Kerala
-
ആന്റണി രാജുവിന് തിരിച്ചടി; തൊണ്ടിമുതല്‍ കേസില്‍ വിചാരണ നേരിടണമെന്ന് സുപ്രീം കോടതി
ന്യൂഡല്‍ഹി: തൊണ്ടിമുതല്‍ കേസില്‍ മുന്‍ മന്ത്രി ആന്റണി രാജുവിന് തിരിച്ചടി. ആന്റണി രാജു പുനരന്വേഷണം നേരിടണമെന്നും ഒരു വര്‍ഷത്തിനകത്ത് വിചാരണ നടത്തണമെന്നും സുപ്രീം കോടതി ഉത്തരവിട്ടു. ഹൈക്കോടതി ഉത്തരവില്‍ പിഴവില്ലെന്നും കോടതി ചൂണ്ടിക്കാട്ടി. അന്വേഷണത്തിനെതിരെ ആന്റണി രാജു സമര്‍പ്പിച്ച ഹര്‍ജി തള്ളിയാണ് ജസ്റ്റിസ് സി.ടി.രവികുമാര്‍ അധ്യക്ഷനായ ബെഞ്ചിന്റെ വിധി. തൊണ്ടിമുതലില്‍ കൃത്രിമം കാണിച്ചെന്ന കേസ് ഗുരുതരം ആണെന്ന് സംസ്ഥാന സര്‍ക്കാര്‍ സുപ്രീം കോടതിയില്‍ സത്യവാങ്മൂലം സമര്‍പ്പിച്ചിരുന്നു. ലഹരിമരുന്ന് കേസിലെ തൊണ്ടിമുതലായ അടിവസ്ത്രത്തില്‍ അന്ന് ജൂനിയര്‍ അഭിഭാഷകനായ ആന്റണി രാജു കൃത്രിമം നടത്തിയെന്നായിരുന്നു കേസ്. ഈ കേസില്‍ രണ്ടാം പ്രതിയായ ആന്റണി രാജു കുറ്റം ചെയ്തിട്ടുണ്ടെന്നാണ് സര്‍ക്കാര്‍ സുപ്രീംകോടതിയില്‍ സത്യവാങ്മൂലം നല്‍കിയത്. കേസില്‍ പുനരന്വേഷണത്തിനുള്ള ഹൈക്കോടതി ഉത്തരവിനെ ചോദ്യം ചെയ്താണ് ആന്റണി രാജു ഹര്‍ജി സമര്‍പ്പിച്ചത്. കേസില്‍ വാദം കേള്‍ക്കുന്നിതിനിടെ സത്യം കണ്ടെത്താന്‍ ഏതറ്റംവരെയും പോകുമെന്ന് കോടതി വ്യക്തമാക്കിയിരുന്നു. ആവശ്യമെങ്കില്‍ കേസിന്റെ അന്വേഷണം സിബിഐക്ക് കൈമാറാനും തങ്ങള്‍ക്ക് അധികാരമുണ്ടെന്ന് സുപ്രീം കോടതി പറഞ്ഞിട്ടുണ്ട്.
