LIFE
-
പാകിസ്താന് ട്വന്റി 20 ലോകകപ്പിന്; തിങ്കളാഴ്ച വിമാനം കയറുമെന്ന് പത്രക്കുറിപ്പ്; തൊട്ടു പിന്നാലെ മുക്കി; അനാവശ്യ വിവാദം മാത്രം ലക്ഷ്യമെന്നു വ്യക്തം; ഐസിസി നിലപാടു കടുപ്പിച്ചതോടെ സാഷ്ടാംഗം
ഇസ്ലാമാബാദ്: ബംഗ്ലദേശിനെ ചൊല്ലിയുണ്ടാക്കിയ നാടകങ്ങള്ക്കൊടുവില് പാക് ടീം ട്വന്റി 20 ലോകകപ്പില് പങ്കെടുക്കുമെന്ന് സൂചന. പിസിബി (പാകിസ്ഥാന് ക്രിക്കറ്റ് ബോര്ഡ്) പുറത്തുവിടുകയും പിന്നീട് ഡിലീറ്റ് ചെയ്യുകയും ചെയ്ത വാര്ത്താക്കുറിപ്പിലാണ് യാത്ര തീയതിയും ഫ്ലൈറ്റുമടക്കമുള്ള വിവരങ്ങള് ഉള്ളത്. ലോകകപ്പിനുള്ള പാക് ടീം തിങ്കളാഴ്ച (ഫെബ്രുവരി 2) എയര് ലങ്ക വിമാനത്തില് പുറപ്പെടുമെന്നും അതേ വിമാനത്തില് ഓസീസ് താരങ്ങളും ഉണ്ടാകുമെന്നുമാണ് കുറിപ്പിലുണ്ടായിരുന്നത്. പിസിബിയുടെ വാര്ത്താക്കുറിപ്പ് ലീക്കായതിന് പിന്നാലെ പാക് മാധ്യമപ്രവര്ത്തകര് സമൂഹമാധ്യമങ്ങളില് പങ്കുവച്ചു. എന്നാല് നിമിഷങ്ങള്ക്കകം ഈ കുറിപ്പ് പിന്വലിച്ച് പുതിയ റിലീസ് ഇറക്കുകയായിരുന്നു. ഈ റിലീസില് യാത്രാ തീയതിയും ഫ്ലൈറ്റും ഒഴിവാക്കിയിട്ടുണ്ട്. ലോകകപ്പില് പങ്കെടുക്കുന്നതില് പാക്കിസ്ഥാന് ഔദ്യോഗിക തീരുമാനം ഇതുവരെ കൈക്കൊണ്ടിട്ടില്ല എന്നായിരുന്നു പിസിബിയുടെ ഭാഷ്യം. എന്നാല് ഇത് കളവാണെന്നും അനാവശ്യമായ വിവാദം മാത്രമാണ് പാക്കിസ്ഥാന്റെ ലക്ഷ്യമെന്നുമാണ് പുതിയ നീക്കങ്ങളില് നിന്നും മനസിലാകുന്നത്. ഫെബ്രുവരി ഏഴിനാണ് ഇന്ത്യയിലും ശ്രീലങ്കയിലുമായി നടക്കുന്ന ട്വന്റി 20 ലോകകപ്പ് മല്സരങ്ങള്ക്ക് തുടക്കമാകുക. പിസിബി ചെയര്മാനായ മുഹ്സിന് നഖ്വി…
Read More » -
‘ഏതോ ചീഫ് ജസ്റ്റിസ് ഓപ്പണ് കോടതിയില് വായില് തോന്നിയത് പറഞ്ഞതാണ്’; സ്പ്രിംക്ലറില് കോടതിയില് തിരിച്ചടി നേരിട്ടതിനു പിന്നാലെ അധിക്ഷേപവുമായി വി.ഡി. സതീശന്; കെ ഫോണ്, എഐ ക്യാറ കേസിലെ തോല്വിയെക്കുറിച്ച് ചോദിച്ചത് പ്രകോപനമായി
