Crime
-
കോഴിക്കോട്ട് ഓട്ടോ ഡ്രൈവറെ വെട്ടിക്കൊന്നു; മരിച്ചത് കൊലക്കേസ് പ്രതി
കോഴിക്കോട്: ഓട്ടോ ഡ്രൈവറെ വെട്ടിക്കൊന്നു. ഗാന്ധിനഗര് സ്വദേശി ശ്രീകാന്ത് (47) ആണ് കൊല്ലപ്പെട്ടത്. പണിക്കര് റോഡില് ഇന്ന് പുലര്ച്ചെയായിരുന്നു സംഭവം. കൊല്ലപ്പെട്ട ശ്രീകാന്ത് നേരത്തെ എലത്തൂര് സ്റ്റേഷനിലെ ഒരു കൊലപാതക കേസിലെ പ്രതി ആണെന്നാണ് പൊലീസ് വ്യക്തമാക്കുന്നത് പ്രതിയെക്കുറിച്ച് സൂചനകളൊന്നുമില്ലെന്നാണ് പൊലീസ് പറയുന്നു. ഓട്ടോയില് കയറിയ ഒരാളാണ് കൊലപാതകം നടത്തിയത് എന്നാണ് ഇപ്പോള് ലഭിക്കുന്ന സൂചന. എന്നാല് കൊലപാതകത്തിന് പിന്നിലെ കാരണമെന്താണെന്ന് വ്യക്തമല്ല.ഓട്ടോയില് മദ്യപിച്ച് ഉറങ്ങുകയായിരുന്ന മറ്റൊരാളെ പൊലീസ് ചോദ്യം ചെയ്തുവരികയാണ്.സമീപത്തെ സിസിടിവി ദൃശ്യങ്ങളും അന്വേഷണത്തിന്റെ ഭാഗമായി പൊലീസ് ശേഖരിക്കുന്നുണ്ട്. ഇന്നുപുലര്ച്ചെ കൊച്ചിയില് അടിപിടിക്കിടെ കുത്തേറ്റ് യുവാവ് മരിച്ചിരുന്നു. പാലാരിവട്ടത്തായിരുന്നു സംഭവം. തമ്മനം എകെജി കോളനിയിലെ മനീഷ് ആണ് മരിച്ചത്. സംഘര്ഷത്തില് ഗുരുതരമായി പരിക്കേറ്റ അജിത് എന്നയാള് സ്വകാര്യ ആശുപത്രിയില് ചികിത്സയിലാണ്. ഇന്ന് പുലര്ച്ചെയായിരുന്നു കത്തിക്കുത്ത് ഏതാനും ദിവസങ്ങളായി പ്രദേശത്ത് യുവാക്കള് തമ്മില് സംഘര്ഷമുണ്ടായിരുന്നു. ഇതിനൊടുവിലാണ് ആക്രമണമുണ്ടായിരിക്കുന്നത് എന്നാണ് സൂചന. എന്നാല്, സംഘര്ഷത്തിലേക്കും അക്രമത്തിലേക്കും നയിച്ച കാര്യമെന്തെന്ന് വ്യക്തമായിട്ടില്ല. പ്രതികള്ക്കുവേണ്ടിയുള്ള അന്വേഷണം…
Read More » -
വോട്ടെടുപ്പ് വൈകിയത് കൃത്യത ഉറുപ്പുവരുത്താനുള്ള ഉദ്യോഗസ്ഥ ജാഗ്രത മൂലം; വിശദീകരണവുമായി തെരഞ്ഞെടുപ്പ് കമ്മീഷന്