Read More » -
അര്‍ജന്റീനാ ടീം കേരളത്തില്‍ വരും, മെസിക്കൊപ്പം; രണ്ട് സൗഹൃദമത്സരങ്ങള്‍, അനുമതിയായതായി മന്ത്രി
കോഴിക്കോട്: അര്‍ജന്റീന ദേശീയ ഫുട്ബോള്‍ ടീം കേരളത്തില്‍ പന്തുതട്ടാനെത്തുമെന്ന് അറിയിച്ച് കായിക വകുപ്പ് മന്ത്രി വി. അബ്ദുറഹ്‌മാന്‍. ഇതിഹാസ താരം ലയണല്‍ മെസ്സി ഉള്‍പ്പെടെയുള്ള ടീമായിരിക്കും വരികയെന്നും അദ്ദേഹം അറിയിച്ചു. 2025-ലായിരിക്കും മത്സരം. കേരളം സന്ദര്‍ശിക്കുന്നതിന് അര്‍ജന്റീന ഫുട്ബോള്‍ അസോസിയേഷന്റെ അനുമതി ലഭിച്ചതായും മന്ത്രി പറഞ്ഞു. വലിയ സാമ്പത്തിക ബാധ്യത വരുന്നതിനാല്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്സ് അസോസിയേഷനും സംസ്ഥാന വ്യാപാരി വ്യവസായി സമിതിയുമായി ചര്‍ച്ച നടത്തി ഇവര്‍ ഒന്നിച്ച് ഈ മത്സരം കേരളത്തില്‍ സംഘടിപ്പിക്കാന്‍ സന്നദ്ധത അറിയിച്ചിട്ടുണ്ട്. സര്‍ക്കാരിന്റെ പൂര്‍ണ നിയന്ത്രണത്തിലായിരിക്കും മത്സരമെന്നും അദ്ദേഹം പറഞ്ഞു. ഒന്നരമാസത്തിനകം അര്‍ജന്റീനാ ടീം അധികൃതര്‍ കേരളത്തിലെത്തും. തുടര്‍ന്ന് ഔദ്യോഗികമായി സര്‍ക്കാരും അര്‍ജന്റീന ദേശീയ ടീമും സംയുക്തമായി ഒരു പ്രഖ്യാപനം നടത്താനാണ് തീരുമാനിച്ചത്. അര്‍ജന്റീന ടീം ആണ് തീയതി ഔദ്യോ?ഗികമായി തീയതി പ്രഖ്യാപിക്കേണ്ടത്. കേരളത്തില്‍ എവിടെയെന്ന് അവര്‍ പരിശോധിക്കട്ടെ. 50,000 കാണികളെ ഉള്‍ക്കൊള്ളാനാകുന്ന സ്ഥലത്ത് വേണം മത്സരം നടത്താന്‍. രണ്ട് മത്സരങ്ങള്‍ ഉണ്ടാകുമെന്നും…
Read More » -
തിരുനെല്ലിയില്‍ ശബരിമല തീര്‍ഥാടകര്‍ സഞ്ചരിച്ച ബസ് മറിഞ്ഞു; നിരവധി പേര്‍ക്ക് പരിക്ക്
വയനാട്: തിരുനെല്ലിയില്‍ ശബരിമല തീര്‍ഥാടകര്‍ സഞ്ചരിച്ച ബസ് മറിഞ്ഞു. തിരുനെല്ലി തെറ്റ് റോഡില്‍ ഇന്ന് പുലര്‍ച്ചെ ആറ് മണിയോടെയായിരുന്നു അപകടമുണ്ടായത്. അപകടത്തില്‍ നിരവധി പേര്‍ക്ക് പരിക്കേറ്റു. ആരുടേയും നില ഗുരുതരമല്ലെന്നാണ് വിവരം. ശബരിമല ദര്‍ശനം കഴിഞ്ഞ് തിരികെ പോകുകയായിരുന്ന കര്‍ണാടക സ്വദേശികള്‍ സഞ്ചരിച്ച ബസാണ് അപകടത്തില്‍പ്പെട്ടത്. ആരുടെയും പരിക്ക് ഗുരുതരമല്ല. നിയന്ത്രണം വിട്ട ബസ് റോഡിന് കുറുകെ മറിയുകയായിരുന്നു. ബസില്‍ അമ്പതിലധികം പേരുണ്ടായിരുന്നു. പരിക്കേറ്റവരെ വിവിധ വാഹനങ്ങളിലായി മാനന്തവാടി മെഡിക്കല്‍ കോളജിലേക്ക് മാറ്റി. 18 പേരാണ് ആശുപത്രിയില്‍ ചികിത്സയിലുള്ളത്. അപകടം നടന്നയുടനെ മറ്റു വാഹനങ്ങളില്‍ പോകുന്നവരും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തുകയായിരുന്നു. പൊലീസും ഫയര്‍ഫോഴ്‌സും ഉള്‍പ്പെടെ സ്ഥലത്തെത്തി.