തിരുവനന്തപുരം: കോവിഡ് കാലത്ത് അമേരിക്കന് മലയാളിയുടെ കമ്പനിയായ സ്പ്രിംക്ലറുമായി കരാറുണ്ടാക്കിയതിന്റെ പേരില് കോടതിയില് തിരിച്ചടി നേരിട്ടതിനു പിന്നാലെ ന്യായാധിപര്ക്കെതിരേ അധിക്ഷേപവുമായി പ്രതിപക്ഷ നേതാവ് വി.ഡി. സതീശന്. സ്പ്രിംഗ്ലര് കേസുമായി ബന്ധപ്പെട്ട ചോദ്യത്തിനിടെ കെ ഫോണിനെതിരെയും എ ഐ കാമറയ്ക്കെതിരെയും നല്കിയ പരാതികളില് കോടതികളില്നിന്ന് ഏറ്റ തിരിച്ചടികള് മാധ്യമപ്രവര്ത്തകര് ചൂണ്ടിക്കാട്ടിയതാണ് സതീശനെ ചൊടിപ്പിച്ചത്. ‘സ്പ്രിംഗ്ലറിനെതിരെ ഞാന് കേസൊന്നും കൊടുത്തിട്ടില്ല. സ്പ്രിംഗ്ലര് നടപ്പായില്ലല്ലോ പിന്നെ കോടതി എന്ത് പറയാനാണ്. കോടതികളില് ആരും കേസിന് പോയാലും അനുകൂലമായും പ്രതികൂലമായും അഭിപ്രായം വരും. കെ ഫോണിനും എ ഐ കാമറയ്ക്കുമെതിരായ കേസ്, പദ്ധതി പൂര്ത്തിയായ സമയത്ത് എടുക്കുന്നതില് പ്രസക്തിയില്ലെന്ന് പറഞ്ഞാണ് തള്ളിയത്. ഏതോ ചീഫ് ജസ്റ്റിസ് ഓപ്പണ് കോടതിയില് അദ്ദേഹത്തിന്റെ വായില് തോന്നിയത് പറഞ്ഞതാണ്’- സതീശന് പറഞ്ഞു. എഐ ക്യാമറയില് അഴിമതി ആരോപിച്ച് വി ഡി സതീശനും രമേശ് ചെന്നിത്തലയും നല്കിയ പൊതുതാത്പര്യ ഹര്ജി ഹൈക്കോടതി തള്ളിയിരുന്നു. ആരോപണങ്ങള്ക്ക് തെളിവില്ലെന്ന് പറഞ്ഞ കോടതി യാതൊരു തെളിവും…
Read More » -
ദുബായില് പാര്ട്ടിയില് പങ്കെടുത്തവര്ക്കു പിന്നാലെ കേന്ദ്ര ഏജന്സികള്; റോയ് അടക്കം പലരെയും ചോദ്യം ചെയ്തു; ബംഗളുരു ടീമിനെ ഒഴിവാക്കി റെയ്ഡ് നടത്തിയത് കൊച്ചി സംഘം; പ്രതിസന്ധികള് പുല്ലുപോലെ മറികടന്ന റോയിയുടെ മരണത്തില് ദുരൂഹത തുടരുന്നു; ഇന്കം ടാക്സ് ഉദ്യോഗസ്ഥര് വിശദീകരിക്കാന് വിയര്ക്കും
ബംഗളുരു: കോണ്ഫിഡന്റ് ഗ്രൂപ്പ് ഉടമ സി.ജെ. റോയിയുടെ അപ്രതീക്ഷിത മരണത്തിനു പിന്നാലെ നിരവധി സംശയങ്ങളാണ് ഉയരുന്നത്. ഐടി വകുപ്പ് അടക്കമുള്ള കേന്ദ്ര ഏജന്സികള് റോയിക്കു പിന്നാലെ സംശയത്തോടെ നടന്നതിന്റെ കാരണവും വ്യക്തമല്ല. കോണ്ഫിഡന്റ് ഗ്രൂപ്പിന്റെ കോര്പറേറ്റ് സ്ഥാപനങ്ങള് മുഴുവന് ബെംഗളൂരുവിലായിരുന്നിട്ടും കര്ണാടകയിലെ ഐടി ഉദ്യോഗസ്ഥരെ മാറ്റി നിര്ത്തി കൊച്ചിയിലെ ഐടി യൂണിറ്റാണ് അന്വേഷണവും പരിശോധനകളും നടത്തിയിരുന്നത്. റോയിയുടെ അസ്വാഭാവിക മരണത്തിനു ശേഷവും ഇതേക്കുറിച്ചു വ്യക്തമായി പ്രതികരിക്കാന് ആദായനികുതി ഉദ്യോഗസ്ഥരോ വകുപ്പോ തയാറായിട്ടില്ല. ദുബായിലെ റോയിയുടെ ബിസിനസ് ഇടപാടുകളെ ഐടി വകുപ്പ് സംശയത്തോടെയായിരുന്നു കണ്ടത്. ബിസിനസ് ദുബായിലേക്ക് വ്യാപിപ്പിക്കുന്നതിന്റെ ഭാഗമായി കഴിഞ്ഞ വര്ഷം നവംബറില് ദുബായിലൊരു വമ്പന് പാര്ട്ടി റോയ് സംഘടിപ്പിച്ചിരുന്നു. മലയാള സിനിമാപ്രവര്ത്തകര് ഉള്പ്പെടെ ഈ പാര്ട്ടിയില് പങ്കാളികളായി. എന്നാല് പാര്ട്ടിക്കു പിന്നാലെ പങ്കെടുത്ത പലരെയും ആദായ നികുതി വകുപ്പും കേന്ദ്ര സാമ്പത്തിക കുറ്റാന്വേഷണ ഏജന്സികളും നിരീക്ഷണത്തില് ആക്കിയിരുന്നു എന്നാണു റിപ്പോര്ട്ട്. ഇതിന്റെയെല്ലാം അടിസ്ഥാനത്തില് റോയിയുമായി അടുപ്പമുള്ള ചിലരെ ഏജന്സികള് ചോദ്യം…
Read More » -
സമ്മര്ദമില്ലെന്ന് റോയ് എഴുതി നല്കി; പരിശോധന നിയമപരം; മൊഴി രേഖപ്പെടുത്തിയത് സാക്ഷിയുടെ സാന്നിധ്യത്തില്; വിശദീകരണവുമായി ആദായനികുതി വകുപ്പ്; ഡയറി കസ്റ്റഡിയില് എടുത്ത് അന്വേഷണ സംഘം
ബംഗളുരു: കോണ്ഫിഡന്റ് ഗ്രൂപ്പ് ചെയര്മാന് സി.ജെ റോയിയുടെ ആത്മഹത്യയില് വിശദീകരണവുമായി ആദായനികുതിവകുപ്പ്. പരിശോധനയും നടപടികളും നിയമപരമാണ്. ഏത് അന്വേഷണമായും സഹകരിക്കും. വ്യാഴാഴ്ചയാണ് സി.ജെ റോയിയുടെ മൊഴി രേഖപ്പെടുത്തിയത്. സമ്മര്ദങ്ങളുണ്ടായിട്ടില്ലെന്ന് റോയ് എഴുതി നല്കിയിരുന്നു. ഇന്നലെ ചോദ്യം ചെയ്യുകയോ കാണുകയോ ചെയ്തിട്ടില്ല. മറ്റൊരു സാക്ഷിയുടെ സാന്നിധ്യത്തിലാണ് മൊഴി രേഖപ്പെടുത്തിയത് എന്നും ആദായനികുതി വകുപ്പ് വിശദീകരിക്കുന്നു അതേസമയം സി.ജെ.റോയിയുടെ മരണത്തില് കുടുംബാംഗങ്ങളുടെ മൊഴി കര്ണാടക പൊലീസിലെ ക്രിമിനല് ഇന്വെസ്റ്റിഗേഷന് ഡിപ്പാര്ട്ട്മെന്റ് രേഖപ്പെടുത്തി. ബെംഗളൂരു ഹലസുരുവിലെ ഹോട്ടലിലാണ് മൊഴി രേഖപ്പെടുത്തുന്നത്. റോയിയുടെ ഡയറി അന്വേഷണസംഘം കസ്റ്റഡിയിലെടുത്തു. ബന്ധുക്കള് വിദേശത്ത് നിന്ന് എത്തേണ്ടതിനാല് റോയിയുടെ സംസ്കാരം നാളത്തേക്ക് മാറ്റി. . സി.