തിരുവനന്തപുരം: സംസ്ഥാനത്തെ ലോക്സഭ തെരഞ്ഞെടുപ്പ് പ്രക്രിയയും വോട്ടെടുപ്പും എല്ലാ തലങ്ങളിലും പൂര്ണമായും തൃപ്തികരമായിരുന്നുവെന്നും വോട്ടെടുപ്പ് യന്ത്രങ്ങള് മുന് വര്ഷങ്ങളെ അപേക്ഷിച്ച് മികച്ച പ്രകടനം കാഴ്ചവെച്ചതായും മുഖ്യതെരഞ്ഞെടുപ്പ് ഓഫീസര് സഞ്ജയ് കൗള് പറഞ്ഞു. സംസ്ഥാനത്തെ 25,231 പോളിങ് ബൂത്തുകളില് 95 ശതമാനത്തിലും വൈകിട്ട് ആറ് മണിയോടെ തന്നെ വോട്ടെടുപ്പ് പൂര്ത്തിയായി. 99 ശതമാനം ബൂത്തുകളിലും എട്ട് മണിയോടെ വോട്ടെടുപ്പ് പൂര്ത്തിയായി. വടകര മണ്ഡലത്തിലെ ചില ബൂത്തുകളില് മാത്രമാണ് പിന്നീടും വോട്ടെടുപ്പ് നടന്നത്. വൈകിട്ട് അഞ്ച് മണിക്ക് ശേഷം ഈ മണ്ഡലത്തിലെ ചില ബൂത്തുകളില് കൂടുതല് വോട്ടര്മാര് എത്തിയതിനെത്തുടര്ന്ന് ഉദ്യോഗസ്ഥര് രേഖകള് പരിശോധിച്ച് കൃത്യത ഉറപ്പുവരുത്താന് കൂടുതല് ജാഗ്രത കാണിച്ചത് മൂലമാണ് സ്വാഭാവികമായും കൂടുതല് സമയമെടുത്തത്. ആറ് മണിയോടെ ബൂത്തിലെത്തിയ മുഴുവന് വോട്ടര്മാര്ക്കും ടോക്കണ് നല്കി വോട്ട് ചെയ്യാന് അവസരമൊരുക്കുവാനും ഉദ്യോഗസ്ഥര് ജാഗ്രത കാണിച്ചെന്ന് മുഖ്യതെരഞ്ഞെടുപ്പ് ഓഫീസര് പറഞ്ഞു. ഉദ്യോഗസ്ഥ വിന്യാസത്തില് ബാഹ്യഇടപെടല് പൂര്ണമായും ഒഴിവാക്കാന് ഇക്കുറി ആദ്യമായി നവീനരീതിയാണ് അവലംബിച്ചതെന്നും മുഖ്യതെരഞ്ഞെടുപ്പ് ഓഫീസര്…
Read More » -
വഴി തെറ്റുന്ന യൗവനം: മദ്യലഹരിയിൽ കൊച്ചിയിൽ നൈറ്റ് കഫേ അടിച്ചുതകർത്ത യുവതിയും സംഘവും അറസ്റ്റിൽ
നമ്മുടെ യുവാക്കൾ എങ്ങോട്ടാണ് പോകുന്നത്…? മദ്യവും മയക്കുമരുന്നും, വഴി തെറ്റിയ ജീവിതവും ഒപ്പം ചില്ലറ അധോലോക ബന്ധങ്ങളും. ഇന്നലെ കൊച്ചിയിൽ അരങ്ങേറിയ അക്രമ സംഭവങ്ങൾ അതാണ് തെളിയിക്കുന്നത്. ചങ്ങനാശേരി സ്വദേശിയായ യുവതിയും കൂട്ടാളികളും ചേർന്ന് പനമ്പിള്ളിനഗറിലെ ഒരു നൈറ്റ് കഫേ അടിച്ചു തകർത്ത് ജീവനക്കാരെ പരുക്കേൽപിച്ചു. സാപിയൻസ് കഫറ്റീരിയയിൽ ആയുധങ്ങളുമായി എത്തി അക്രമം അഴിച്ചുവിട്ട ചങ്ങനാശേരി സ്വദേശിനി ലീന (26), കട്ടപ്പന മേപ്പാറ ഏഴാച്ചേരിൽ ജെനിറ്റ് (23), കൽപറ്റ മുണ്ടേരി പറമ്പിൽ ഹൗസിൽ മുഹമ്മദ് സിനാൻ (22), ചങ്ങനാശേരി നാലുകോടി ഇടശ്ശേരി ഹൗസിൽ ആദർശ് ദേവസ്യ (22) എന്നിവരെ സൗത്ത് പൊലീസ് അറസ്റ്റു ചെയ്തു. കണ്ടാലറിയാവുന്ന 4 പേർക്ക് എതിരെ കേസെടുത്തിട്ടുണ്ട്. കഫറ്റീരിയയിൽ ഭക്ഷണം കഴിക്കാനെത്തിയ ലീനയും മുൻസുഹൃത്തും തമ്മിൽ വാക്കുതർക്കവും കയ്യാങ്കളിയുമുണ്ടായി. മദ്യലഹരിയിലായിരുന്ന യുവതിയെ പിന്തിരിപ്പിക്കാനുള്ള ശ്രമം സംഘർഷത്തിൽ കലാശിക്കുകയും ഇവർ എത്തിയ കാറിന്റെ ചില്ല് ഒരാൾ പൊട്ടിക്കുകയും ചെയ്തു. തുടർന്നു ലീന പനമ്പിള്ളിനഗറിൽ തന്നെ ഉണ്ടായിരുന്ന…
Read More » -
വനിതാ ഹോസ്റ്റലില്നിന്ന് പിടിച്ചത് 1.3 കിലോ കഞ്ചാവ്; ഐ.ടി. ജീവനക്കാരിയും സുഹൃത്തും അറസ്റ്റില്
ചെന്നൈ: വനിതാ ഹോസ്റ്റലില്നിന്ന് 1.3 കിലോ കഞ്ചാവ് പിടിച്ച സംഭവത്തില് ഐ.ടി .ജീവനക്കാരിയും സുഹൃത്തായ ടാക്സി ഡ്രൈവറും അറസ്റ്റില്. ചൂളൈമേടിലെ വനിതാഹോസ്റ്റലില് താമസിക്കുന്ന ഐ.ടി. ജീവനക്കാരിയായ ഷര്മിള(26), സുഹൃത്ത് സുരേഷ്(32) എന്നിവരെയാണ് അറസ്റ്റുചെയ്തത്. കഞ്ചാവ് കടത്തല് സംഘത്തിലുള്പ്പെട്ട സുരേഷ് 1.3 കിലോ കഞ്ചാവ് സൂക്ഷിക്കാനായി ഷര്മിളയ്ക്ക് നല്കുകയായിരുന്നുവെന്ന് ചോദ്യം ചെയ്യലില് വ്യക്തമായതായി പോലീസ് പറഞ്ഞു. ഷര്മിള തുറൈപാക്കത്തിന് സമീപമുള്ള ഐ.ടി. സ്ഥാപനത്തില് ജോലിചെയ്ത് വരുകയായിരുന്നു. ഓഫീസിലേക്കും തിരിച്ചും ഐ.ടി.സ്ഥാപനത്തിന്റെ ടാക്സിയിലാണ് പോയിരുന്നത്. ഷര്മിള, സുരേഷ് ഓടിച്ചിരുന്ന ടാക്സിയിലാണ് സ്ഥിരമായി സഞ്ചരിച്ചിരുന്നത്. രണ്ടുപേരും സൗഹൃദത്തിലായിരുന്നു. തുടര്ന്നാണ് കഞ്ചാവ് സൂക്ഷിക്കാനായി ഷര്മിളയ്ക്ക് നല്കിയിരുന്നതെന്നും പോലീസ് പറഞ്ഞു. കോടതിയില് ഹാജരാക്കിയ രണ്ട് പേരെയും റിമാന്ഡ് ചെയ്തു. മറ്റ് സംസ്ഥാനങ്ങളില്നിന്ന് ചെന്നൈയില് എത്തിക്കുന്ന കഞ്ചാവ് വിവിധഏജന്റുമാര്ക്ക് എല്പിക്കുന്നജോലിയും ടാക്സി ഡ്രൈവറായ സുരേഷ് ചെയ്തിരുന്നുവെന്നും പോലീസ് പറഞ്ഞു. കഞ്ചാവുവില്പനയുമായി ബന്ധപ്പെട്ട് സുരേഷിന്റെ പങ്കിനെ ക്കുറിച്ച് കൂടുതല് അന്വേഷണംനടത്തി വരുകയാണെന്നും പോലീസ് അറിയിച്ചു.