Read More » -
ബാരക്കില്‍ നിറയെ എലി; ശബരിമല ഡ്യൂട്ടിക്ക് എത്തിയ ഏഴ് പോലീസുകാര്‍ക്ക് കടിയേറ്റു
പത്തനംതിട്ട: ശബരിമല ഡ്യൂട്ടിക്ക് എത്തിയ പോലീസുകാര്‍ താമസിക്കുന്ന ബാരക്കില്‍ എലിശല്യം. ഇവിടെ ഉറങ്ങുകയായിരുന്ന ഏഴ് പോലീസുകാരെ കഴിഞ്ഞദിവസം എലി കടിച്ചു. ഇവര്‍ സന്നിധാനം സര്‍ക്കാര്‍ ആശുപത്രിയില്‍ ചികിത്സ തേടി. അതിനുമുമ്പും രണ്ടുപേര്‍ക്ക് എലിയുടെ കടിയേറ്റിരുന്നു. ചുണ്ടെലിയാണ് എല്ലാവരേയും കടിച്ചതെന്ന് ആശുപത്രി അധികൃതര്‍ പറഞ്ഞു. അതേസമയം, ശബരിമല ദര്‍ശനം സുഗമമമാക്കുന്നതിനും തിരക്ക് കുറയ്ക്കുന്നതിനുമായി ദര്‍ശന വഴി മാറ്റുന്ന കാര്യവും ബൈലി പാലം വഴി പുതിയ പാത ഒരുക്കുന്നതടക്കമുള്ള മാറ്റങ്ങള്‍ പരിഗണിച്ച് ദേവസ്വം ബോര്‍ഡ്. പതിനെട്ടാം പടികയറിവരുന്ന തീര്‍ത്ഥാടകര്‍ ക്യു കോപ്ലക്‌സില്‍ കാത്ത് നില്‍ക്കാതെ നേരിട്ട് സോപാന ദര്‍ശനം നടത്താനുള്ള സൗകര്യം ഒരുക്കുന്ന കാര്യമാണ് ദേവസ്വം ബോര്‍ഡ് പ്രധാനമായും ആലോചിക്കുന്നത്. നേരിട്ടുള്ള ദര്‍ശനം ലക്ഷ്യം വെച്ച് സ്ഥാപിച്ച ബെയ്‌ലി പാലത്തിന്റെ നിര്‍മ്മാണ കുടിശിക സൈന്യത്തിന് നല്‍കിയതോടെയാണ് പുതിയ നീക്കം. വേണ്ടത്ര ധാരണയില്ലാതെ വര്‍ഷങ്ങള്‍ക്ക് മുമ്പ് ലക്ഷങ്ങള്‍ ചെലവിച്ച് നിര്‍മിച്ച ബെയ്‌ലി പാലം ഇപ്പോള്‍ തുരുമ്പിച്ച് കിടക്കുകയാണ്. ഇത് നവീകരിച്ച് ഉപയോഗപ്പെടുത്താനാണ് ആലോചിക്കുന്നത്.അയപ്പനെ തൊഴുത് മളിപ്പുറം…
Read More » -
വിസി നിയമനത്തില്‍ ഗവര്‍ണറെ മറികടന്ന് സര്‍ക്കാര്‍; വെറ്ററിനറി സര്‍വകലാശാലയിലും സ്ഥിരം വിസി നിയമനത്തിന് അപേക്ഷ ക്ഷണിച്ചു
