കുറ്റിപ്പുറം: തെറ്റായ ദിശയിലൂടെ അമിതവേഗത്തിൽ എത്തിയ ഇന്നോവ കാർ സ്കൂട്ടറിൽ ഇടിച്ച് പ്രവാസി മരിച്ചു. പുത്തനത്താണി കരിങ്കപ്പാറ സ്വദേശി അബ്ദുള്‍ ഖാദര്‍ (49) ആണ് മരിച്ചത്.
ശനിയാഴ്ച്ച വൈകുന്നേരം അഞ്ചരക്ക് കുറ്റിപ്പുറം – തിരൂര്‍ റോഡില്‍ മഞ്ചാടിയില്‍ വെച്ചാണ് അപകടം.
കുറ്റിപ്പുറം ഭാഗത്തേക്ക് പോകുകയായിരുന്ന ഇന്നോവ കാര്‍ സ്കുട്ടറിനെ ഇടിച്ചു തെറിപ്പിച്ച ശേഷം സമീപത്തെ കടയുടെ മതിലില്‍ ഇടിച്ചാണ് നിന്നത്.
യു.എ.ഇ അല്‍ ഐനില്‍ ജോലി ചെയ്യുന്ന അബ്ദുല്‍ ഖാദര്‍ ദിവസങ്ങള്‍ക്ക് മുന്‍പാണ് നാട്ടിലെത്തിയത്. കുടെ യാത്ര ചെയ്ത ഭാര്യ റുഖിയ പരിക്കേറ്റ് കോട്ടക്കല്‍ സ്വകാര്യ ആശുപത്രിയില്‍ ചികിത്സയിലാണ്.
