മലപ്പുറം: തിരൂരിൽ മദ്റസ അധ്യാപകനെ വധിക്കാന്‍ ശ്രമിച്ച കേസില്‍ രണ്ട് പേരെ പോലീസ് അറസ്റ്റ് ചെയ്തു.
.കൂട്ടായി വാടിക്കല്‍ സ്വദേശികളായ ചക്കപ്പന്റെ പുരക്കല്‍ മുബാറക്ക്(26), അസനാര്‍ പുരക്കല്‍ ഇസ്മായില്‍(35) എന്നിവരെയാണ് പോലീസ് അറസ്റ്റ് ചെയ്തത്.
കഴിഞ്ഞ ദിവസം രാത്രിയിലാണ് കാട്ടിലെ പള്ളി ബീച്ചില്‍ വെച്ച്‌ പ്രതികള്‍ മദ്‌റസാ അധ്യാപകനായ ഹാരിസ് ഫാളിലിയെ ഇരുമ്ബു വടി കൊണ്ട് തലക്കടിച്ച്‌ കൊലപ്പെടുത്താന്‍ ശ്രമിച്ചത്.
തലയ്ക്കു പിറകില്‍ ഗുരുതരമായി പരുക്കേറ്റ ഇദ്ദേഹത്തെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. സംഭവശേഷം ഒളിവിലായിരുന്ന പ്രതികളെ പെരുന്തുരുത്തി തൂക്കുപാലത്തിനു സമീപം വെച്ചാണ് പോലീസ് പിടികൂടിയത്.
കാട്ടിലെ പള്ളി ഇമാം ഹുസൈന്‍ വഹബിക്ക് നേരെയും നേരത്തേ വധശ്രമം നടന്നിരുന്നു. അതിന് തുടര്‍ച്ചയായാണ് ഈ അക്രമം എന്നാണ് പറയപ്പെടുന്നത്.