ജെ. റോയിയുടെ ഫോണ് കോളുകള് ഉള്പ്പെടെ പരിശോധിച്ച് വിശദമായ അന്വേഷണം നടത്താനാണ് കര്ണാടക പൊലീസിന്റെ നീക്കം. റിയല് എസ്റ്റേറ്റ് മേഖലയില് അടക്കം വിപുലമായ പരിശോധന നടക്കും. വിശദമായ അന്വേഷണം ആവശ്യപ്പെട്ട് കോണ്ഫിഡന്റ് ഗ്രൂപ്പ് ഡയറക്ടര് ടി. ജെ. ജോസഫ് പൊലീസില് പരാതിയും നല്കിയിരുന്നു. ഐടി ഉദ്യോഗസ്ഥര്…
Read More » -
ഇന്ത്യയില് കുപ്പിവെള്ളം ഇനി വെറും ദാഹശമനിയല്ല; സമ്പന്നരുടെ പുതിയ ‘സ്റ്റാറ്റസ് സിംബല്’; അമേരിക്ക, ഫ്രാന്സ്, ഇറ്റലി ബ്രാന്ഡുകള്ക്ക് ഒപ്പം ഇന്ത്യന് പ്രീമിയം ബ്രാന്ഡുകളും കുതിക്കുന്നു; പ്രതിവര്ഷം 400 ദശലക്ഷം ഡോളറിന്റെ ബിസിനസ്; കുപ്പി ഒന്നിന് വില 80 രൂപ മുതല്
ന്യൂഡല്ഹി: ഡല്ഹിയിലെ ഒരു പ്രീമിയം ഫുഡ് സ്റ്റോറില് അവന്തി മേത്ത ഒരു രുചിപരിശോധന ( blind tasting) സംഘടിപ്പിക്കുകയാണ്. ഫ്രാന്സ്, ഇറ്റലി, ഇന്ത്യ എന്നിവിടങ്ങളില് നിന്നുള്ള പാനീയങ്ങളാണ് അവിടെയുള്ളത്. പക്ഷേ, ഇത് വൈനല്ല, മറിച്ച് വെറും വെള്ളമാണ്! പങ്കെടുക്കുന്നവര് ചെറിയ ഷോട്ട് ഗ്ലാസുകള് ഉപയോഗിച്ച് ഫ്രഞ്ച് ആല്പ്സിലെ ‘എവിയാന്’ (Evian), തെക്കന് ഫ്രാന്സിലെ ‘പെരിയര്’ (Perrier), ഇറ്റലിയിലെ ‘സാന് പെല്ലഗ്രിനോ’ (San Pellegrino), ഇന്ത്യയിലെ ആരവല്ലി നിരകളില് നിന്നുള്ള ‘ആവ’ (Aava) എന്നിവയിലെ ലവണാംശവും (minerality, carbonation and salinity) കാര്ബണേഷനും ഉപ്പുരസവും പരിശോധിക്കുന്നു. ‘ഇവയെല്ലാം വ്യത്യസ്ത രുചിയുള്ളവയാണ്. പോഷകഗുണമുള്ള വെള്ളം വേണം നിങ്ങള് തിരഞ്ഞെടുക്കാന്’ 32 കാരിയായ മേത്ത പറയുന്നു. ഇന്ത്യയിലെ ഏറ്റവും പ്രായം കുറഞ്ഞ ‘വാട്ടര് സോമെലിയര്’ (water sommelier: വെള്ളത്തിന്റെ രുചിയിലും ഗുണത്തിലും വൈദഗ്ധ്യമുള്ളയാള്) എന്നാണ് ഇവര് അറിയപ്പെടുന്നത്. ഇവരുടെ കുടുംബത്തിന്റേതാണ് ‘ആവ’ എന്ന മിനറല് വാട്ടര് ബ്രാന്ഡ്. വളരുന്ന വിപണി ലോകത്തിലെ ഏറ്റവും ജനസംഖ്യയുള്ള ഇന്ത്യയില് പ്രീമിയം…
Read More » -