തിരുവനന്തപുരം: സര്‍വകലാശാല വൈസ് ചാന്‍സിലര്‍ നിയമനങ്ങളില്‍ ഗവര്‍ണറെ എതിര്‍ക്കാന്‍ ഉറച്ചുതന്നെ സര്‍ക്കാര്‍. സാങ്കേതിക സര്‍വകലാശാലയ്ക്ക് പിന്നാലെ വെറ്ററിനറി യൂണിവേഴ്‌സിറ്റിയിലും സര്‍ക്കാര്‍ സ്ഥിരം വിസി നിയമനത്തിന് അപേക്ഷ ക്ഷണിച്ചു. വിസി നിയമനത്തിനായി സര്‍ക്കാര്‍ സ്വന്തം നിലയ്ക്ക് രൂപീകരിച്ച സെലക്ഷന്‍ കമ്മിറ്റി ആണ് വിജ്ഞാപനം പുറത്തിറക്കിയത്. സംസ്ഥാനത്ത് വൈസ് ചാന്‍സിലര്‍ നിയമനത്തെ ചൊല്ലിയുള്ള തര്‍ക്കം ഇന്നോ ഇന്നലെയോ തുടങ്ങിയതല്ല. നിയമനാവകാശം തനിക്കാണ് എന്ന് സര്‍ക്കാരും ഗവര്‍ണറും പരസ്പരം വാദിക്കുമ്പോള്‍ താല്‍ക്കാലിക ചുമതലക്ക് പോലും സര്‍വകലാശാലകളില്‍ ആളില്ല. ഈ ഘട്ടത്തില്‍ സ്ഥിരം തസ്തികയിലേക്കുള്ള നിയമനപ്രക്രിയയില്‍ വീണ്ടുമൊരു ചുവടുകൂടി വയ്ക്കുകയാണ് സര്‍ക്കാര്‍. സാങ്കേതിക സര്‍വകലാശാലയിലെ സ്ഥിരം വിസി നിയമനത്തിനുള്ള നീക്കത്തിന് പിന്നാലെ വെറ്ററിനറി യൂണിവേഴ്‌സിറ്റിയിലും സര്‍ക്കാര്‍ വൈസ് ചാന്‍സിലര്‍ക്കായി വിജ്ഞാപനം പുറത്തിറക്കി. ഗവര്‍ണറെ മറികടന്ന് സര്‍ക്കാര്‍ രൂപീകരിച്ച സെലക്ഷന്‍ കമ്മിറ്റിയാണ് വിജ്ഞാപനം പുറത്തിറക്കിയത്. സര്‍വകലാശാലകളിലെ പത്ത് വര്‍ഷ പ്രൊഫസര്‍ഷിപ്പോ ഗവേഷണ/അക്കാദമിക് സ്ഥാപനങ്ങളില്‍ പത്ത് വര്‍ഷം അക്കാദമിക ചുമതലയില്‍ പ്രവൃത്തി പരിചയമുള്ളവര്‍ക്കോ അപേക്ഷിക്കാം. അപേക്ഷകള്‍ ഡിസംബര്‍ ഏഴിനുള്ളില്‍ രജിസ്റ്റേഡ്…
Read More » -
റേഷന്‍ കടകള്‍ ഇന്ന് തുറക്കില്ല; കടകളടച്ച് വ്യാപാരികളുടെ സമരം
തിരുവനന്തപുരം: സംസ്ഥാനത്തെ റേഷന്‍ വ്യാപാരികള്‍ ഇന്ന് കടകള്‍ അടച്ചിട്ട് സമരത്തില്‍. സംയുക്ത റേഷന്‍ കോഡിനേഷന്‍ സമിതിയുടെ ആഭിമുഖ്യത്തിലാണ് സമരം. രാവിലെ 10 ന് താലൂക്ക് സപ്ലൈ ഓഫീസുകള്‍ക്ക് മുന്നില്‍ ധര്‍ണ നടത്തുമെന്നും സമരക്കാര്‍ പ്രഖ്യാപിച്ചിട്ടുണ്ട്. സെപ്റ്റംബര്‍-ഒക്ടോബര്‍ മാസത്തെ റേഷന്‍ വ്യാപാരികളുടെ വേതന കുടിശ്ശിക ഉടന്‍ നല്‍കുക, കോവിഡ് കാലത്ത് കിറ്റ് നല്‍കിയതിന്റെ കമ്മീഷന്‍ പൂര്‍ണമായും നല്‍കി കോടതിയലക്ഷ്യ നടപടി ഒഴിവാക്കുക, ഓണത്തിന്റെ ഉത്സവകാല ഓണറേറിയമായ 1000 രൂപ നല്‍കുക, 2018 ലെ വേതന പാക്കേജ് പരിഷ്‌കരിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം. ഓള്‍ കേരള റീട്ടെയില്‍ റേഷന്‍ ഡീലേഴ്സ് അസോസിയേഷന്‍, കെ ആര്‍ ഇയു (സിഐടിയു), കേരള സ്റ്റേറ്റ് റീട്ടെയില്‍ റേഷന്‍ ഡീലേഴ്സ് അസോസിയേഷന്‍ എന്നീ സംഘടനകള്‍ ചേര്‍ന്നുള്ള സംയുക്ത സമരസമിതിയാണ് സമരരംഗത്തുള്ളത്. മറ്റെല്ലാ വിഭാഗങ്ങള്‍ക്കും പണം അനുവദിക്കുമ്പോള്‍, റേഷന്‍ വ്യാപാരികളോട് മാത്രം ധനവകുപ്പ് ചിറ്റമ്മ നയം പുലര്‍ത്തുകയാണെന്ന് സമരപ്രഖ്യാപനം നടത്തിയ ജോണി നെല്ലൂര്‍ ആരോപിച്ചു.
Read More » -
തിരുത്തേണ്ടത് തിരുത്തി കൂടെനിര്‍ത്തണം; സന്ദീപ് വാരിയരുടെ രാഷ്ട്രീയമാറ്റത്തില്‍ ബിജെപിയില്‍ അമര്‍ഷം
തിരുവനന്തപുരം: അച്ചടക്കനടപടിക്കുമുന്‍പേ അപ്രതീക്ഷിത തിരിച്ചടിനല്‍കി സന്ദീപ് വാരിയര്‍ ബി.ജെ.പി. വിട്ടതില്‍ നേതൃത്വത്തിനെതിരേ അമര്‍ഷം. തിരുത്തേണ്ടത് തിരുത്തി കൂടെനിര്‍ത്തണമായിരുന്നെന്ന് സംസ്ഥാന പ്രസിഡന്റ് കെ. സുരേന്ദ്രനെ ലക്ഷ്യമിട്ട് സാമൂഹികമാധ്യമത്തില്‍ വിമര്‍ശനം വന്നുതുടങ്ങി. നേതൃത്വത്തിന്റെ പിടിപ്പുകേടെന്ന തരത്തിലാണ് കുറ്റപ്പെടുത്തലുകള്‍. ‘ഓരോ വ്യക്തിയും പ്രസ്ഥാനത്തിന് പ്രാധാന്യമുള്ളതാകണം, തിരുത്തേണ്ടത് തിരുത്തി കൂടെനിര്‍ത്തണം, തിക്കി താഴെയിട്ടിട്ട് പിന്നെ മ്ലേച്ഛനായിരുന്നു എന്നു പറയരുത്’ എന്നിങ്ങനെ സുരേന്ദ്രനെ ചൂണ്ടിയുള്ള കുത്തുവാക്കുകള്‍ സാമൂഹികമാധ്യമങ്ങളിലുണ്ട്. സുരേന്ദ്രനുമായി തുടക്കംതൊട്ടേ സ്വരച്ചേര്‍ച്ചയിലായിരുന്നില്ല സന്ദീപ്. എന്നാല്‍, ആര്‍.എസ്.