ഇളയ മകളുടെ വിവാഹത്തിനായി അമ്മ സൂക്ഷിച്ചുവെച്ച സ്വര്‍ണം കവര്‍ന്നകേസില്‍ മൂത്തമകളും മരുമകനും അറസ്റ്റില്‍ 

തിരുവനന്തപുരം കരമന കുന്നിന്‍പുറംഭാഗത്ത് കിരണ്‍രാജ്(26) ഭാര്യ ഐശ്വര്യ(22)എന്നിവരാണ് അറസ്റ്റിലായത്. ഇവരുടെ അമ്മ നല്‍കിയ പരാതിയില്‍ ഏറ്റുമാനൂര്‍ പോലീസാണ് അറസ്റ്റ് ചെയ്തത്.

ഓണാവധിക്ക് കുടുംബവീടായ ഏറ്റുമാനൂര്‍ പേരൂരിലേക്ക് എത്തിയ ഐശ്വര്യ അവിടെ അമ്മ സൂക്ഷിച്ചിരുന്ന സ്വര്‍ണം കവര്‍ന്ന് സ്വന്തം വീട്ടിലേക്ക് കൊണ്ടുപോവുകയായിരുന്നു.

ജില്ലാ പോലീസ് മേധാവി കെ. കാര്‍ത്തിക്കിന്റെ നേതൃത്വത്തിലുള്ള അന്വേഷണസംഘം ശാസ്ത്രീയപരിശോധനകള്‍ക്കൊടുവില്‍, സ്വര്‍ണം മോഷ്ടിച്ചത് മകള്‍ തന്നെയാണെന്ന് കണ്ടെത്തുകയായിരുന്നു.