മഡൂറോയെ തടവിലാക്കിയപ്പോള് നയവും മാറ്റി; ഉന്നം റഷ്യയെന്നു വ്യക്തം; റഷ്യക്കു പകരം വെനസ്വേലയില് നിന്ന് എണ്ണ വാങ്ങണമെന്ന് ഇന്ത്യയോട് ഡോണള്ഡ് ട്രംപ്; വരും മാസങ്ങളില് റഷ്യന് എണ്ണ ഇറക്കുമതി വെട്ടിക്കുറയ്ക്കും
ന്യൂയോര്ക്ക്: റഷ്യന് എണ്ണയ്ക്കു പകരം വെനസ്വേലയില്നിന്ന് ക്രൂഡ് ഓയില് വാങ്ങണമെന്ന് ഇന്ത്യയോട് അമേരിക്ക. യുക്രൈന് യുദ്ധത്തിന്റെ പശ്ചാത്തലത്തില് റഷ്യയില്നിന്നുള്ള എണ്ണ വാങ്ങല് നിര്ത്തണമെന്ന് നിരന്തരം അമേരിക്കയും ട്രംപും ഇന്ത്യയോട് ആവശ്യപ്പെട്ടിരുന്നു. ഇതു മുഖവിലയ്ക്ക് എടുക്കാത്തതിന്റെ പ്രതികാരമെന്നോണമാണ് വന് തുക നികുതിയും ചുമത്തിയത്. നിലവില്, റഷ്യയില്നിന്നുള്ള എണ്ണ ഇറക്കുമതി കുറയ്ക്കണമെന്നും ആവശ്യത്തിനുള്ള എണ്ണ വെനസ്വേലയില്നിന്ന് വാങ്ങാമെന്നുമാണ് ട്രംപ് പറയുന്നത്. രാജ്യാന്തര വാര്ത്താ ഏജന്സിയായ റോയിട്ടേഴ്സ് ആണ് ഇക്കാര്യം റിപ്പോര്ട്ട് ചെയ്തത്. റഷ്യന് എണ്ണ ഇറക്കുമതിക്ക് വാഷിംഗ്ടണ് താരിഫ് വര്ദ്ധിപ്പിച്ചതിനെത്തുടര്ന്ന്, ഇറക്കുമതി വെട്ടിക്കുറയ്ക്കുമെന്ന് ഇന്ത്യ ഉറപ്പു നല്കിയിരുന്നു. വരും മാസങ്ങളില് റഷ്യന് എണ്ണയുടെ ഉപയോഗം പ്രതിദിനം ലക്ഷക്കണക്കിന് ബാരലുകളായി കുറയ്ക്കാന് ഇന്ത്യ ഒരുങ്ങുകയാണെന്ന് സ്രോതസ്സുകള് വ്യക്തമാക്കി. ചര്ച്ചകളുടെ രഹസ്യസ്വഭാവം കണക്കിലെടുത്ത് വിവരങ്ങള് നല്കിയവര് പേര് വെളിപ്പെടുത്താന് തയ്യാറായില്ല. 2025 മാര്ച്ചില്, ഇന്ത്യയുള്പ്പെടെ വെനസ്വേലന് എണ്ണ വാങ്ങുന്ന രാജ്യങ്ങള്ക്ക് പ്രസിഡന്റ് ഡൊണാള്ഡ് ട്രംപ് 25% താരിഫ് ഏര്പ്പെടുത്തിയിരുന്നു. ജനുവരി 3ന് യുഎസ് സൈന്യം പിടികൂടിയ വെനസ്വേലന്…
Read More » -
‘ഇതും പബ്ലിസിറ്റി സ്റ്റണ്ട് ആണോ രാജീവ് ചന്ദ്രശേഖര്? പി.ആര്. ആണോ പ്രതിപക്ഷ നേതാവേ?’ ഒരു പത്രവും ഈ വാര്ത്ത കൊടുത്തില്ല; ഇകഴ്ത്താന് മത്സരിച്ച വിദഗ്ധരും അറിഞ്ഞിട്ടില്ല; നേര് നിലനില്ക്കും, നേരു മാത്രമേ നിലനില്ക്കൂ; സര്ക്കാര് പ്രവൃത്തിയില് വിശ്വസിക്കുന്നു: എം.ബി. രാജേഷ്
