തിരുവനന്തപുരം; ഗുജറാത്തിൽ വെച്ച് നടക്കുന്ന 36 മത് ദേശീയ ഗെയിംസിൽ സോഫ്റ്റ് ബോളിനെക്കൂടെ ഉൾപ്പെടുത്തി. കേരളത്തിൽ വെച്ച് നടന്ന 35 മത് ദേശീയ ഗെയിംസിൽ 33 ഇനങ്ങൾ ഉണ്ടായിരുന്നു.
ദേശീയ തലത്തിൽ തന്നെ നിരവധി തവണ കിരീടം നേടിയ സോഫ്റ്റ് ബോൾ കൂടി ദേശീയ ഗെയിംസിൽ ഉൾപ്പെടുത്തിയതോടെ തികഞ്ഞ ആത്മവിശ്വാസത്തിലാണ് കേരളത്തിലെ സോഫ്റ്റ് ബോൾ കായിക താരങ്ങളും, അസോസിയേഷനും. തെലുങ്കാനയിൽ വെച്ച് നടന്ന ദേശീയ സോഫ്റ്റ് ബോൾ ചാമ്പ്യൻഷിപ്പിൽ കേരള വനിതകൾക്കായിരുന്നു കിരീടം ലഭിച്ചത്. അത് കൊണ്ട് തന്നെ കേരള വനിതാ ടീമിന് ദേശീയ ഗെയിംസിൽ പങ്കെടുക്കാനുമാകും.
