തുന്നിയതുപോലെ’
തിരുവനന്തപുരം: രാഹുല് മാങ്കൂട്ടത്തിലിന് എതിരായ രണ്ടാം ലൈംഗിക പീഡന പരാതിയില് മുന്കൂര് ജാമ്യം അനുവദിച്ച കോടതി വിധിയുടെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് വന് ചര്ച്ചയാകുന്നു. തിരുവനന്തപുരം സെഷന്സ് ജഡ്ജി എസ്. നസീറയുടെ വിധിയിലെ വിവരങ്ങളാണ് ചര്ച്ചയ്ക്കു വയ്ക്കുന്നത്. പരാതി സമര്പ്പിക്കാനുണ്ടായ കാലതാമസവും മൊഴിയിലെ വൈരുദ്ധ്യവും ആകെ ഒരുവട്ടം നടന്ന ലൈംഗിക ബന്ധം ബലാത്സംഗമാണെന്നു തെളിയിക്കാനുള്ള തെളിവു പ്രോസിക്യൂഷന് ഹാജരാക്കിയില്ലെന്നുമാണ് വിധിയില് ചൂണ്ടിക്കാട്ടുന്നത്. എന്നാല്, ഇതെല്ലാം ഹൈക്കോടതിയുടെയും മറ്റു കോടതികളുടെയും ജഡ്ജ്മെന്റിനു നേരത്തേയും വഴിവച്ചിട്ടുണ്ടെന്നും ഇതു മനസിലാക്കാതെയാണു വിധിയെന്നുമാണ് ചൂണ്ടിക്കാട്ടുന്നത്. അതിജീവിത ഒരുവട്ടം മാത്രമാണ് മൊഴി നല്കിയെന്നതിരിക്കേ, എങ്ങനെ മൊഴികളില് വൈരുധ്യമുണ്ടെന്നു കോടതി കണ്ടെത്തിയെന്ന നിര്ണായക ചോദ്യവും ഇതിലുണ്ട്. ആദ്യം കൊടുത്ത പരാതിയെ മൊഴിയാക്കി വിലയിരുത്തുകയാണുണ്ടായതെന്നും പരാതിക്കാരിക്കു ധൈര്യം നല്കുന്നതിനു പകരം അവിശ്വസിക്കുകയാണുണ്ടായതെന്നും കുറിപ്പില് പറയുന്നു. കോടതി വിധിയുടെ പകര്പ്പടക്കം പങ്കുവച്ചാണു കുറിപ്പ് എഴുതിയിട്ടുള്ളത്. പോസ്റ്റിന്റെ പൂര്ണരൂപം രണ്ടാം ബലാല്സംഗ കേസില് രാഹുല് മാങ്കൂട്ടത്തിലിന് മുന്കൂര് ജാമ്യം നല്കാന്…
Read More » -
‘തൊലിക്കട്ടി അപാരം’; ഒളിവില്നിന്ന് വോട്ടു ചെയ്യാനെത്തിയ രാഹുല് മാങ്കൂട്ടത്തിലിനെ ട്രോളി കാണ്ടാമൃഗത്തിന്റെ ചിത്രം പോസ്റ്റ് ചെയ്ത് കോണ്ഗ്രസ് നേതാവ് അജയ് തറയില്; തെറിവിളികളുമായി രാഹുല് അണികള്
12 ലൈംഗിക പീഡനക്കേസില് 15 ദിവസത്തെ ഒളിവു ജീവിതത്തിനുശേഷം പാലക്കാട് വോട്ട് ചെയ്യാനെത്തിയ രാഹുല് മാങ്കൂട്ടത്തിലിനെ പരിഹസിച്ച് കോണ്ഗ്രസ് നേതാവ് അജയ് തറയില്. തൊലിക്കട്ടി അപാരമെന്ന തലക്കെട്ടുമായി കാണ്ടാമൃഗത്തിന്റെ ചിത്രമാണു പോസ്റ്റ് ചെയ്തത്. യൂത്ത് കോണ്ഗ്രസ് നേതാക്കള്ക്കൊപ്പം വൈകീട്ടാണ് രാഹുല് വോട്ടു