Read More » -
അച്ഛനേയും അമ്മയേയും മകനേയും കൊലപ്പെടുത്തി; പാറമ്പുഴ കേസില് പ്രതിയുടെ വധശിക്ഷ ജീവപര്യന്തമാക്കി ഹൈക്കോടതി
കൊച്ചി: കോട്ടയം പാറമ്പുഴ കൂട്ടക്കൊല കേസില് പ്രതിയുടെ വധശിക്ഷ ജീവപര്യന്തമാക്കി കുറച്ച് ഹൈക്കോടതി. മാതാപിതാക്കളേയും മകനേയും കൊലപ്പെടുത്തിയ സംഭവത്തില് പ്രതി നരേന്ദ്ര കുമാറിന്റെ ശിക്ഷയാണ് ഇളവു ചെയ്തത്. പകരം 20 വര്ഷം ഇളവില്ലാതെ തടവുശിക്ഷ അനുഭവിക്കണം. 2015 മേയ് 16 നാണ് കൂട്ടക്കൊല നടക്കുന്നത്. പാറമ്പുഴയില് ഡ്രൈക്ലീനിങ് സ്ഥാപനം നടത്തിയിരുന്ന ലാലസന്, ആരോഗ്യ വകുപ്പില് ഹെല്ത്ത് ഇന്സ്പെക്ടര് ആയ ഭാര്യ പ്രസന്ന, മൂത്ത മകന് പ്രവീണ് ലാല് എന്നിവരാണ് കൊല്ലപ്പെട്ടത്. ഡ്രൈ ക്ലീനിങ് സ്ഥാപനത്തിലെ തൊഴിലാളിയായിരുന്ന ഉത്തര്പ്രദേശ് ഫിറോസാബാദ് സ്വദേശി നരേന്ദ്രകുമാറായിരുന്നു പ്രതി. അപൂര്വങ്ങളില് അപൂര്വമെന്ന് വിശേഷിപ്പിച്ചാണ് 2017ല് വിചാരണ കോടതി ഇയാള്ക്ക് വധശിക്ഷ വിധിച്ചത്. വധശിക്ഷയ്ക്കെതിരെ പ്രതി ഹൈക്കോടതിയെ സമീപിക്കുകയായിരുന്നു. പ്രതി കുറ്റക്കാരനെന്നു കണ്ടെത്തിയതും ശിക്ഷിച്ചതുമായ വിചാരണ കോടതിയുടെ നടപടി ഹൈക്കോടതി ശരിവച്ചു. സാഹചര്യത്തെളിവുകളാണ് പ്രതിക്കെതിരെ ഉള്ളത് എന്നത് പരിഗണിച്ചാണ് വധശിക്ഷ ജീവപര്യന്തമാക്കി കുറച്ചത്. അതിക്രൂരമായ കൊലപാതകമാണ് നടന്നത് എന്നതില് യാതൊരു സംശയവുമില്ലെന്ന് വിധി പ്രസ്താവിച്ച ജസ്റ്റിസുമാരായ എ.കെ.ജയശങ്കരന് നമ്പ്യാരും…
Read More » -
തോമസ് ഐസക്ക് ജയിക്കരുത്; ആന്റോ ആന്റണിക്ക് വോട്ട് മറിക്കാൻ ബിജെപി
പത്തനംതിട്ട: രണ്ടുതവണ കേരളത്തിൽ ധനമന്ത്രിയായിരുന്ന തോമസ് ഐസക്കിനെ പാർലമെന്റിലേക്ക് അയക്കാതിരിക്കാൻ ബിജെപി കോൺഗ്രസിന് വോട്ടു മറിക്കുമെന്ന് സൂചന. പലതവണ ഇവിടെനിന്നും എംപിയായ ആന്റോ ആന്റണിക്ക് ഇത്തവണ പ്രതീക്ഷിച്ച ജനപിന്തുണ കിട്ടില്ലെന്നാണ് പൊതുവെയുള്ള വിലയിരുത്തല്. കോണ്ഗ്രസില് നിന്നും ബിജെപിയിലേക്ക് ചേക്കേറിയ അനില് ആന്റണിക്കും കഴിഞ്ഞ തെരഞ്ഞെടുപ്പില് ബിജെപി നേടിയ വോട്ടുകള് കിട്ടാനിടയില്ല. എതിര് സ്ഥാനാര്ത്ഥികള്ക്ക് സാഹചര്യം അനുകൂലമല്ലെങ്കിലും മണ്ഡലത്തിലെ മികവുറ്റ സ്ഥാനാര്ത്ഥിയായ തോമസ് ഐസക്കിനെ ഇക്കുറി ലോക്സഭയിലെത്താന് ബിജെപി അനുവദിക്കുമോയെന്നാണ് ചില രാഷ്ട്രീയ നിരീക്ഷകര് ചോദിക്കുന്നത്. വീണ്ടും ബിജെപി നേതൃത്വത്തില് കേന്ദ്രത്തില് സര്ക്കാര് വരികയും തോമസ് ഐസക് സഭയിലുണ്ടാവുകയും ചെയ്താല് കേരളത്തിനെതിരായ കേന്ദ്രത്തിന്റെ ചിറ്റമ്മനയം കടുത്ത രീതിയില് ചോദ്യം ചെയ്യപ്പെടും. കേരളത്തിന് ലഭിക്കേണ്ട ധനസഹായമെല്ലാം പല കാരണങ്ങള് പറഞ്ഞ് തടഞ്ഞുവെക്കുമ്ബോഴും കോണ്ഗ്രസ് എംപിമാര് മൗനം പാലിക്കുകയാണ് പതിവ്. അതുകൊണ്ടുതന്നെ ബിജെപിക്ക് ലോക്സഭയില് ഇക്കാര്യത്തില് വലിയ എതിര്പ്പുകള് നേരിടേണ്ടിവരാറില്ല. എന്നാല്, തോമസ് ഐസക് ജയിക്കുകയാണെങ്കില് പല ചോദ്യങ്ങള്ക്കും കേന്ദ്രം ഉത്തരം നല്കേണ്ടതായി വരും. കാര്യങ്ങള്…
Read More » -
ഇഞ്ചക്ഷന് ചെയ്യണമെന്ന് അതിയായ മോഹം! വീട്ടമ്മയെ തെറ്റിദ്ധരിപ്പിച്ച് കുത്തിവെപ്പെടുത്ത യുവാവ് പിടിയില്
പത്തനംതിട്ട: റാന്നിയില് ഒറ്റയ്ക്ക് താമസിക്കുന്ന വീട്ടമ്മയ്ക്ക് കൊവിഡ് ബൂസ്റ്റര് വാക്സിന് എന്നുപറഞ്ഞ് കുത്തിവെയ്പെടുത്തതിന് പോലീസ് അറസ്റ്റ് ചെയ്ത യുവാവിനെ കോടതി ജാമ്യത്തില് വിട്ടയച്ചു. പത്തനംതിട്ട വലഞ്ചുഴി വിജയഭവനത്തില് ആകാശി(22)നെയാണ് റാന്നി ഒന്നാം ക്ലാസ് മജിസ്ട്രേറ്റ് കോടതി ജാമ്യത്തില് വിട്ടത്. ഉതിമൂട് വലിയകലുങ്ക് സ്വദേശിനി ചിന്നമ്മ (66)യ്ക്കാണ് കഴിഞ്ഞദിവസം വീട്ടിലെത്തി കുത്തിവെയ്പ് എടുത്തത്. ചിന്നമ്മയ്ക്ക് പരാതി ഇല്ല എന്ന് അറിയിച്ചതിനെ തുടര്ന്നാണ് ഇയാള്ക്ക് ജാമ്യം ലഭിച്ചത്. സിറിഞ്ചില് മരുന്നോ മറ്റുദ്രാവകങ്ങളോ ഇല്ല എന്ന് പോലീസ് കണ്ടെത്തിയിരുന്നു. കോവിഡ്കാലത്ത് വാക്സിനെടുത്തപ്പോള് മുതല് ആര്ക്കെങ്കിലും ഇഞ്ജക്ഷന് ചെയ്യണം എന്നുള്ള ആകാശിന്റെ ആഗ്രഹമാണ് ഇതിന് പ്രേരിപ്പിച്ചതെന്ന് പോലീസ് പറഞ്ഞു. ആകാശ് ഇപ്പോള് പത്തനംതിട്ടയിലെ അപ്ഹോള്സ്റ്ററി സ്ഥാപനത്തില് ജോലി ചെയ്യുകയാണ്. ഒറ്റയ്ക്ക് താമസിക്കുന്ന വയോധികയുടെ വീട്ടില് കയറി അജ്ഞാതന് കുത്തിവെപ്പ് നല്കി
Read More » -
ജോലി റെയില്വേയില്, സൈഡ് ബിസിനസ് മാല മോഷണം; കുടുക്കിയത് സിസിടിവി