എസുമായി നല്ലബന്ധത്തിലും. ഈ ബന്ധം പ്രയോജനപ്പെടുത്താനാണ് സന്ദീപിനെ അനുനയിപ്പിക്കാന്‍ ആര്‍.എസ്.എസ്. നേതാക്കള്‍ ഇറങ്ങിയതും. എന്നിട്ടും നേതൃത്വത്തിനും പാലക്കാട് സ്ഥാനാര്‍ഥിക്കുമെതിരേ വിമര്‍ശനംതുടര്‍ന്ന സന്ദീപിനെ ആര്‍.എസ്.എസും കൈവിട്ടതോടെ അച്ചടക്കനപടിയിലേക്കു നീങ്ങുകയായിരുന്നു പാര്‍ട്ടി. അച്ചടക്കനടപടി പുറത്താക്കല്‍തന്നെയായിരുന്നു. ഇത് മുന്‍കൂട്ടിയറിഞ്ഞാണ് കോണ്‍ഗ്രസുമായി കൈകോര്‍ക്കാന്‍ സന്ദീപ് തയ്യാറായതും. സന്ദീപിന്റെ വെല്ലുവിളികളെ അത്രഗൗരവത്തിലെടുക്കേണ്ട, ഉപതിരഞ്ഞെടുപ്പുവരെ കാത്തിരിക്കാം എന്നതായിരുന്നു തുടക്കത്തില്‍ത്തന്നെ നേതൃത്വത്തിന്റെ നിലപാട്. പാളിപ്പോയ ആ നിലപാട് ബി.ജെ.പിക്കു ക്ഷീണമായെന്ന വിലയിരുത്തലാണ് പൊതുവേയുള്ളതും. സന്ദീപ് പാര്‍ട്ടിവിടുന്നത് ഒഴിവാക്കാന്‍ നേതൃത്വം കാര്യമായി ഇടപെട്ടില്ലെന്നാണ് ബി.ജെ.പി.യിലെ…
Read More » -
വയനാട് യുഡിഎഫും എല്‍ഡിഎഫും പ്രഖ്യാപിച്ച ഹര്‍ത്താലിന് തുടക്കം; വാഹനങ്ങള്‍ തടഞ്ഞ് പ്രതിഷേധക്കാര്‍
വയനാട്: ഉരുള്‍പൊട്ടല്‍ ദുരിതാശ്വാസ പ്രവര്‍ത്തനങ്ങള്‍ക്ക് കേന്ദ്രം ഫണ്ട് അനുവദിക്കുന്നില്ലെന്നാരോപിച്ച് എല്‍ഡിഎഫും യുഡിഎഫും വയനാട്ടില്‍ പ്രഖ്യാപിച്ച 12 മണിക്കൂര്‍ ഹര്‍ത്താലിന് തുടക്കം. രാവിലെ 6 മണി മുതല്‍ വൈകീട്ട് 6 മണി വരെയാണ് ഹര്‍ത്താല്‍. രാവിലെ ഹര്‍ത്താല്‍ അനുകൂലികള്‍ സംസ്ഥാന അതിര്‍ത്തിയില്‍ വാഹനങ്ങള്‍ തടഞ്ഞു. ഹര്‍ത്താല്‍ ആണെന്ന് അറിയാതെ എത്തിയ നിരവധി യാത്രക്കാരാണ് അതിര്‍ത്തികളില്‍ കുടുങ്ങിയത്. പൊലീസെത്തി കുടുങ്ങിക്കിടക്കുന്ന വാഹനങ്ങള്‍ കടത്തിവിടുന്നുണ്ട്. വയനാട് ദുരന്തബാധിതര്‍ക്ക് പുനരധിവാസം ഉള്‍പ്പെടെയുള്ള പ്രവര്‍ത്തനങ്ങള്‍ക്ക് കേന്ദ്രം ഫണ്ട് നല്‍കുന്നില്ലെന്നും