ചെയ്യാനെത്തിയത്. വോട്ടു ചെയ്തു തൊട്ടു പിന്നാലെ ചായയും കുടിച്ചു മടങ്ങി. മാധ്യമങ്ങളുടെ ചോദ്യങ്ങള്ക്കും മറുപടി നല്കിയിരുന്നില്ല. ഇതിനു പിന്നാലെ സോഷ്യല് മീഡിയയില് വലിയ പരിഹാസമാണ് പല ഹാന്ഡിലുകളും ഉയര്ത്തിയത്. ഇതോടെയാണ് കോണ്ഗ്രസ് നേതാവ് അജയ് തറയിലും രംഗത്തുവന്നത്. പോസ്റ്റിന്റെ താഴെ കോണ്ഗ്രസ് അണികള് വെല്ലുവിളികളും തെറിവിളികളുമായും രംഗത്തുവന്നു. ചിലതിനു ചുട്ട മറുപടിയും അജയ് തറയില് നല്കിയിട്ടുണ്ട്. ‘നിന്റെ പേരില്തന്നെയുണ്ട് നീ ആരാണെന്ന്’ ആണ് ഒരു കമന്റ്. അജയ് തറയിലെ ‘തറയില്’ എന്ന ഭാഗം ഉയര്ത്തിക്കാട്ടിയാണ് കമന്റ് വന്നതെന്നു വ്യക്തം. ‘സാറിന്റെ തൊലിക്കട്ടി ഞങ്ങള് വര്ഷങ്ങളായി കണ്ടുകൊണ്ടിരിക്കുകയല്ലേ, ഒരു പഞ്ചായത്ത് തെരഞ്ഞെടുപ്പിലെങ്കിലും ജയിക്ക്’ എന്നാണു മറ്റൊന്ന്. എന്നാല്, പഴയതുപോലെ സൈബര്…
Read More » -
ലോക്സഭയില് മത്സരിച്ചപ്പോള് തൃശൂരില് വോട്ടു ചെയ്തു, തദ്ദേശ തെരഞ്ഞെടുപ്പില് തിരുവനന്തപുരത്തും ; സുരേഷ്ഗോപി വോട്ടുചെയ്തതില് നിയമപരമയ പ്രശ്നമില്ലെന്ന് തെരഞ്ഞെടുപ്പ് കമ്മീഷന്
തിരുവനന്തപുരം: തദ്ദേശ തെരഞ്ഞെടുപ്പില് തിരുവനന്തപുരത്ത് സുരേഷ്ഗോപി വോട്ടു ചെയ്ത തില് തെറ്റില്ലെന്ന്് തെരഞ്ഞെടുപ്പ് കമ്മീഷന്. പരാതി ലഭിച്ചാല് അന്വേഷിക്കുമെന്നും പറ ഞ്ഞു. ലോക്സഭാ തെരഞ്ഞെടുപ്പില് സുരേഷ്ഗോപി തൃശൂരും തദ്ദേശ തെരഞ്ഞെടുപ്പില് തിരുവ നന്തപുരത്തും വോട്ടു ചെയ്തതിനെതിരേ സിപിഐ യും കോണ്ഗ്രസും രംഗത്ത് വന്നിരുന്നു. പിന്നാലെയാണ് തെരഞ്ഞെടുപ്പ് കമ്മീഷന്റെ മറുപടി. ഇന്നലെ രൂക്ഷ വിമര്ശനവുമായി സിപിഐ നേതാവ് സുനില്കുമാര് രംഗത്ത് വന്നിരുന്നു. ലോക്സഭാ തെരഞ്ഞെടുപ്പില് സ്ഥാനാര്ത്ഥി കൂടിയായിരുന്ന സുരേഷ്ഗോപി തൃശൂര് നെട്ടിശ്ശേരിയിലെ വിലാസത്തിലാ യിരുന്നു വോട്ടു ചെയ്തത്. എന്നാല് ആദ്യ ഘട്ടം വോട്ടെടുപ്പ് നടന്ന തിരുവനന്തപുരത്തെ തദ്ദേശ തെരഞ്ഞെടുപ്പ് വന്നപ്പോള് സുരേഷ്ഗോപി താന് താമസിക്കുന്ന തിരുവനന്തപുരത്ത് ശാസ്തമം ഗലത്തായിരുന്നു വോട്ടു ചെയ്തത്. ഇത് പ്രതിപക്ഷ പാര്ട്ടികള് വിഷയമാക്കി മാറ്റിയപ്പോള് രണ്ടും വ്യത്യസ്ത വോട്ടര് പട്ടികയാണെന്നും നിയമപരമായി പ്രശ്നമില്ലെന്നും പരാതി നല്കിയാ ല് അന്വേഷിക്കാമെന്നുമായിരുന്നു തെരഞ്ഞെടുപ്പ് കമ്മീഷന് നല്കിയിരിക്കുന്ന മറുപടി. നെട്ടിശേരിയില് സ്ഥിരതാമസക്കാരെന്ന് പറഞ്ഞാണ് തൃശൂരില് വോട്ട് ചെയ്തത്. ഇപ്പോള് വോ ട്ടുചെയ്തത് തിരുവനന്തപുരത്തെ…
Read More » -
മലപ്പുറത്ത് ഇരട്ടവോട്ട് ചെയ്ത യുവതിക്കെതിരേ കേസ് എടുത്തു ; വടക്കാഞ്ചേരിയില് കള്ളവോട്ടിടാനെത്തിയ യുവാവിന്റെ വിരലിലെ മഴിയടയാളം കുടുക്കി ; പ്രിസൈഡിംഗ് ഓഫീസര് കരുതല് തടങ്കലില് വെച്ചു
മലപ്പുറം : തദ്ദേശ തെരഞ്ഞെടുപ്പില് ഇരട്ട വോട്ട് ചെയ്യാന് ശ്രമിച്ചവര്ക്കെതിരേ കേസ്. മലപ്പുറത്തും തൃശൂര് വടക്കാഞ്ചേരിയിലുമാണ് രണ്ടു കേസുകള് റിപ്പോര്ട്ട് ചെയ്തിരിക്കുന്നത്. മലപ്പുറത്ത് ഇരട്ടവോട്ട് ചെയ്ത യുവതിക്കെതിരേ പോലീസ് കേസെടുത്തപ്പോള് വടക്കാഞ്ചേരിയില് കള്ളവോട്ട് ചെയ്യാനെത്തി പിടികൂടപ്പെട്ട യുവാവിനെ കരുതല് തടങ്കലില് വെയ്ക്കുകയും ചെയ്തു. വടക്കാഞ്ചേരി നഗരസഭയില് കള്ളവോട്ട് ചെയ്യാനെത്തിയ മങ്കര തരു പീടികയില് അന്വറാണ്(42) പിടിയിലായത്. മങ്കര സ്വദേശിയായ ഇയാളുടെ പേര് കുളപ്പുള്ളിയിലെ വോട്ടര്പട്ടികയിലും ഉണ്ടായിരുന്നു. കുളപ്പുള്ളിയില് വോട്ട് ചെയ്ത ശേഷം വീണ്ടും വോട്ട് ചെയ്യാനായി ശ്രമിച്ചതോടെയാണ് കുടുങ്ങിയത്. ഉദ്യോഗസ്ഥര് കയ്യിലെ മഷിയടയാളം കണ്ടുപിടികൂടുകയായിരുന്നു. തുടര്ന്ന് പ്രിസൈഡിങ് ഓഫീസറുടെ പരാതി പ്രകാരം പൊലീസ് ഇയാളെ കരുതല് തടങ്കലില് വെച്ചിരിക്കുകയാണ്. മലപ്പുറത്ത് വലിയപറമ്പ് സ്വദേശിയായ യുവതിയാണ് ഇരട്ടവോട്ടിടാന് ശ്രമിച്ച് പിടിയിലായത്. റിന്റു അജയ് എന്ന യുവതി കോഴിക്കോട് കൊടിയത്തൂര് കഴുത്തുട്ടിപുറായിലെ വാര്ഡ് 17ല് വോട്ട് ചെയ്തതിന് പിന്നാലെ ഉച്ചക്കഴിഞ്ഞ് മലപ്പുറം പുളിക്കല് ഗ്രാമപഞ്ചായത്തിലെ പത്താം വാര്ഡില് വലിയപറമ്പ് ചാലില് ജിഎല്പി സ്കൂളിലും വോട്ട്…
Read More » -