പാലക്കാട്: ലക്കിടി മുളഞ്ഞൂരില് ബൈക്കിലെത്തി വീട്ടമ്മയുടെ സ്വര്ണ താലിമാല കവര്ന്ന റെയില്വേ ജീവനക്കാരനടക്കം രണ്ട് പേര് പിടിയില്. റെയില്വേ ജീവനക്കാരനായ കയറംപാറ ആലിക്കല് വീട്ടില് അശോക് കുമാര്(40), മീറ്റ്ന എസ്.ആര്.കെ നഗര് ചമ്പക്കര വീട്ടില് പ്രശാന്ത്(40) എന്നിവരെയാണ് ഒറ്റപ്പാലം പൊലീസ് അറസ്റ്റ് ചെയ്തത്. മുളഞ്ഞൂര് മന്നത്ത് കാവ് പറമ്പില് ശേഖരന്റെ ഭാര്യ രമയുടെ രണ്ടേകാല് പവന് തൂക്കം വരുന്ന സ്വര്ണമാലയാണ് ബൈക്കിലെത്തിയ ഇവര് പിടിച്ചു പറിച്ചത്. അറസ്റ്റിലായ അശോക് കുമാര് വല്ലപ്പുഴ റെയില്വേ ഗേറ്റിലെ ഗേറ്റ് കീപ്പറാണ്. ഏപ്രില് 18 ന് ഉച്ചക്ക് 12 മണിയോടെയാണ് കേസിനാസ്പദമായ സംഭവം നടന്നത്. പാട്ടത്തിനെടുത്ത് കൃഷി നടത്തുന്ന വാഴ തോട്ടം നനക്കുന്നതിനായി രമ പോകുന്നതിനിടയില് ബൈക്കിലെത്തിയ അശോക് കുമാറും പ്രശാന്തും വഴി ചോദിക്കാനെന്ന വ്യാജേന അടുത്തെത്തുകയായിരുന്നു. തുടര്ന്ന് പിന്നിലിരുന്ന അശോക് കുമാര് മാല പിടിച്ചു പറിക്കുകയായിരുന്നു. രമ ഒറ്റപ്പാലം പൊലീസില് നല്കിയ പരാതിയുടെ അടിസ്ഥാനത്തില് സി.സി.ടി.വി നിരീക്ഷണ ദൃശ്യങ്ങളും പ്രതികള് ഉപയോഗിച്ച സ്കൂട്ടറും കേന്ദ്രീകരിച്ച്…
Read More » -
പൂരത്തിനിടെ പൂട്ടുകച്ചവടം; വിദേശ യുവതിയെ ചുംബിക്കാന്ശ്രമിച്ചു
തൃശ്ശൂര്: തൃശ്ശൂര് പൂരത്തിനിടെ വിദേശ വ്ളോഗര്മാര്ക്കെതിരേ അതിക്രമം. ബ്രിട്ടനില്നിന്നുള്ള യുവാവും യുവതിയുമാണ് സാമൂഹികമാധ്യമങ്ങളിലൂടെ ദുരനുഭവം വെളിപ്പെടുത്തിയത്. വിദേശ വനിതയെ ഒരാള് ബലമായി ചുംബിക്കാന് ശ്രമിച്ചെന്നും യുവാവിന്റെ സ്വകാര്യഭാഗങ്ങളില് സ്പര്ശിച്ചെന്നുമാണ് ആരോപണം. ഇതിന്റെ വീഡിയോയും വ്ളോഗര്മാര് പുറത്തുവിട്ടിട്ടുണ്ട്. വീഡിയോ ചിത്രീകരിച്ചതിന് പിന്നാലെ ഒരാള് വിദേശവനിതയെ ചുംബിക്കാന് ശ്രമിക്കുന്നതാണ് ദൃശ്യങ്ങളില് ആദ്യമുള്ളത്. ഇതിനുപിന്നാലെയാണ് തന്റെ സ്വകാര്യഭാഗത്ത് സ്പര്ശിച്ചതായി വിദേശയുവാവും വീഡിയോയിലൂടെ വെളിപ്പെടുത്തിയത്. തൃശ്ശൂര് പൂരത്തിന്റെ ഏറ്റവും മോശപ്പെട്ട നിമിഷങ്ങള് എന്ന് പറഞ്ഞാണ് ഇവര് വീഡിയോ പങ്കുവെച്ചിരിക്കുന്നത്. സംഭവത്തില് ഇരുവരും ഔദ്യോഗികമായി പരാതി നല്കിയിട്ടില്ല. കുടമാറ്റം കഴിഞ്ഞതിന് ശേഷമാണ് സംഭവം നടന്നതെന്നാണ് കരുതുന്നത്. ദൃശ്യങ്ങളില് യുവതിയെ ചുംബിക്കാന് ശ്രമിച്ചയാളെ പോലീസ് തിരിച്ചറിഞ്ഞിട്ടുണ്ട്. ഇയാള് പാലക്കാട് സ്വദേശിയാണെന്നാണ് വിവരം. എന്നാല്, കേസെടുത്തിട്ടില്ല. അതിനിടെ, സംഭവത്തില് ചില സംഘടനകള് ഔദ്യോഗികമായി പരാതി നല്കിയേക്കുമെന്നും സൂചനയുണ്ട്.