ദുരന്തബാധിതരോട് സംസ്ഥാന സര്‍ക്കാര്‍ അലംഭാവം കാണിക്കുകയാണെന്നും ആരോപിച്ച് യുഡിഎഫാണ് ആദ്യം ഹര്‍ത്താല്‍ പ്രഖ്യാപിച്ചത്. പിന്നാലെ ഉരുള്‍പൊട്ടല്‍ പുനരധിവാസത്തിന് ഫണ്ട് നല്‍കാത്ത കേന്ദ്ര നയത്തിനെതിരെ എല്‍ഡിഎഫും ഹര്‍ത്താല്‍ പ്രഖ്യാപിക്കുകയായിരന്നു. ഹര്‍ത്താലിന്റെ ഭാഗമായി ഇന്ന് എല്‍ഡിഎഫ് യുഡിഎഫ് പ്രവര്‍ത്തകര്‍ വയനാട്ടിലെ കേന്ദ്ര സര്‍ക്കാര്‍ ഓഫിസുകളിലേക്ക് പ്രതിഷേധ മാര്‍ച്ച് നടത്തും. ഹര്‍ത്താലുമായി വ്യാപാരി വ്യവസായി സമിതി, വ്യാപാരി വ്യവസായി കോണ്‍ഗ്രസ് എന്നിവ സഹകരിക്കുമെന്ന് അറിയിച്ചിട്ടുണ്ട്. അതുകൊണ്ട് തന്നെ ജില്ലയില്‍ കടകമ്പോളങ്ങള്‍ അടഞ്ഞ് കിടക്കുകയാണ്.…
Read More » -
മമ്മൂട്ടിയും മോഹൻലാലും ഒപ്പം കുഞ്ചാക്കോ ബോബനും: മഹേഷ് നാരായണൻ്റെ മൾട്ടിസ്റ്റാർ ചിത്രം ശ്രീലങ്കയിൽ ഷൂട്ടിംഗ് തുടങ്ങി
സോഷ്യൽമീഡിയയിൽ തിളങ്ങി നിൽക്കുകയാണ് മലയാളത്തിൻ്റെ അഭിമാനങ്ങളായ മമ്മൂട്ടിയും മോഹൻലാലും. നീണ്ട ഇടവേളയ്ക്കു ശേഷം ഇരുവരും വീണ്ടും ഒന്നിക്കുന്ന പുതിയ ചിത്രത്തിൻ്റെ ഷൂട്ടിംഗ് ഇന്നലെ ശ്രീലങ്കയിൽ തുടങ്ങി. ഈ സിനിമയിൽ പ്രധാന വേഷത്തിൽ കുഞ്ചാക്കോ ബോബനും എത്തുന്നുണ്ട്. മാലിക് എന്ന സിനിമയ്ക്കു ശേഷം മഹേഷ് നാരായണനാണ് ഈ മൾട്ടി സ്റ്റാർ ചിത്രം സംവിധാനം ചെയ്യുന്നത്. കൊച്ചിയിൽ നിന്ന് ഭാര്യ സുൽഫത്തിനൊപ്പം മമ്മൂട്ടി ഇന്നലെ കൊളംബോയിൽ വിമാനമിറങ്ങി. മോഹൻലാൽ രണ്ട് ദിവസം മുമ്പേ എത്തി. ഇരുവരും താമസിക്കുന്നതും ഒരേ ഹോട്ടലിൽ മലയാള സിനിമയിലെ സൂപ്പർതാരങ്ങൾ കൊളംബോയിൽ സംഗമിക്കുമ്പോൾ 11 വർഷത്തിനു ശേഷം ഇരുവരുമൊന്നിക്കുന്ന സിനിമയുടെ ചിത്രീകരണത്തിനു തുടക്കമാവുകയാണ്. മമ്മൂട്ടിയും മോഹൻലാലും നായകവേഷത്തിൽ എത്തിയ ഒടുവിലത്തെ ചിത്രം 2008 ൽ റിലീസ് ചെയ്ത ട്വന്റി 20 ആയിരുന്നു. പിന്നീട് 2013 ൽ ‘കടൽ കടന്നൊരു മാത്തുക്കുട്ടി’യിലും ഇരുവരും ഒരുമിച്ചെത്തി. ശ്രീലങ്ക, യുകെ, അസർബൈജാൻ, ദുബായ്, ഡൽഹി, ഹൈദരാബാദ്, വിശാഖപട്ടണം എന്നിങ്ങനെ വിശാലമാണ് പുതിയ…