ആദ്യത്തെ കേസില് അറസ്റ്റ് ഒഴിവായി രണ്ടാമത്തെ കേസില് മുന്കൂര് ജാമ്യവും ; എംഎല്എ ഓഫീസും തുറന്നു, അവിടെയെത്തി രാഹുല് മാങ്കുട്ടത്തില് ; ഒളിവില് നിന്നും പുറത്തുവന്നു വോട്ടു ചെയ്തു, ഇനി മണ്ഡലത്തില് സജീവമാകും
പാലക്കാട് : ആദ്യത്തെ കേസില് അറസ്റ്റ് ഒഴിവാക്കുകയും രണ്ടാമത്തെ കേസില് മുന്കൂര്ജാമ്യവും കിട്ടിയ സാഹചര്യത്തില് പാലക്കാട് തന്റെ മണ്ഡലത്തില് സജീവമാകാന് രാഹുല് മാങ്കൂട്ടത്തില് എംഎല്എ. 15 ദിവസത്തെ ഒളിവുജീവിതത്തിന് ശേഷമാണ് രാഹുല് മാങ്കൂട്ടത്തില് സ്വന്തം മണ്ഡലത്തില് വോട്ടു ചെയ്യാനെത്തിയിരുന്നു. എന്നിരുന്നാലും രാഹുലിനെതിരേ സംഘടന നടപടിയെടുത്തിരിക്കുകയും 15 ാം തീയതി ഹൈക്കോടതി മൂന്കൂര്ജാമ്യാപേക്ഷ പരിഗണിക്കാനിരിക്കുകയുമാണ്. രണ്ടാഴ്ച ഒളിവില് കഴിഞ്ഞശേഷം ഇന്ന് വോട്ട് രേഖപ്പെടുത്താന് പാലക്കാട്ട് എത്തിയ രാഹുല് മാങ്കൂട്ടത്തില് എംഎല്എ ഓഫീസിലെത്തി. കുന്നത്തൂര്മൂട് ബൂത്തിലെത്തി വോട്ട് ചെയ്തതിന് ശേഷമാണ് ഓഫീസിലെത്തിയത്. കര്ശനമായ ഉപാധികളോടെയാണ് രാഹുലിന് തിരുവനന്തപുരം പ്രിന്സിപ്പല് സെഷന്സ് കോടതി മൂന്കൂര്ജാമ്യം അനുവദിച്ചത്. തിങ്കളാഴ്ച അന്വേഷണസംഘത്തിന് മുന്നില് ഹാജരാകുക അന്വേഷണത്തില് ഇടപെടാതിരിക്കുക തുടങ്ങിയ കാര്യങ്ങളിലാണ് ഉപാധി. ഇതനുസരിച്ച് രാഹുലിന് ഇനിയും ഒളിവില് പോകാനും കഴിയാത്ത സ്ഥിതിയുണ്ട്. ഹൈക്കോടതി ആദ്യകേസില് മുന്കൂര്ജാമ്യാപേക്ഷ തള്ളിയാല് രാഹുല് ജയിലില് പോകേണ്ടിവരും. രണ്ടാമത്തെ കേസില് മുന്കൂര്ജാമ്യം റദ്ദാക്കണമെന്ന് ആവശ്യപ്പെട്ട് സര്ക്കാര് ഹൈക്കോടതിയെ സമീപിക്കുകയും ചെയ്തിട്ടുണ്ട്. പറയാനുള്ളത് കോടതിയില് പറയുമെന്നും…
Read More » -
രണ്ടാഴ്ച ഒളിവില് കഴിഞ്ഞ രാഹുല് മാങ്കൂട്ടത്തില് ഒടവില് പുറത്തേക്ക്; പാലക്കാട്ട് വോട്ട് ചെയ്യാനെത്തി ; സത്യം ജയിക്കുമെന്നും പറയാനുള്ളത് കോടതിയില് പറയുമെന്നും പറഞ്ഞപ്പോള് കൂക്കുവിളിയും പ്രതിഷേധവും
പാലക്കാട് : ലൈംഗികാപവാദക്കേസില് ഒളിവില് പോയ രാഹുല് മാങ്കൂട്ടത്തില് രണ്ടാഴ്ചയ്ക്ക് ശേഷം പുറത്തേക്ക്. തദ്ദേശ തെരഞ്ഞെടുപ്പില് തന്റെ സമ്മതിദാനം വിനിയോഗിക്കാന് രാഹുല്മാങ്കൂട്ടത്തില് കുന്നത്തൂര് നാട്ടിലെത്തി. 15 ദിവസത്തിന് ശേഷമാണ് രാഹുല് ഒളിവില് നിന്ന് പുറത്തെത്തുന്നത്. രണ്ട് കേസിലും അറസ്റ്റ് തടഞ്ഞതോടെയാണ് ഒളിവില് കഴിഞ്ഞിരുന്ന എല്എല്എ പുറത്തുവന്നത്. രണ്ടാമത്തെ പീഡനകേസില് രാഹുല് മാങ്കൂട്ടത്തിലിന് മുന്കൂര് ജാമ്യം നല്കിയതിനെതിരെ സര്ക്കാര് ഹൈകോടതിയില് അപ്പീല് നല്കിയതി പിന്നാലെയാണ് നാടകയീമായി രാഹുലിന്റെ പ്രത്യക്ഷപ്പെടല്. പറയാനുള്ളത് കോടതിയില് പറയുമെന്നും കോടതി തീരുമാനിക്കട്ടെയെന്നും രാഹുല് പ്രതികരിച്ചു. സത്യം ജയിക്കുമെന്നും കൂട്ടിച്ചേര്ത്തു. പ്രദേശത്ത് രാഹുല് മാങ്കൂട്ടത്തിലിനെതിരെ കൂക്കുവിളിയും പ്രതിഷേധവുമുണ്ടായി. പാലക്കാട് കുന്നത്തൂര്മേടിലാണ് രാഹുല് മാങ്കൂട്ടത്തില് വോട്ട് ചെയ്യാനെത്തിയത്. രണ്ടാമത്തെ ലൈംഗികപീഡനക്കേസില് തിരുവനന്തപുരം പ്രിന്സിപ്പല് സെഷന്സ് കോടതിയായിരുന്നു മുന്കൂര് ജാമ്യം അനുവദിച്ചത്. ഇതിനെതിരേ സര്ക്കാര് ഹൈക്കോടതിയില് അപ്പീല് സമര്പ്പിച്ചിരിക്കുകയാണ്. രാഹുല് സ്ഥിരംകുറ്റവാളിയെന്നും സമാനകുറ്റങ്ങള് ആവര്ത്തിക്കാന് സാധ്യതയുണ്ടെന്നും സമര്പ്പിച്ച തെളിവുകള് കീഴ്ക്കോടതി പരിഗണിച്ചില്ലെന്നുമാണ് ഹര്ജിയില് സര്ക്കാര് പറഞ്ഞത്. ആദ്യ കേസില് അറസ്റ്റ് തടഞ്ഞ ഹൈകോടതി…
Read More » -
വെല്ഫെയര് പാര്ട്ടി പ്രവര്ത്തകര് ബൂത്തില് കയറി വോട്ടര്മാരെ സ്വാധീനിക്കാന് ശ്രമിച്ചു; പട്ടാമ്പിയില് മുസ്ലിംലീഗ്- വെല്ഫെയര് പാര്ട്ടി സംഘര്ഷം ; പോലീസ് ഇടപെടല് വേണ്ടി വന്നു
പട്ടാമ്പി: തെരഞ്ഞെടുപ്പിനിടയില് ബൂത്തില്കയറി വോട്ടുപിടിച്ചെന്ന് ആരോപിച്ച് പാലക്കാട് മുസ്ളീം ലീഗ് പ്രവര്ത്തകരും വെല്ഫെയര് പാര്ട്ടി പ്രവര്ത്തകരും തമ്മില് തര്ക്കവും കലഹവും. വെല്ഫെയര് പാര്ട്ടി പ്രവര്ത്തക ബൂത്തില് കയറി വോട്ടര്മാരെ സ്വാധീനിക്കാന് ശ്രമിച്ചെന്നാരോപിച്ചായിരുന്നു തര്ക്കം. സംഭവത്തില് സംഘര്ഷം ശാന്തമാക്കാന് പോലീസ് ഇടപെടല് വേണ്ടി വന്നു. പട്ടാമ്പി നഗരസഭയിലെ പന്ത്രണ്ടാം വാര്ഡിലെ കൂള് സിറ്റി ബൂത്തിന് മുന്നിലായിരുന്നു തര്ക്കം. വാര്ഡില് മുസ്ലിംലീഗിന്റെ ടി പി ഉസ്മാന്, വെല്ഫെയര് പാര്ട്ടിയുടെ സ്വതന്ത്രനായി കെ പി സാജിദ്, അബ്ദുല് കരീം എന്നിവര് സ്വതന്ത്രനായും മത്സരിക്കുന്നുണ്ട്. സിപിഐഎം പിന്തുണയോടെയാണ് വെല്ഫെയര് പാര്ട്ടി സ്വതന്ത്രന് മത്സരിക്കുന്നതെന്ന് കോണ്ഗ്രസ് ആരോപിച്ചു. അബ്ദുല്കരീം തങ്ങളുടെ സ്വതന്ത്രനാണെന്നും വാര്ഡില് വോട്ട് കുറവായതിനാലാണ് പ്രചാരണത്തിനിറങ്ങാതിരുന്നതെന്നും സിപിഐഎം നേതൃത്വം അറിയിച്ചു. തര്ക്കം പിന്നീട് വാഗ്വാദമായി മാറുകയും ഒടുവില് പോലീസിന്റെ ഇടപെടല് വേണ്ടി വരികയും ചെയതു.
Read More » -
പിന്തുണയ്ക്കുന്നവരില് അധികവും സ്ത്രീകള് ; തെരഞ്ഞെടുപ്പ് കാലത്ത് ഇത്തരം കാര്യങ്ങള് ഉയര്ന്നുവരുന്നതിന്റെ ഉദ്ദേശം സ്ത്രീകള്ക്കടക്കം ബോധ്യമുണ്ട് ; രാഹുലിനെ ന്യായീകരിച്ച് അബ്ദുള് വഹാബ് എംപി
മലപ്പുറം: രാഹുലിനെ പിന്തുണയ്ക്കുന്നവരില് അധികവും സ്ത്രീകളാണെന്നും തെരഞ്ഞെ ടുപ്പ് കാലത്ത് ഇത്തരം കാര്യങ്ങള് ഉയര്ന്നുവരുന്നതിന്റെ ഉദ്ദേശം സ്ത്രീകള്ക്ക ടക്കം ബോധ്യമുണ്ടെന്നും പി വി അബ്ദുല് വഹാബ് എം പി. രാഹുല് മാങ്കൂട്ടത്തിലിനെ വളഞ്ഞിട്ട് ആക്രമിക്കുന്നത് സര്ക്കാരിനായിരിക്കും തിരിച്ചടിയാകു കയെന്ന് അബ്ദുല് വഹാബ് പറഞ്ഞു. ഇവിടെ ഇര ഒരാളല്ലല്ലോ?. ആകാശത്തുനിന്നാണ് വരുന്ന പരാതികളെ സര്ക്കാര് പിന്തുണയ്ക്കുകയാണെന്നും പറഞ്ഞു. രാഹുല് വിഷയത്തില് മുഖ്യമന്ത്രി ഇന്ന് രൂക്ഷമായി പ്രതികരണം നടത്തി. രാഹുലിനെതി രായ രണ്ടാമത്തെ പരാതി കെപിസിസിയല്ലേ പൊലീസിന് കൈമാറിയതെന്ന് മുഖ്യമന്ത്രി പരിഹാസ രൂപേണ ചോദിച്ചു. വിഷയത്തില് കോണ്ഗ്രസിലെ ‘സ്ത്രീലമ്പടന്മാര്’ എന്നാണ് കാട്ടിക്കൂട്ടുന്നതെന്നും മുഖ്യമന്ത്രി ചോദിച്ചു. ഇരയായവര് പ്രകടിപ്പിച്ച ആശങ്കകള് നോക്കി യാല് മനസിലാകും. എന്തുകൊണ്ടാണ് അവര് പരാതിയുമായി മുന്നോട്ടുവരാത്തത്? അക്കാ ര്യം ഗൗരവമായി പരിശോധിക്കണം. നിങ്ങളെ കൊന്ന് തള്ളും എന്നാണ് ഭീഷണി. നിസഹായവരായവര് പുറത്തുപറയാന് ഭയപ്പെടുകയാണ്. ജീവന് അപകടത്തിലാകുമെന്ന് അവര് ഭയപ്പെടുകയാണ്. വന്നതിനേക്കാള് അപ്പുറമുള്ള കാര്യങ്ങളും ചിലപ്പോള് പുറത്തുവന്നേക്കാമെന്ന് മുഖ്യമന്ത്രി പറഞ്ഞു. യഥാര്ത്ഥ ലൈംഗിക…