Read More » -
ഓവര് സ്പീഡ്, ചോദ്യംചെയ്തു; ഉദ്യോഗസ്ഥനെ ഇടിച്ചിട്ട് പാക് യുവതി
ഇസ്ലാമാബാദ്: സമൂഹമാദ്ധ്യമങ്ങളില് പ്രശസ്തി നേടുന്നതിന് വേണ്ടി പല തരത്തിലുള്ള നിയമ ലംഘനങ്ങളാണ് യുവാക്കള് ഇന്ന് ചെയ്യുന്നത്. ഇതിന്റെയെല്ലാം വീഡിയോയും സോഷ്യല് മീഡിയകളില് വൈറലാണ്. നിയമ സംവിധാനങ്ങള്ക്കുപോലും വില കൊടുക്കാത്ത ഇങ്ങനെയുള്ളവര്ക്കെതിരെ കടുത്ത വിമര്ശനമാണ് സമൂഹമാദ്ധ്യമങ്ങളില് ഉയരുന്നത്. ഇത്തരത്തിലുള്ള ഒരു പാകിസ്ഥാനി വ്ലോഗറുടെ വീഡിയോ ആണ് ഇപ്പോള് സമൂഹമാദ്ധ്യമങ്ങളില് വൈറലായിക്കൊണ്ടിരിക്കുന്നത്. കാറില് അമിതവേഗത്തില് യാത്ര ചെയ്തതിന് തടഞ്ഞുവച്ച ട്രാഫിക് പൊലീസ് ഉദ്യോഗസ്ഥനോട് യുവതി തട്ടിക്കയറുന്നതാണ് വീഡിയോയില് ആദ്യം കാണുന്നത്. കാറിനുള്ളിലിരുന്ന ഉറക്കെ ദേഷ്യത്തില് സംസാരിക്കുന്ന ഇവര് സമീപത്ത് നിന്ന മറ്റൊരു ഉദ്യോഗസ്ഥനെ ഇടിച്ച് തെറിപ്പിച്ച ശേഷം വാഹനമെടുത്ത് പോകുന്നതും ദൃശ്യങ്ങളില് വ്യക്തമാണ്. കഴിഞ്ഞ ജനുവരിയില് ഇസ്ലാമാബാദിലെ ഒരു ടോള് ബൂത്തിലാണ് സംഭവമുണ്ടായത്. ഉദ്യോഗസ്ഥനെ അമിത വേഗത്തില് കാറോടിച്ച് ഇടിച്ചിട്ട യുവതിക്ക് പിന്നാലെ പൊലീസ് വാഹനവും കുതിക്കുന്നതാണ് വീഡിയോയുടെ അവസാനം കാണുന്നത്. മൂന്ന് ദിവസം മുമ്പ് സമൂഹമാദ്ധ്യമമായ എക്സിലൂടെയാണ് ഈ വീഡിയോ പുറത്തുവിട്ടത്. ഇതിനോടകം അറുപതിനായിരത്തിലധികം പേര് വീഡിയോ കണ്ടുകഴിഞ്ഞു. നിരവധിപേര് യുവതിക്കെതിരെ രൂക്ഷ…
Read More »