എമിറേറ്റ്സിന്റെ ഇകെ 931 വിമാനമാണ് ഇന്നലെ ടെല്‍ അവീവിലെത്തിയത്. കൂടെയെത്തിയ വിഐപി പ്രതിനിധി സംഘത്തെ ഇസ്രായേല്‍ ഗതാഗത, റോഡ് സുരക്ഷാ മന്ത്രി മെറാവ് മൈക്കിലി സ്വാഗതം ചെയ്തു.
ദിവസവും 15:50 ന് ദുബൈയില്‍നിന്ന് പുറപ്പെടുന്ന വിമാനം പ്രാദേശിക സമയം 18:00ന് ബെന്‍ ഗുറിയോണ്‍ എയര്‍പോര്‍ട്ടില്‍ എത്തിച്ചേരും. ടെല്‍ അവീവില്‍നിന്ന് 19:55 ന് മടങ്ങുന്ന വിമാനം 23:59ന് ദുബൈയില്‍ എത്തിച്ചേരും. യുഎഇ സാമ്ബത്തിക മന്ത്രി അബ്ദുല്ല ബിന്‍ തൂഖ് അല്‍ മര്‍രിയ അടക്കം ഉന്നത പ്രതിനിധി സംഘമാണ് വിമാനത്തിലുണ്ടായിരുന്നത്.