തൃശൂര്: തങ്ങള് വിശ്വസിക്കുന്നത് പി ആറില് അല്ല, പ്രവൃത്തിയിലാണെന്നും, ആ പ്രവൃത്തിക്ക് കിട്ടുന്ന അംഗീകാരത്തില് അസഹിഷ്ണുത കാണിച്ചതുകൊണ്ടോ പരിഹസിച്ചതുകൊണ്ടോ കാര്യമില്ലെന്നും അതിദാരിദ്ര്യ നിര്മാര്ജന പദ്ധതിയെ ചൂണ്ടിക്കാട്ടി മന്ത്രി എംബി രാജേഷ്. കേരളത്തിന്റെ അതിദാരിദ്ര്യ നിര്മാര്ജന പദ്ധതിയെ ദേശീയമാതൃകയായി പാര്ലമെന്റില് അവതരിപ്പിച്ച സുപ്രധാന രേഖയായ എക്കണോമിക് സര്വേ വാഴ്ത്തുകയാണെന്ന് അദ്ദേഹം ഫെയ്സ്ബുക്കില് കുറിച്ചു. ഇനി രാജീവ് ചന്ദ്രശേഖര് എന്തുപറയുമെന്നറിയാന് അതിയായ കൌതുകമുണ്ട്. ഇതും പബ്ലിസിറ്റി സ്റ്റണ്ട് ആണോ മിസ്റ്റര് രാജീവ് ചന്ദ്രശേഖര്? ഇതും പിആര് ആണോ ബഹുമാനപ്പെട്ട പ്രതിപക്ഷനേതാവേ? ഇന്നത്തെ ഒരു ദിനപത്രത്തിലും കേരളത്തിന് അഭിമാനം നല്കുന്ന ഈ വാര്ത്ത ഇടംപിടിച്ചതേയില്ല. അതിദാരിദ്ര്യ നിര്മാര്ജന പദ്ധതിയെ ഇകഴ്ത്താനും പരിഹസിക്കാനും മത്സരിച്ച വിദഗ്ധരും അവരെ പിന്തുണച്ച മാധ്യമങ്ങളും ടെലിവിഷന് അവതാരകരും ഇത് അറിഞ്ഞ മട്ടേ നടിക്കുന്നില്ല. സാമൂഹ്യമായ മുന്കൈയോടെ കേരളം അതിദാരിദ്രരെ ശാസ്ത്രീയമായും സമഗ്രമായും കണ്ടെത്തിയെന്ന് റിപ്പോര്ട്ട് ചൂണ്ടിക്കാട്ടുന്നു. ഓരോ കുടുംബത്തെയും അതിദാരിദ്ര്യത്തില് നിന്ന് മോചിപ്പിക്കാന് പ്രത്യേക മൈക്രോ പ്ലാനുകള് തയ്യാറാക്കി. അടിസ്ഥാന രേഖകളും,…
Read More » -
ചെങ്കോട്ടയില് മാത്രമല്ല, ജൂത വംശജന്റെ കോഫി ഷോപ്പ് ശൃംഖലയും തകര്ക്കാന് വൈറ്റ് കോളര് മൊഡ്യൂള് ലക്ഷ്യമിട്ടു; സ്ഫോടനം ഗാസയിലെ നടപടിക്കെതിരേ ഇസ്രയേലിന് സന്ദേശം നല്കാന്; അവസാന നിമിഷം മാറ്റിയത് സംഘത്തിലെ തര്ക്കത്തെ തുടര്ന്നെന്നും പിടിയിലായ ഡോക്ടര്മാര്
ന്യൂഡല്ഹി: കഴിഞ്ഞവര്ഷം (2025) നവംബര് പത്തിനു ചെങ്കോട്ടയില് സ്ഫോടനം നടത്തിയ ഭീകരവാദികള് കൂടുതല് സ്ഫോടനങ്ങള് നടത്താന് പദ്ധതിയിട്ടിരുന്നെന്ന ഞെട്ടിക്കുന്ന വെളിപ്പെടുത്തല്. അറസ്റ്റിലായ ഡോക്ടര്മാരുടെ സംഘം ആഗോള കോഫി ഷോപ്പ് ശൃംഖലയുടെ ഔട്ട്ലെറ്റുകള് ബോംബുവച്ചു തകര്ക്കാന് പദ്ധതിയിട്ടിരുന്നെന്ന് സര്ക്കാര് വൃത്തങ്ങളെ ഉദ്ധരിച്ച് ‘ദി ഹിന്ദു’ റിപ്പോര്ട്ട് ചെയ്തു. യഹൂദ വംശജനായ വ്യക്തി സ്ഥാപിച്ച ഈ കോഫി ഷോപ്പുകളെ ലക്ഷ്യം വെച്ചതിലൂടെ ഇസ്രായേലിന്റെ ഗാസയിലെ സൈനിക നടപടിക്കെതിരെ സന്ദേശം നല്കാനാണ് ഇവര് ലക്ഷ്യമിട്ടത്. കഴിഞ്ഞ നാല് വര്ഷമായി സജീവമായ ഒരു ‘വൈറ്റ് കോളര് ഭീകരവാദ മൊഡ്യൂള്’ (white collar terror module) ആയിരുന്നു ഇതെന്നും സ്രോതസുകള് വെളിപ്പെടുത്തി. പിടിയിലായ മൂന്ന് ഡോക്ടര്മാര് ജമ്മു കശ്മീരില് നിന്നുള്ള മുസമ്മില് അഹമ്മദ് ഗനായ്, അദീല് അഹമ്മദ് റാതര്, ഉത്തര്പ്രദേശില് നിന്നുള്ള ഷഹീന് സയീദ് അന്വേഷണ ഉദ്യോഗസ്ഥരോട് പറഞ്ഞത്, ആക്രമണത്തില് കൊല്ലപ്പെട്ട ചാവേര് ഉമര്-ഉന്-നബിയുമായി ലക്ഷ്യസ്ഥാനങ്ങളെ ചൊല്ലി തങ്ങള്ക്ക് അഭിപ്രായവ്യത്യാസമുണ്ടായിരുന്നു എന്നാണ്. ഡല്ഹിയിലെയും മറ്റ് പ്രധാന ഇന്ത്യന് നഗരങ്ങളിലെയും…
Read More » -
സഞ്ജുവിനു വേണ്ടി സ്ലോട്ട് ഉണ്ടാക്കേണ്ട കാര്യമില്ല, അവന് പുറത്തിരുന്ന് കളി കാണട്ടെ’; തുറന്നടിച്ച് അശ്വിന്; ‘എല്ലാവരും സഞ്ജുവിനു ചുറ്റും കറങ്ങണമെന്ന് പറയുന്നത് ശരിയല്ല’
തിരുവനന്തപുരം: കാര്യവട്ടത്തെ ഗ്രീന്ഫീല്ഡ് സ്റ്റേഡിയത്തില് സഞ്ജു കളിക്കുമോ എന്നാണ് ഏവരും ഉറ്റുനോക്കുന്നത്. സ്വന്തം നാട്ടില് ആദ്യമായി ഒരു ഇന്റര്നാഷണല് മത്സരം കളിക്കുമ്പോള് സമ്മര്ദവും ആശയക്കുഴപ്പവും വീണ്ടും കളിയെ ബാധിക്കുമോ എന്ന ആശങ്കയിലാണ് ആരാധകരും മുന് ടീം അംഗങ്ങളുമൊക്കെ. സമീപകാലത്ത് നേരിടുന്ന ഏറ്റവും വലിയ സമ്മര്ദഘട്ടത്തിലൂടെയാണ് താരം കടന്നുപോകുന്നത്. ആദ്യ നാലു മത്സരങ്ങളില്നിന്നു വെറും 40 റണ്സാണ് മാത്രമുള്ള സഞ്ജുവിന് കാര്യവട്ടത്തെ കളി കരിയറിലെ ഏറ്റവും നിര്ണായക മത്സരങ്ങളിലൊന്നാണ്. ലോകകപ്പ് പ്ലേയിങ് ഇലവനില് സ്ഥാനമുറപ്പിക്കാനുള്ള അവസാന അവസരവും. സ്വന്തം നാട്ടുകാര്ക്ക് മുന്നില് ഫോമിലേക്ക് തിരിച്ചെത്താന് സഞ്ജുവിന് ആകുമെന്നാണ് ആരാധകരുടെ പ്രതീക്ഷ. എന്നാല് അതിനിടെ, സഞ്ജുവിന് വിശ്രമം അനുവദിക്കണമെന്ന ആവശ്യവുമായി രംഗത്തെത്തിയിരിക്കുകയാണ് മുന് ഇന്ത്യന് താരവും രാജസ്ഥാന് റോയല്സില് സഞ്ജുവിന്റെ സഹതാരവുമായിരുന്ന രവിചന്ദ്രന് അശ്വിന്. ”നല്ലൊരു കളിക്കാരനല്ലെങ്കില്, അദ്ദേഹത്തിന് ഈ നിലയില് എത്താന് കഴിയില്ല. മനസ്സ് ഒരുപാട് ചിന്തകളാല് മൂടപ്പെട്ടിരിക്കുമ്പോള്, പന്തുകളുടെ ലൈനും ലെങ്തും തിരിച്ചറിയാന് പ്രയാസമായിരിക്കും. അവന്റെ മനസ്സിലൂടെ ഒരുപാട് ചിന്തകള് കടന്നുപോകുന്നു.”…
Read More » -
‘കാര് വാങ്ങിക്കോളൂ, ഒപ്പം ഒരു തുണ്ട് ഭൂമികൂടി വാങ്ങുക; ഭൂമി കുടുംബത്തിന്റെ സ്വത്തായി മാറുന്നു’; എന്ജിനീയറായി തുടങ്ങി ബില്ഡറും ഏവിയേഷന് രംഗത്തുംവരെ; 2005ല് തുടങ്ങിയ ജൈത്രയാത്ര; 12 റോള്സ് റോയ്സ് സ്വന്തമാക്കിയ കാര് ഭ്രാന്ത്; വെടിയുതിര്ത്തു മരിച്ച സി.ജെ. റോയ് ബിസിനസുകാരുടെ പാഠപുസ്തകം
ബംഗളുരു: ‘ഒരു കാര് വാങ്ങുക, പക്ഷേ ഒരു ചെറിയ കഷ്ണം ഭൂമി കൂടി വാങ്ങുക. ഭൂമി കുടുംബത്തിന്റെ സമ്പത്തായി മാറുന്നു’- ശതകോടികള് ആസ്തിയുള്ള കോണ്ഫിഡന്റ് ഗ്രൂപ്പിന്റെ വളര്ച്ചയിലേക്ക് നയിച്ചത് നിക്ഷേപത്തിലെ ഈ കരുതലായിരുന്നു. ബെംഗളൂരുവിലെ കോര്പ്പറേറ്റ് ഓഫീസില് ഇന്കം ടാക്സ് (ഐടി) റെയ്ഡ് നടക്കുന്നതിനിടെ ആത്മഹത്യ ചെയ്ത കോണ്ഫിഡന്റ് ഗ്രൂപ്പ് സ്ഥാപക ചെയര്മാന് സി.ജെ. റോയ്, നിര്മ്മാണ മേഖലയ്ക്ക് പുറമെ ഹോസ്പിറ്റാലിറ്റി, ഏവിയേഷന്, വിനോദം, വിദ്യാഭ്യാസം, റീട്ടെയില് മേഖലകളില് വെന്നിക്കൊടി പാറിച്ച ബില്ഡറായിരുന്നു. കൊച്ചി സ്വദേശിയായ അദ്ദേഹം വളര്ന്നത് ബെംഗളൂരുവിലാണ്. മെക്കാനിക്കല് എഞ്ചിനീയറിംഗ് ബിരുദധാരി. നേരത്തെ എച്ച്.പിയില് പ്ലാനിംഗ് മാനേജരായി ജോലി ചെയ്തിരുന്നു. പിന്നീട് സൂറിച്ചിലെ എസ്.ബി.എസ് ബിസിനസ് സ്കൂളില് നിന്ന് ബിസിനസ് അഡ്മിനിസ്ട്രേഷനില് ഡോക്ടറേറ്റ് നേടി. നിര്മ്മാണ-റിയല് എസ്റ്റേറ്റ് മേഖലകളിലേക്ക് കടക്കുന്നതിന് മുമ്പ് ഫോര്ച്യൂണ് 100 കമ്പനികള് ഉള്പ്പെടെയുള്ള പ്രമുഖ കോര്പ്പറേഷനുകളില് അദ്ദേഹം സേവനമനുഷ്ഠിച്ചിട്ടുണ്ട്. 2005-ല് ആറ് പങ്കാളികളുമായി ചേര്ന്ന് 100 കോടി രൂപയുടെ പ്രാരംഭ നിക്ഷേപത്തിലാണ് അദ്ദേഹം കോണ്ഫിഡന്റ്…
Read More »