Read More » -
‘രാഹുല് മാങ്കൂട്ടത്തിലിന്റെ ജാമ്യം റദ്ദാക്കണം’; പ്രതി സമാനകുറ്റകൃത്യങ്ങളില് ഏര്പ്പെടുന്നു, കേസിലെ വസ്തുതകള് പരിശോധിച്ചില്ലെന്നും പ്രോസിക്യൂഷന്വാദം ; ബലാത്സംഗക്കേസില് ഹൈക്കോടതിയില് അപ്പീല് നല്കി സര്ക്കാര്
കൊച്ചി: ബലാത്സംഗക്കേസില് രാഹുല് മാങ്കൂട്ടത്തില് എംഎല്എയുടെ മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് സര്ക്കാര് ഹൈക്കോടതിയില്. തിരുവനന്തപുരം അഡീഷണല് പ്രിന്സിപ്പല് സെഷന്സ് കോടതി വിധിക്കെതിരെയാണ് സര്ക്കാരിന്റെ അപ്പീല്. വസ്തുതകള് പരിഗണിക്കാതെയാണ് കോടതിയുടെ ഉത്തരവെന്ന് ഹര്ജിയില് പ്രോസിക്യൂഷന് ഉന്നയിച്ചു. പ്രതി സമാനകുറ്റകൃത്യങ്ങളില് ഏര്പ്പെടുന്ന സാഹചര്യത്തില് മുന്കൂര് ജാമ്യം റദ്ദാക്കണം, രാഹുലിനെ കസ്റ്റഡിയിലെടുത്ത് ചോദ്യം ചെയ്യേണ്ടതുണ്ടെന്നും അപ്പീലില് പറയുന്നു. രാഹുല് മാങ്കൂട്ടത്തിലിനെതിരായ ആദ്യ പരാതിയിലെ മൂന്കൂര്ജാമ്യാപേക്ഷ ഹൈക്കോടതിയുടെ പരിഗണനയിലാണ്. ബലാത്സംഗ പരാതിയില് സംശയമുണ്ടെന്നും ചൂണ്ടിക്കാട്ടിയിരുന്നു സെഷന്സ് കോടതി നേരത്തേ രാഹുല് മാങ്കൂട്ടത്തിലിന് മുന്കൂര് ജാമ്യം അനുവദിച്ചത്. കര്ശനമായ ഉപാധികളോടെയാണ് ജാമ്യം അനുവദിച്ചത്. എല്ലാ തിങ്കളാഴ്ചയും അന്വേഷണ ഉദ്യോഗസ്ഥര്ക്ക് മുന്നില് ഹാജരാകണമെന്നായിരുന്നു നിര്ദേശം. പരാതി നല്കിയതിലെ കാലതാമസം ചൂണ്ടിക്കാട്ടിയ സെഷന്സ് കോടതി രാഹുല് മാങ്കൂട്ടത്തിലിനെ കുറ്റകൃത്യവുമായി ബന്ധിപ്പിക്കാന് പ്രഥമദൃഷ്ട്യാ കഴിഞ്ഞിട്ടില്ലെന്നും ചൂണ്ടിക്കാട്ടി. പരാതിയിലും മൊഴിയിലും വൈരുദ്ധ്യമുണ്ട്. രാഹുലിന് എതിരായ ആരോപണം ഗൗരവതരമാണ്. പൊലീസിന് പരാതി നല്കാതെ കെപിസിസി പ്രസിഡന്റിന് പരാതി നല്കിയതിലും കോടതി സംശയം ഉന്നയിച്ചു.
Read More »