Read More » -
സംസ്ഥാന നേതൃത്വം പ്രഖ്യാപിച്ച പുതിയ കമ്മറ്റിയെ പ്രവര്‍ത്തിക്കാന്‍ അനുവദിക്കില്ലെന്ന് എതിര്‍വിഭാഗം; കോതമംഗലത്ത് ലീഗ് യോഗം തടഞ്ഞ് പ്രവര്‍ത്തകര്‍
എറണാകുളം: മുസ്ളീം ലീഗ് സംസ്ഥാന നേതൃത്വം പ്രഖ്യാപിച്ച പുതിയ കമ്മിറ്റിയുടെ യോഗം പ്രവര്‍ത്തകര്‍ തടഞ്ഞു. കോതമംഗലം മുസ്ളീം ലീഗിലാണ് സംഭവം. പുതിയ നിയോജകമണ്ഡലം ഭാരവാഹികള്‍ ലീഗ് ഹൗസില്‍ പ്രഥമയോഗം ചേരാനായി ഞായറാഴ്ച രാവിലെ എത്തിയപ്പോഴാണ് മുസ്ലിം ലീഗ് പ്രവര്‍ത്തകര്‍ തടഞ്ഞത്. പുതിയ കമ്മിറ്റി യോഗം ചേരുന്നുണ്ടെന്ന് അറിഞ്ഞ് എതിര്‍ വിഭാഗം പ്രതിഷേധവുമായി രാവിലെ തന്നെ രംഗത്ത് എത്തിയിരുന്നു. എതിര്‍ വിഭാഗത്തിനാണ് ഭൂരിപക്ഷം കൂടുതല്‍. സംസ്ഥാന നേതൃത്വം ഏകപക്ഷീയമായി പ്രഖ്യാപിച്ച നേതൃത്വത്തെയാണ് മറ്റ് ലീഗ് പ്രവര്‍ത്തകര്‍ ചേര്‍ന്ന് തടഞ്ഞത്. പ്രവര്‍ത്തകരുടെ പ്രതിഷേധത്തെ തുടര്‍ന്ന് യോഗം നടത്താനാകാതെ പുതിയ ഭാരവാഹികള്‍ മടങ്ങി. എന്നാല്‍ പ്രതിഷേധക്കാര്‍ പോയതോടെ വീണ്ടും ലീഗ് ഹൗസില്‍ എത്തി യോഗം ചേര്‍ന്നതിന് ശേഷം പുതിയ ഭാരവാഹികള്‍ ചുമതലയേറ്റെടുത്തു. നിയോജകമണ്ഡലത്തില്‍ അടുത്ത നാളായി ഉണ്ടായിട്ടുള്ള പാര്‍ട്ടിപ്രവര്‍ത്തകര്‍ക്കിടയിലെ വിഭാഗീയത പരിഹരിക്കാന്‍ സംസ്ഥാന പ്രസിഡന്റ് പാണക്കാട് സാദിക്കലി തങ്ങളുടെയും കുഞ്ഞാലിക്കുട്ടിയുടെയും നേതൃത്വത്തില്‍ സമവായ ചര്‍ച്ചകള്‍ നടന്നുവരുന്നതിനിടെയാണ് ജില്ലയില്‍ പുതിയ ഗ്രൂപ്പ് ഉടലെടുത്തതെന്ന് പാര്‍ട്ടി പ്രവര്‍ത്തകര്‍ ആരോപിച്ചു.…
Read More »